Ɛfesofoɛ 1:9 - AHYERƐLƐ KRONGRON

⁹ Ofikyɛ wamaa yanwu ye mvealeɛ nu apɛdeɛ, kyɛbɔ ye nhyehyɛleɛ botaeɛ bɔ ɔhyehyɛle ye wɔ Kristo nu ne ɔte ɔ.

Ɛfesofoɛ 1:9 Iomraidhean Croise

Edwein 33:11

Nakoso AWURADE agyinatulɛ de, ogyi berɛ afebɔɔ, na ye ti anu nzusuleɛ wɔ berɛ ma aworɛ ndoatoasoɛ amukoraa.

Yeremia 2:29

“Nzu ati yeɛ ɛmɔbɔ me kwaadwu ɔ? Ɛmɔ amukoraa bayɛ me nwo lɔen, AWURADE noa dwirɛ ɛne.

Mateo 13:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu nyameɛso ahennie nu mvealeɛ nu dwirɛ, nakoso bɛ de, bɛffa bɛmmane bɛ.

Luka 12:32

“Fekue kaaba, nnɛma ɛmɔsuro! Ofikyɛ ɔyɛ ɛmɔ Baba ne fɛ kyɛ ɔkɔfa ahennie ne kɔma ɛmɔ ɔ.

Luka 2:14

“Animnyam hã Nyameɛ wɔ anwuro anwuro, na asomdwee hã mmenia bɔ bɛsɔ ye nye ɔ wɔ aseɛ aso!”

Asomafoɛ 13:48

Na mmerɛ bɔ Amaenmaensofoɛ nemɔ bɛtele sɔ dwirɛ nen, ɔyɛle bɛ fɛ, na bɛhyɛle Awurade dwirɛ ne animnyam. Na bɛ bɔ baneanea nu baye bɛ kyɛ benya daa ngoa ne, bele belili.

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 4:28

Beyiale nu bɛfale adwene bɛyɔle nikyee biala kyɛbɔ wɔ tumi ne wɔ nhyehyɛleɛ aha ato berɛ kyɛ okosi ne.

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

Romanfoɛ 8:28

Yɛse kyɛ bɛ bɔ bekuro Nyameɛ dwirɛ ne, bɔ okosi biala ɔboka bɛ, bɛ bɔ ɔnate ye nhyehyɛleɛ so wafrɛ bɛ ne.

1 Korintofoɛ 1:21

Ɔnate Nyameɛ nworɛ (nhyehyɛleɛ) ne ati, adasammaa bangora bamva bɛ nworɛ so bannwu Nyameɛ. Yiti ɔsɔle Nyameɛ nye kyɛ ɔkɔfa edwirɛ bɔ yɛkã, bɔ bebu ye ngwaseasɛm ne aso kole bɛ bɔ bede bedi ne ngoa.

Galatiafoɛ 1:12

Ɔnate kyɛ mannya mamvi kuro sona berɛ, yeɛ bangyire me koso; na mmom Yesu Kristo yeɛ ɔyele ye ali hyirele me ɔ.

Galatiafoɛ 1:15

Nakoso Nyameɛ bɔ ɔneaneane nu yele me koraka yeɛ bɛbaawo me, na ɔlole me frɛle me ne, mmerɛ bɔ ɔsɔle ye nye

Galatiafoɛ 1:16

kyɛ ɔkɔla Ɔwa ne ali kohyire me, amaa ɔnate so mahã ye nwo nzɛmba ne mahyire Amaenmaensofoɛ ne, berɛ ne ala manzusu ye nwo mangyire sona biala.

Ɛfesofoɛ 1:11

Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

Ɛfesofoɛ 1:8

na ɔmaa ɔbole so mane yɛ wɔ nworɛ ne nimdeɛ amukoraa nu.

Ɛfesofoɛ 3:11

Na ɛhe te ye nhyehyɛleɛ afebɔɔ bɔ ɔnate y’Awurade Yesu Kristo so wawa nu ɔ.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

2 Timoteo 1:9

Ye yeɛ oolele yɛ ná ɔfale ɛfrɛlɛ krongron frɛle yɛ ɔ, nna kyɛ yɛ nnwumaa ti ɔ; na mmom kyɛbɔ ye bɔbɔ ye nhyehyɛleɛ ne adom bɔ wafa walo yɛ wɔ Kristo Yesu nu fi tetetete ne ɔte ne.