Ɛfesofoɛ 2:18 - AHYERƐLƐ KRONGRON

¹⁸ ofikyɛ ye so yeɛ yɛ munyɔ ne yɛnate Sunzum komapɛ nu yɛnya atee yɛkɔ Baba ne berɛ ɔ.

Ɛfesofoɛ 2:18 Iomraidhean Croise

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Yohane 10:7

Yeɛ Yesu sele bɛ bieku kyɛ, “Nahorɛ nu paa, mekã mekyire ɛmɔ kyɛ, me ole mmoaen nemɔ b’anoa ne.

Yohane 10:9

Me ole anoa ne; na sɛ ebie fa me so kɔ nu a, bekole ye ngoa; na okoli nu akɔneaba, na okonya nekaa bɔ okodidi ɔ.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Romanfoɛ 5:2

Ɔnate ye so yeɛ yafa gyidie so yanya adom he bɔ yɛgyi so ye; na yɛhoahoa yɛ nwo Nyameɛ animnyam nwo anyelasoɛ nu.

Romanfoɛ 8:15

Ofikyɛ ɛmɔannya ngoaayɛlɛ sunzum bɔ ɔkɔmaa ɛmɔkosa bekosuro ɔ; na mmom baayɛlɛ Sunzum yeɛ ɛmɔanya ɔ, bɔ ɔmaa yɛtea nu kyɛ: “Abba! Baba!”

1 Korintofoɛ 12:13

Ofikyɛ yɛ mukoraa: Yudafoɛ oo, Helafoɛ oo, ngoaa oo, nnehyeɛ oo, Sunzum komapɛ ne ala yeɛ bɛfa bɛbɔle yɛ asu maa yɛɛyɛle nipadua ko ɔ, na Sunzum komapɛ ne ala yeɛ wahwie wagua yɛ mukoraa yɛ so ɔ.

1 Korintofoɛ 8:6

yɛ de, yɛse kyɛ Nyameɛ komapɛ twe yeɛ ɔwɔ berɛ ɔ. Ye ole Baba ne bɔ ɔbɔle nningyein mukoraa ná yɛ koso yɛte ase yɛma ye ne; yeɛ Awurade komapɛ twe yeɛ ɔwɔ berɛ ɔ, ye ole Yesu Kristo, bɔ ɔnate ye so bɛbɔle nningyein mukoraa ne, na yɛ koso ɔnate ye so yeɛ yɛte ase ɔ.

Galatiafoɛ 4:6

Na ɔnate kyɛ ɛmɔte mmaa ne ati, Nyameɛ asoma Ɔwa ne Sunzum maa waatena ɛmɔ ahone nu, bɔ ɔtea nu kyɛ “Abba! Baba!”

Ɛfesofoɛ 3:12

Na gyidie bɔ yanya ye wɔ Kristo nu ne ati, yɛkora yɛsi y’ahone yɛkɔ Nyameɛ nyunu wɔ anyelasoɛ nu.

Ɛfesofoɛ 3:14

Ɔnate ɛhe ati, mekoto mesrɛ [y’Awurade Yesu Kristo] Baba,

Ɛfesofoɛ 4:4

Ofikyɛ nipadua komapɛ ne Sunzum komapɛ yeɛ ɔwɔ berɛ ɔ, kyɛbɔ bafrɛ ɛmɔ koso wɔ anyelasoɛ komapɛ nu wɔ ɛmɔ frɛlɛ ne anu ne;

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,

Kolosefoɛ 1:12

ná yafa asennaa yama Baba ne bɔ wamaa yafata kyɛ yɛnya kyɛfa wɔ anwoteefoɛ bɔ bɛwɔ kanea nu b’agyapadeɛ ne bie ɔ.

Hebrifoɛ 7:19

ofikyɛ mmeraa ne amma nikyee biala anni mu. Nakoso atee foforɛ so de, anyelasoɛ bɔ ɔte paa tra daa deɛ ne wɔ berɛ, bɔ yɛfa so yɛpingye Nyameɛ ɔ.

Yakobo 3:9

Ye yeɛ yɛfa yɛyirayira yɛ Nyameɛ ne Baba ne; na ye komapɛ ne ala yeɛ yɛfa yɛnoma kuro mmenia bɔ Nyameɛ abɔ bɛ kyɛ ye sɛso ɔ.

1 Petro 1:17

Na sɛ ɛmɔfrɛ bɔ ɔnnea sona nyunu yeɛ obua ndɛen kyɛbɔ ebiala nnwumaa te ɔ kyɛ Baba a, ye de ɔsɛ kyɛ ɛmɔfa esuronyi bɛbɔ ɛmɔ bra wɔ mmerɛ bɔ ɛmɔaayɛ amanvrafoɛ ɔ.

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,

Yuda 1:20

Nakoso ɛmɔ de, aliɛmaa mɔ, ɛmɔhɔ so benyi wɔ ɛmɔ gyidie krongron paa ne anu, ná ɛ́mɔbɔ mbaeɛ wɔ Sunzum Krongron nu;