Ɛfesofoɛ 2:15 - AHYERƐLƐ KRONGRON

¹⁵ ɔnate kyɛ waye ɛpɔen bɔ ɔte mmeraa dwirɛ ahoroɔ bɔ ɔwɔ ahyɛdeɛ nu ne wafi berɛ wɔ ye nwonaen nu, na wahã bɛ munyɔ ne wabɔ nu wayɛ bɛ sona foforɛ ko, wɔ ye bɔbɔ ye nu ama asomdwee awa,

Ɛfesofoɛ 2:15 Iomraidhean Croise

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

Galatiafoɛ 3:10

Na ebiala bɔ mmeraa ne aso lilɛ so yeɛ ɔfa ye nwo to ne, ye yaakɔ! Ofikyɛ bahyerɛ kyɛ, “Ebiala bɔ onni nikyee biala so kyɛbɔ bahyerɛ ye wɔ mmeraa nwomaa ne anu, ná ɔnyɔ ne, ye yaakɔ!.”

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Galatiafoɛ 6:15

Sɛ ebie pɛ ye bienzua oo, wambɛ ye bienzua oo, nu biala nwo nhia; kyɛ bɛkɔwo wɔ foforɛ yeɛ ohia ɔ.

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Ɛfesofoɛ 2:14

Ofikyɛ ye yeɛ ɔte yɛ asomdwee ɔ, wahã nyɔ ne wabɔ nu wayɛ ye ko, na wadwiri ɛpɔen fasue bɔ ɔla yɛ afia ne wagua,

Ɛfesofoɛ 2:16

na wafa mmeamudua ne aso wasiesie yɛ munyɔ ne ne Nyameɛ y’afia, wɔ nipadua ko nu, na ɔnate so watu ɛpɔen ne bo.

Ɛfesofoɛ 4:16

ye bɔ ye nu yeɛ nipadua ne amukoraa ayɛ mumua, ɔnate akwaa ahoroɔ bɔ wahã watoatoa nu wasiesie so pɛpɛɛpɛ, bɔ ebiala ɔyɔ ye adwuma kyɛbɔ ɔfata ne ati, na ɔma nipadua ne nyi, na ɔpagya ye nwo wɔ ɔdɔ nu.

Kolosefoɛ 2:14

na wakyikyi ahyɛdeɛ ne anu ahyerɛlɛ bɔ otia yɛ bɔ bɛfa bɛbɔle yɛ kwaadu ne, na waye wafi berɛ wafa wabɔ mmeamudua ne anu.

Kolosefoɛ 2:20

Sɛ ɛmɔ ne Kristo banya bawu bafi wiase sunzum nu ngyerɛkyerɛ nu a, nzu ati yeɛ ɛmɔbɔ ɛmɔ bra kyɛ ɛmɔtɛwɔ wiase ɔ? Nzu ati yeɛ ɛmɔdi ahyɛdeɛ sɔaa mɔ so ɔ:

Kolosefoɛ 3:10

na ɛmɔanya sona sue foforɛ, na ye bɔ ɔbɔle yɛ ne, ogu so ɔyɛ yɛ foforɛ ba nimdeɛ nu maa ye sɛso yɛ kyɛ ye bɔbɔ ne ala.

Kolosefoɛ 3:11

Yiti Helaniɛ oo, Yudaniɛ oo; bienzuapɛlɛniɛ oo, bɛmbɛ-bɛ-bienzuafoɛ oo; pɔtɔniɛ oo, bɔ ye nye butu ase oo; akoaa oo, dehyeɛ oo, nzonzoleɛ biala nne b’afia, ofikyɛ Kristo wɔ berɛ ma bɛ mukoraa, na ɔte bɛ mukoraa bɛ nu.

Kolosefoɛ 3:15

Afei ɛ́mɔma Kristo asomdwee ne oli ɛmɔ bra so, na ɛhe ati yeɛ bɛfrɛle ɛmɔ maa ɛmɔɔyɛle nipadua ko ɔ. Na nnɛma ɛmɔyɛ boniayɛ.

Hebrifoɛ 7:16

Nna kuro sona abusua nu nhyehyɛleɛ ne ye mmeraa so yeɛ bɛfa bɛyele ye ɔ; na mmom ɔnate ngoa bɔ ye bo ngɔpɛ le tumi so yeɛ ɔyɛle sɔfo ɔ.

Hebrifoɛ 8:13

Na sɛ Nyameɛ kã kyɛ “Apam foforɛ” a, né obu bɔ oli moa ne kyɛ wayɛ daa; yeɛ nikyee biala bɔ ye mmerɛ ogu so ɔpɛ nu ná ɔyɛ daa nen, ɔngyɛ né watu wamini.

Hebrifoɛ 9:23

Nzaade, nningyein bɔ bɛte nyameɛso deɛ ne nwo nhwɛsoɛ ne, né ohia kyɛ bɛte bɛ nwo wɔ atee sɔa so; nakoso nyameɛso deɛ nemɔ de, afɔleɛ bɔ odi mu tra so yeɛ bɛfa bɛte bɛ nwo ɔ.