Ɛfesofoɛ 2:19 - AHYERƐLƐ KRONGRON

¹⁹ Yiti afei de, ɛmɔtte ɛwɔfoɛ ne amanvrafoɛ ko, na mmom ɛmɔ ne anwoteefoɛ nemɔ bɛte maen mmaa ne Nyameɛ awuro ama.

Ɛfesofoɛ 2:19 Iomraidhean Croise

Mateo 10:25

Yiti sɛ suaniɛ yɛ kyɛ ye kyerɛkyerɛniɛ a, odi kyɛ ɔma ye nye sɔ; yeɛ akoaa koso sɛ ɔyɛ kyɛ ye mene a, odi kyɛ ɔma ye nye sɔ. Na sɛ bafrɛ awuro mene ne Beɛsebul de a, nzaade ɔkɔyɛ sɛɛ bɔ bɛngɔfa dumaa tɛɛ pee bɛngɔfrɛ ye awuro ama ɔ?

Galatiafoɛ 6:10

Yiti mmerɛ bɔ atee wɔ berɛ ma yɛ ye de, ɛ́mɔma yɛyɔ mmenia amukoraa paa, nganga bɛ bɔ bɛwɔ agyidifoɛ abusua fekue ne anu ne.

Ɛfesofoɛ 2:12

Ɛ́mɔkaye kyɛ, sɔ mmerɛ ne, né ɛmɔ ne Kristo b’afia atete; né ɛmɔte amanvrafoɛ bɔ bɛnga ɛmɔ bɛmmoka Yisrael maen mmaa so ɔ; né ɛmɔte ɛwɔfoɛ wɔ apam bɔhyɛ ahoroɔ ne anwo, bɔ né ɛmɔlle anyelasoɛ biala, bɔ né ɛmɔlle Nyameɛ wɔ wiase ɔ.

Ɛfesofoɛ 3:15

bɔ ye nu yeɛ abusua biala bɔ ɔwɔ nyameɛso ne aseɛ so onya ye dumaa fi ne,

Ɛfesofoɛ 3:6

Na ɛhe ma Amaenmaensofoɛ koso bele kyɛfa wɔ nu, bɛwɔ nipadua komapɛ ne ala nu bie, na bɛnate nzɛmba ne aso banya kyɛfa wɔ ye bɔhyɛ ne anu wɔ Kristo Yesu nu.

Filipifoɛ 3:20

Nakoso yɛ de, nyameɛso yeɛ ɔte yɛ maen ɔ. Berɛ yeɛ yɛnwondɛ kyɛ yɛ Ngoadefoɛ bɔ ye ole Awurade Yesu Kristo ne okofi kɔwa ɔ;

Hebrifoɛ 11:13

Gyidie nu yeɛ sɔ mmenia hemɔ amukoraa bewuli ɔ. Bɛ sa anga bɔhyɛ ne, nakoso befitele dedeede na benwuni bɔhyɛ ne nwo nningyein nen, bele belili, na bele bɛtole nu kyɛ bɛte ɛwɔfoɛ ne amanvrafoɛ wɔ aseɛ he aso.

Hebrifoɛ 13:14

Ɔnate kyɛ, kuro biala nne aseɛ ye aso bɔ ɔwɔ berɛ afebɔɔ ma yɛ ɔ, na kuro bɔ ɔbaawa ne mmom yeɛ yɛpena ye si atee ɔ.

1 Petro 2:11

Adɔfo mɔ, mesrɛ ɛmɔ, ɛmɔte ɛwɔfoɛ ne amanvrafoɛ, yiti anwoɔnaen akɔnnɔ bɔ ɔko tia ɛmɔ kra ne, ɛmɔhwe ɛmɔ nwo befi ye nwo.

1 Yohane 3:1

Ɛ́mɔnea ɔdɔ sonongo bɔ Baba ne wafa walo yɛ ɔ, bɔ ɔmaa bɛfrɛ yɛ Nyameɛ mma ɔ, na yɛte ye mma koso amba. Na ɔnate ɛhe ati ewiase nze yɛ, ofikyɛ onnwuni ye.