Ɛfesofoɛ 2:12 - AHYERƐLƐ KRONGRON

¹² Ɛ́mɔkaye kyɛ, sɔ mmerɛ ne, né ɛmɔ ne Kristo b’afia atete; né ɛmɔte amanvrafoɛ bɔ bɛnga ɛmɔ bɛmmoka Yisrael maen mmaa so ɔ; né ɛmɔte ɛwɔfoɛ wɔ apam bɔhyɛ ahoroɔ ne anwo, bɔ né ɛmɔlle anyelasoɛ biala, bɔ né ɛmɔlle Nyameɛ wɔ wiase ɔ.

Ɛfesofoɛ 2:12 Iomraidhean Croise

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

2 Aberɛso Dwirɛ 15:3

Mmerɛ tendenn bie bɔ wapɛ nu ɔ, né Yisrael ɔnze nahorɛniɛ Nyameɛ ne. Né belle ɔsɔfo bɔ okyirekyire bɛ ɔ, yeɛ belle mmeraa biala.

Ɛsra 4:3

Nakoso Serubabɛl ne Yesua ne Yisrael mmusua mbanyi ngaa nemɔ buale bɛ kyɛ, “Yɛngɔma ɛmɔ ngɔboka yɛ so wɔ yɛ Nyameɛ awuro ne ye silɛ nu, na mmom yɛ ngome yeɛ yɛkosi AWURADE Yisrael Nyameɛ awuro ne ɔ, kyɛbɔ Pɛsia hene Karose ahyɛ kyɛ yɛyɔ ne ala.”

Ɛksadɔso 12:45

Ɛwɔfoɛ bɔ ɔne ɛmɔ baatena anaa paaniɛ biala nni bie.

Yesaya 14:1

Amba, AWURADE konwu Yakob anwumvoin. Okosa kɔneanea nu kɔye Yisrael, na ɔkɔfa bɛ koolua bɛ bɔbɔ b’aseɛ so. Na amanvrafoɛ kɔɔboka bɛ so bɛkɔfa bɛ nwo bɛkɔbɔ Yakob boso ama.

Yesaya 44:6

AWURADE, Yisrael Hene, bɔ ɔte ye Defoɛ ne, Asafo AWURADE ye noa dwirɛ ɛhe: “Me ole Ahyɛaseɛ, yeɛ me ole Ayieleɛ; nyameɛ biala nne berɛ bɔ ɔboka me so ɔ.

Yesaya 45:20

“Amaen maen mɔ nu ama bɔ ɛmɔanya ɛmɔ ti badidi nu ɔ, ɛ́mɔboaboa ɛmɔ noa bɛ́bra, ɛ́mɔbɔ nu bépingye wa! Bɛ mmakaa amoen nemɔ, mmenia bɔ bɛsoa bɛnate, bɔ bɛtɛbɔ mbaeɛ bekyire mmosoen bɔ bɛngora ngoa de ne, nimdeɛ biala nne bɛ ti anu.

Yesaya 61:5

Ɛwɔfoɛ mɔ kogyina kɔnea ɛmɔ mmoaen so, amanvrafoɛ kɔyɛ ɛmɔ apaafoɛ ne bobe boo so neafoɛ,

Yeremia 14:8

Ao Yisrael anyelasoɛ, ye Defoɛ wɔ amaneɛnwunɛ mmerɛ nu, nzu ati yeɛ ɛyɛ wɔ nwo kyɛ ɛwɔfoɛ wɔ aseɛ ye aso ɔ, kyɛ akwanduniɛ bɔ aleɛ asa bɔ ɔpena nekaa osikye ɔ?

Yeremia 17:13

Ao AWURADE, Yisrael anyelasoɛ! Ebiala bɔ ɔpo wɔ ne, ye nyunu kogua ase; bɛ bɔ bɛkakyi bɛ si bɛma me ne, bɛkɔhyerɛ bɛ dumaa wɔ aseɛ so, ofikyɛ bapo AWURADE bɔ ɔte ngoa asue ti ne.

Hesekiel 13:9

Me tumi kɔho kotia ngɔmhyɛlɛfoɛ bɔ bɛbɔ bɛ sɔ nu benwu nyekyire, ná bɛhyɛ ngondombo ngɔm ɔ. Bɛngɔboka me maen badwa ne aso, bɛngɔha bɛ ngɔfra Yisrael awuro ama so, yeɛ bɛ gya baa ngotia Yisrael aseɛ so, amaa ɔnate so ɛmɔanwu kyɛ me ole AWURADE Nyameɛ.

Hesekiel 37:26

Asa koso, me ne bɛ yɛkɔyɛ asomdwee apam, ɔkɔyɛ me ne bɛ daa apam; ngɔmaa bekotindim, ngɔmaa bɛkɔta pee, na ngɔfa me nekaa krongron ne ngosie bɛ nu afebɔɔ.

Hesekiel 47:22

Odi kyɛ ɛmɔfa serewagualɛ so bɛkyɛ maa ɔyɛ ɛmɔ agyapadeɛ, ɛmɔ ne amanvrafoɛ bɔ baatena ɛmɔ nu ná bawowo mmaa bagua ɛmɔ nu ne. Odi kyɛ ɛmɔbu bɛ kyɛ Yisrael mmaa bɔ bɛwole bɛ maen ne anu ne ala. Bɛ ne ɛmɔ yeɛ bekonya agyapadeɛ wɔ Yisrael mmusua kure nu ɔ.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Numeri 18:19

Afɔleɛ krongron amukoraa bɔ Yisraelfoɛ bɔ ma AWURADE ne, mafa mama wɔ ne wɔ mma mmienzua ne wɔ mma mmrasua mɔ. Ɔte ɛmɔ deɛ afebɔɔ. Ɔte ngyee apam afebɔɔ wɔ AWURADE nyunu ma wɔ ne wɔ bosofoɛ koso.”

Luka 1:72

kyɛ okonwu yɛ nana mɔ anwumvoin, ná wakaye ye apam krongron ne.

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

Yohane 15:5

“Me ole bobe ne, na ɛmɔ ole mmaen nemɔ. Ebiala bɔ ɔtena me nu, ná me koso metena ye nu ne, ye yeɛ osu mmaa pee ɔ; ɔnate kyɛ ɛmɔkwati me a, ɛmɔngɔhora nikye fee yɔ.

Yohane 4:22

Ɛmɔ de, ɛmɔsɔne bɔ ɛmɔnze ye ɔ; nakoso yɛ de, yɛsɔne bɔ yɛse ye ɔ, ofikyɛ Yudafoɛ nu yeɛ ngoalelɛ ne ofi ɔ.

Asomafoɛ 2:39

Ofikyɛ Nyameɛ anohoba ne wɔ berɛ ma ɛmɔ ne ɛmɔ mma ne bɛ bɔ bɛwɔ dedeede, ɔne ebiala bɔ Awurade, yɛ Nyameɛ, kɔfrɛ ye kɔwa ye berɛ ɔ.”

Asomafoɛ 28:20

Na ɛhe ati yeɛ ɔmaa ndole me sa mvrɛle ɛmɔ kyɛ me ne ɛmɔ yɛbaali ngɔmɔ ɔ, ofikyɛ ɔnate Yisrael anyelasoɛ ti yeɛ bagua me ngɔnzɔngɔnzɔ ye.”

Asomafoɛ 3:25

Anohoba bɔ Nyameɛ nate ye ngɔmhyɛlɛfoɛ so bɔle ne te ɛmɔ deɛ, yeɛ Nyameɛ ne ɛmɔ nana mɔ apam ne koso, ɛmɔboka so, kyɛbɔ ɔha hyirele Abraham kyɛ, ‘Ngɔfa wɔ bosofoɛ so ngoyira ewiase abusua mukoraa.’

Romanfoɛ 9:8

Ɛhe kyire kyɛ nna anwoɔnaen nu mma yeɛ bɛte Nyameɛ mma ɔ; na mmom bɔhyɛ ne mma yeɛ bebu bɛ kyɛ ye bosofoɛ kaenn ɔ.

Galatiafoɛ 4:8

Daa ne bɔ né ɛmɔnze Nyameɛ nen, ɛmɔyɛle ngoaa bɛmane abɔdeɛ mɔ bɔ nna nyameɛ mɔ ahɔ ɔ.

Ɛfesofoɛ 2:19

Yiti afei de, ɛmɔtte ɛwɔfoɛ ne amanvrafoɛ ko, na mmom ɛmɔ ne anwoteefoɛ nemɔ bɛte maen mmaa ne Nyameɛ awuro ama.

Ɛfesofoɛ 4:18

Bɛ de, awosii akata bɛ ndeaseɛ so, na ɔnate ndeaseɛ bɔ belle bie, ná bayɛ asoserɛ ne ati, ngoa bɔ Nyameɛ fa ma ne wabɔ bɛ.

Kolosefoɛ 1:21

Na ɛmɔ de, ahaa né ɛmɔte ɛlɔenyɛlɛfoɛ mɔ ne pɔfoɛ mɔ, wɔ adwene nu ne bɔne nnwumaayɔlɛ mu.

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

Kolosefoɛ 1:5

ɔnate anyelasoɛ bɔ ɔwɔ berɛ ma ɛmɔ wɔ nyameɛso. Na ɛhe yeɛ ɛmɔate ye dada wɔ nahorɛ dwirɛ bɔ ye ole nzɛmba ne,

1 Tɛsalonikafoɛ 4:13

Aliɛmaa mɔ, yɛkuro kyɛ ɛmɔnwu nahorɛ bɔ ɔfa bɛ bɔ balela nemɔ anwo, ná ɛmɔ wora ammɔ kyɛ mmenia bɔ baha bɔ belle anyelasoɛ ne.

1 Tɛsalonikafoɛ 4:5

na mmom ɔnzɛ kyɛ ɛmɔma akɔnnɔ tɛɛ hyɛ ɛmɔ so kyɛbɔ maen maen nufoɛ bɔ bɛnze Nyameɛ ɔ bɛyɔ ne.

2 Tɛsalonika 2:16

Na afei, Y’Awurade Yesu Kristo bɔbɔ ne yɛ Baba Nyameɛ, bɔ okuro yɛ dwirɛ, ná walo yɛ wama yɛ daa asomdwee ne anyelasoɛ paa ne,

1 Timoteo 1:1

Pɔɔlo, Kristo Yesu somafoɛ, kyɛbɔ yɛ Ngoadefoɛ Nyameɛ ne Kristo Yesu bɔ ɔte yɛ anyelasoɛ ne hyɛle ne,

Hebrifoɛ 11:34

benuane see wuronyiwuronyi, benyane bɛ ti ngoa bɔ bandotɔ ngrandɛ noa ɔ, benyane anwoserɛ befili mmerɛyɛlɛ nu, bɛ nwo yɛle se wɔ koɛ nu, na bɛfoane amanvrafoɛ asraafoɛ maa bɛnwatili.

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

Hebrifoɛ 8:6

Nakoso kekesaala ye de, Kristo sa ahã sɔfodwuma bɔ odi mu bɔkɔɔ tra bɛ deɛ ne, ofikyɛ apam bɔ odi mu, na afei ogyi bɔhyɛ bɔ odi mu so yeɛ ɔte nu ndamgyinaniɛ ɔ.

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.

1 Petro 1:3

Animnyam hã Nyameɛ, y’Awurade Yesu Kristo Baba ne, bɔ ɔnate ye anwumvoinnwunɛ mmorosoɛ ti wafa Yesu Kristo awufoɛ nu ewutingyelɛ ne aso wawo yɛ foforɛ maa yanya anyelasoɛ bɔ ngoa wɔ nu,

1 Petro 3:15

na mmom ɛ́mɔma Awurade Kristo ɔyɛ krongron wɔ ɛmɔ ahone nu. Na mmerɛ biala, ɛ́mɔboaboa ɛmɔ nwo bésie, amaa sɛ ebie bisa ɛmɔ dwirɛ fa anyelasoɛ bɔ ɔwɔ ɛmɔ nu ne nwo a, ɛmɔahora baye ye noa bahyire ye wɔ anwobrɛaseɛ ne anidie nu.

1 Yohane 3:3

Na ebiala bɔ ole sɔ anyelasoɛ ne wɔ Kristo nu ne, ɔte ye nwo kyɛbɔ Kristo nwo te ne.