Ɛfesofoɛ 2:16 - AHYERƐLƐ KRONGRON

¹⁶ na wafa mmeamudua ne aso wasiesie yɛ munyɔ ne ne Nyameɛ y’afia, wɔ nipadua ko nu, na ɔnate so watu ɛpɔen ne bo.

Ɛfesofoɛ 2:16 Iomraidhean Croise

Romanfoɛ 5:10

Mmerɛ bɔ né yɛte Nyameɛ pɔfoɛ nen, Nyameɛ nate Ɔwa ne wue so siesiele yɛ ne ye afia. Na kekesaala ye bɔ yɛne Nyameɛ ayɛ ko ye de, ɔnate teasefoɛ Yesu so okole yɛ ngoa maa ɔkɔbo so.

Romanfoɛ 6:6

Yɛse kyɛ babɔ yɛ sona sue daa ne ne Kristo mmeamudua nu, kyɛbɔ yɛ bɔne nipadua ne kowu na yanyɛ bɔne ngoaa ko ɔ.

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

Romanfoɛ 8:7

Ofikyɛ anwoɔnaen nu adwenedwene pɔ Nyameɛ, ɔngora mmerɛ ye nwo ase nwura Nyameɛ mmeraa bo, ɔngora nyɔ sɔ amba.

1 Korintofoɛ 10:17

Paanoo ne te komapɛ, na ɔwɔ nu kyɛ yɛsone de, nakoso yɛte nipadua komapɛ, ofikyɛ paanoo komapɛ ne ala yeɛ yɛ mukoraa yɛdi ɔ.

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

Ɛfesofoɛ 2:15

ɔnate kyɛ waye ɛpɔen bɔ ɔte mmeraa dwirɛ ahoroɔ bɔ ɔwɔ ahyɛdeɛ nu ne wafi berɛ wɔ ye nwonaen nu, na wahã bɛ munyɔ ne wabɔ nu wayɛ bɛ sona foforɛ ko, wɔ ye bɔbɔ ye nu ama asomdwee awa,

Ɛfesofoɛ 3:6

Na ɛhe ma Amaenmaensofoɛ koso bele kyɛfa wɔ nu, bɛwɔ nipadua komapɛ ne ala nu bie, na bɛnate nzɛmba ne aso banya kyɛfa wɔ ye bɔhyɛ ne anu wɔ Kristo Yesu nu.

Ɛfesofoɛ 4:4

Ofikyɛ nipadua komapɛ ne Sunzum komapɛ yeɛ ɔwɔ berɛ ɔ, kyɛbɔ bafrɛ ɛmɔ koso wɔ anyelasoɛ komapɛ nu wɔ ɛmɔ frɛlɛ ne anu ne;

Kolosefoɛ 2:14

na wakyikyi ahyɛdeɛ ne anu ahyerɛlɛ bɔ otia yɛ bɔ bɛfa bɛbɔle yɛ kwaadu ne, na waye wafi berɛ wafa wabɔ mmeamudua ne anu.

Kolosefoɛ 3:15

Afei ɛ́mɔma Kristo asomdwee ne oli ɛmɔ bra so, na ɛhe ati yeɛ bɛfrɛle ɛmɔ maa ɛmɔɔyɛle nipadua ko ɔ. Na nnɛma ɛmɔyɛ boniayɛ.