Ɛfesofoɛ 2:13 - AHYERƐLƐ KRONGRON

¹³ Nakoso afei de, Kristo nu, ɛmɔ bɔ ahaa né ɛmɔwɔ dedeede ne, ɛmɔafa Kristo mogya ne aso bapingye.

Ɛfesofoɛ 2:13 Iomraidhean Croise

Edwein 22:7

Ebiala bɔ onwu me ne, ɔgoro me nwo; besobi bɛ noa begua me so, ná bawoso bɛ ti (bahã kyɛ):

Edwein 73:27

Ofikyɛ amba, bɛ bɔ bɛtwe bɛ nwo befi wɔ nwo ne, bɛ boso konua, na bɛ bɔ bɛyakyi wɔ si lilɛ bɛtwe bɛ nwo befi wɔ nwo ne, enua bɛ boso.

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yesaya 43:6

Ngɔhã ngohyire sorɔ dɔ kyɛ, ‘Ma bɛ ate!’ Yeɛ ngɔhã ngohyire ngwaen dɔ kyɛ, ‘Nnɛsi bɛ ate!’ Fa me mma mmienzua mɔ fi dededede bra, ná fa me mma mmrasua mɔ fi aseɛ noa dɔ paa bra;

Yesaya 49:12

Tie, ɛhemɔ kofi nziɛ nziɛ yeɛ bɛkɔwa ɔ, tie, ɛhemɔ kofi sorɔ ne eyia atɔleɛ, yeɛ ɛhemɔ kofi Sinim aseɛ so bɛkɔwa.

Yesaya 57:19

Asomdwee, asomdwee hã bɔ ɔwɔ nziɛ nziɛ ne bɔ opingye ɔ, AWURADE noa dwirɛ ɛne; na ngɔsa ye anwonyerɛ.

Yesaya 60:4

To wɔ nye anwuro nea bra yia, bɛ mukoraa baboa bɛ noa, bɛ́ba wɔ berɛ; wɔ mma mmienzua befi dedeede yeɛ bɛ́ba ɔ, na wɔ mma mmrasua koso, badodo bɛ yeɛ bɛ́ba ɔ.

Yesaya 60:9

Amba, supɔ mɔ kɔnwondɛ me, Tasise ɛlɛen mɔ yeɛ bekoli moa ɔ, bɛkɔfa wɔ mma mɔ bekofi dedeede bɛkɔwa bɔ b’ɛdwetɛ ne bɛ sikaa kɔkorɛ boka so, bɔ bɛbaafa bɛhyɛ AWURADE wɔ Nyameɛ dumaa animnyam, ɔne Yisrael Krongronniɛ ne animnyam ɔ, ofikyɛ wahyɛ wɔ animnyam.

Yesaya 66:19

Ngɔyɔ nzɛngyerɛnneɛ wɔ bɛ nu, na bɛ bɔ bekonya bɛ ti bekodidi nu ne, ngɔsoma bɛ maa bɛkɔhɔ maen maen mɔ berɛ: wɔ Tasise, Pule ne Lude bɔ bɛte agyaentolɛfoɛ ne, Tubal ne Yawan, dedeede supɔ mɔ bɔ bennya bɛttele me nga, bɔ bennya bennwuni m’animnyam ne; na bɛkɔɔbɔ m’animnyam nwo dawure wɔ maen maen mɔ so.

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

Asomafoɛ 15:14

Simɔn aha kyɛbɔ osi yɛle bɔ Nyameɛ ɔɔneaneane Amaenmaensofoɛ nu yele mmenia bie fili bɛ nu kyɛ bɛyɛ ye deɛ bɔkɔɔ ɔ.

Asomafoɛ 2:39

Ofikyɛ Nyameɛ anohoba ne wɔ berɛ ma ɛmɔ ne ɛmɔ mma ne bɛ bɔ bɛwɔ dedeede, ɔne ebiala bɔ Awurade, yɛ Nyameɛ, kɔfrɛ ye kɔwa ye berɛ ɔ.”

Asomafoɛ 22:21

Na Awurade sele me kyɛ, ‘Kɔ, na ngɔsoma wɔ dedeede maa ɛkɔhɔ Amaenmaensofoɛ berɛ.’ ”

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Romanfoɛ 8:1

Afei de, foɛbualɛ biala nne berɛ mma bɛ bɔ bɛte Kristo Yesu nu ne.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

1 Korintofoɛ 12:13

Ofikyɛ yɛ mukoraa: Yudafoɛ oo, Helafoɛ oo, ngoaa oo, nnehyeɛ oo, Sunzum komapɛ ne ala yeɛ bɛfa bɛbɔle yɛ asu maa yɛɛyɛle nipadua ko ɔ, na Sunzum komapɛ ne ala yeɛ wahwie wagua yɛ mukoraa yɛ so ɔ.

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Ɛfesofoɛ 1:1

Pɔɔlo bɔ ɔnate Nyameɛ pɛ so nde Kristo Yesu somafoɛ ne, mefa mebrɛ anwoteefoɛ bɔ bɛwɔ Ɛfeso bɔ bɛte Kristo Yesu nu agyidifoɛ ne.

Ɛfesofoɛ 1:7

Ɔnate ye mogya ne aso yeɛ wale yɛ ɔ, bɔ ye ole yɛ mvomsoɛ fahyɛlɛ ne, kyɛbɔ ye adom mmorosoɛ ne te ne,

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Ɛfesofoɛ 2:12

Ɛ́mɔkaye kyɛ, sɔ mmerɛ ne, né ɛmɔ ne Kristo b’afia atete; né ɛmɔte amanvrafoɛ bɔ bɛnga ɛmɔ bɛmmoka Yisrael maen mmaa so ɔ; né ɛmɔte ɛwɔfoɛ wɔ apam bɔhyɛ ahoroɔ ne anwo, bɔ né ɛmɔlle anyelasoɛ biala, bɔ né ɛmɔlle Nyameɛ wɔ wiase ɔ.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Ɛfesofoɛ 2:6

Na watingye yɛ ne ye, na wafa yɛ ne ye waatena nyameɛso dɔ wɔ Kristo Yesu nu,

Hebrifoɛ 9:18

Na ɔnate ɛhe ati yeɛ apam bɔ oli moa ne po anyɛ adwuma kɔpem kyɛ bɛfale mogya bɛbɔle ye atenaseɛ ɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,