Ɛfesofoɛ 1:7 - AHYERƐLƐ KRONGRON

⁷ Ɔnate ye mogya ne aso yeɛ wale yɛ ɔ, bɔ ye ole yɛ mvomsoɛ fahyɛlɛ ne, kyɛbɔ ye adom mmorosoɛ ne te ne,

Ɛfesofoɛ 1:7 Iomraidhean Croise

YOB NWOMAA NE 33:24

onwu sɔ sona ne anwumvoin ɔka kyɛ, ‘De ye ngoa, nnɛmaa ɔkɔ ɛborɔ kumaa nu, ofikyɛ manya bɔ mefa meyɛ ye ti nyɔboɛ mede ye ngoa ɔ;

Edwein 130:4

Nakoso wɔ de bɔnefakyɛ wɔ wɔ nu, amaa ɔnate so yasuro wɔ.

Edwein 130:7

Ao Yisrael, fa wɔ wora wura AWURADE nu! Ofikyɛ AWURADE yeɛ ole ɔdɔ bɔ onni ngasi ɔ, na ye yeɛ ɔpepɛ de sona mmorosoɛ ɔ.

Edwein 86:5

Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Ɛksadɔso 34:7

bɔ ye dɔ bɔ onni ngasi wɔ berɛ ma mmenia apee apee, bɔ ɔfa amumuyɛɛ ne mmeraatolɛ ne bɔne kyɛ ɔ. Nakoso ɔmma sona bɔ odi fɔ ne ɔmva ye nwo tɔtorɔtɔɔ, na ɔprapra seɛ mɔ bɔne nwo asohwenɛ gua bɛ mma mɔ ne bɛ nnomaa mɔ so, maa okodwu aworɛ ndoatoasoɛ nza ne nna so.”

Yesaya 43:25

“Me, me ole bɔ ɔnate me bɔbɔ me ti mekyikyi wɔ mmeraatolɛ ɔ, na mengɔkaye wɔ bɔne.

Yeremia 31:34

Na ebiala ngohyirehyire obiɛngo ko, yeɛ ebiala ngose oliɛma kyɛ, ‘Nwu AWURADE,’ ofikyɛ ofi bɛ nu kwahweabaa so bɔ ɔkwaadwu bɛ nu titire paa so, bɛ mukoraa bekonwu me, AWURADE noa dwirɛ ɛne. Ofikyɛ ngɔfa b’amumuyɛɛ ngɔhyɛ bɛ, na mengɔkaye bɛ bɔne ko.”

Daniel 9:19

O AWURADE, tie; O AWURADE, fa yɛ bɔne kyɛ yɛ; O AWURADE, tie yɛ ná boka yɛ; nnɛkyɛ, o me Nyameɛ, ɔnate wɔ bɔbɔ wɔ ti, ofikyɛ wɔ dumaa yeɛ ɔla wɔ kuro ne ne wɔ maen ne aso ɔ.”

Daniel 9:9

O AWURADE yɛ Nyameɛ, yayɛ wɔ nwo lɔen, nakoso wɔ yeɛ ɛse anwumvoin ná ɛfa bɔne kyɛ ɔ.

Yona 4:2

Na ɔbɔle mbaeɛ bisale AWURADE kyɛ, “Ao AWURADE, mesrɛ wɔ, mmerɛ bɔ né nwɔ me maen nu ne, aso nna edwirɛ he yeɛ ngane ɔ? Ye sɔ ti yeɛ nwatili kyɛ ahaa mekɔ Tasise ne, ofikyɛ mese kyɛ ɛte Nyameɛ bɔ ɛdo mmenia ná ɛse anwumvoin ɔ, w’ahone nhu ndɛ, wɔ ɔdɔ bɔ onni ngasi ne ɔte piri, na ɛsesã w’adwene wɔ musue bɔ ɛbaafa ba ɔ nwo.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Sakaria 9:11

Na wɔ koso, ɔnate w’apam mogya ne ati, wɔ mmenia bɔ begua kuku nu ne, ngɔye bɛ ngofi kumaa bɔ nzue nne nu ne anu.

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

Mateo 26:28

ofikyɛ ɛhe yeɛ ɔte me mogya bɔ ogyi berɛ ma apam bɔ mmenia pee ti béhwie bégua bɛ́ma bɔnefakyɛ ɔ.

Mateo 6:12

Na fa yɛ mvomsoɛ kyɛ yɛ, kyɛbɔ yɛfa yɛkyɛ bɛ bɔ bɛfõ yɛ ne.

Marko 14:24

Na osele bɛ kyɛ, “Ɛhe te me mogya bɔ ɔte apam foforɛ mogya bɔ mmenia pee ti béhwie bégua ɔ.

Luka 1:77

ná afa ngoalelɛ nwo nimdeɛ ama ye maen, wɔ bɛ bɔne fakyɛ nu,

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 20:23

Bɛ bɔ ɛmɔfa bɛ bɔne bɛkyɛ bɛ ne, bafa bahyɛ bɛ; na bɛ bɔ ɛmɔmva bɛ bɔne ngyɛ bɛ ne, bɛmva bɛngyɛ bɛ.”

Asomafoɛ 10:43

Ye yeɛ Nyameɛ ngɔmhyɛlɛfoɛ ne amukoraa lili ye nwo adanzeɛ kyɛ ebiala bɔ ode ye di ne, ɔnate ye dumaa nu konya bɔnefakyɛ ɔ.”

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Romanfoɛ 2:4

Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

Romanfoɛ 3:24

Nyameɛ nate ye adom bɔ ɔfa kyɛ mbaen ne aso obua bɛ be wɔ Kristo Yesu nu ngoalelɛ ne anu.

Romanfoɛ 3:25

Ye yeɛ Nyameɛ afa ye wasie berɛ kyɛ mbata nikye bɔ ɔnate ye mogya nu gyidie so, bɔ wafa wahyire ye tenenee kyɛ bɔne bɔ bayɔ ye daa ne, wakyikyi wafi berɛ wɔ Nyameɛ aboterɛ nu;

Romanfoɛ 9:23

Afei koso ɔyɛle kyɛ ɔkɔla ye animnyam mmorosoɛ ne ali kohyire bɛ bɔ wanwu bɛ anwumvoin ne, ofikyɛ wasiesie bɛ wasie berɛ dada kyɛ bɛfata ye animnyam ne.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

Ɛfesofoɛ 1:14

bɔ osi yɛ agyapadeɛ ne agyinayɛɛ ɔ. Na ɛhe te elelɛ bɔ wafa wale bɛ bɔ wafa bɛ wayɛ ye deɛ wama ye animnyam ayɛyelɛ ne.

Ɛfesofoɛ 1:18

ná óbukye ɛmɔ adwene nu ma ɛmɔnya ndeaseɛ, amaa ɛmɔanwu anyelasoɛ bɔ ɔwɔ ye frɛlɛ bɔ wafrɛ ɛmɔ ne anu, ɔne ye agyapadeɛ animnyam anwonya wɔ anwoteefoɛ nu.

Ɛfesofoɛ 1:6

amaa ɔnate so yaye ye animnyam adom bɔ ɔnate ye ahone nu Ba ne aso wafa walo yɛ ne ayɛ.

Ɛfesofoɛ 1:8

na ɔmaa ɔbole so mane yɛ wɔ nworɛ ne nimdeɛ amukoraa nu.

Ɛfesofoɛ 2:4

Nakoso Nyameɛ bɔ ye anwumvoinnwunɛ sone ne, ɔnate ye hurolɛ bɔ okuro yɛ dwirɛ pee ne aso

Ɛfesofoɛ 2:7

kyɛ ewiase bɔ ɔ́ba ne anu ɔkɔla ye adom anwonya mmorosoɛ ne ali wɔ paayɛlɛ bɔ ɔyɛ yɛ Kristo Yesu nu ne anu.

Ɛfesofoɛ 3:16

kyɛ ófi ye animnyam anwonya nu ma ɛmɔfa ye Sunzum so benya tumi nu anwoserɛ wɔ ɛmɔ nu, wɔ sona sue ne anu,

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

Filipifoɛ 4:19

Na me Nyameɛ kɔma ɛmɔ bɔ ɛmɔhia amukoraa, kyɛbɔ ye anwonya ne te ɔ, animnyam nu, wɔ Kristo Yesu nu.

Kolosefoɛ 1:14

na ye nu yeɛ yanya ngoalelɛ bɔ ɔte bɔnefakyɛ ɔ.

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

Kolosefoɛ 2:13

Na ɛmɔ bɔ ahaa né ɛmɔte awufoɛ, ɔnate ɛmɔ mvomsoɛ ne ɛmɔ nwonaen bɔ né bienzuapɛlɛ nne nu ne ati nen, Nyameɛ amaa ɛmɔanya ye ngoa ne bie, na wafa yɛ mvomsoɛ amukoraa wahyɛ yɛ,

Kolosefoɛ 2:2

Meyɔ ɛhe kyɛbɔ bɛ wora kɔkyekye ná bayɛ ko wɔ ɔdɔ nu, ná banya ndeaseɛ bɔ osi pi, ɔne kyɛ bekonwu Nyameɛ mvealeɛ nu dwirɛ ne, bɔ ye ole Kristo ɔ.

1 Timoteo 2:6

bɔ ɔfa yɛle mbata mane mmenia amukoraati, adanzeɛ bɔ ɔwale nu wɔ mmerɛ bɔ bahyɛ bato berɛ ne anu ne.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Tito 3:6

Na ɛhe yeɛ ɔnate yɛ Ngoadefoɛ Yesu Kristo so ohwie guale yɛ so mmorosoɛ ɔ,

Hebrifoɛ 9:22

Na kyɛbɔ mmeraa ne kyire ne, ɔpena yɛ kyɛ mogya yeɛ bɛfa bɛte nningyein amukoraa nwo ɔ, na sɛ mogya angua a, bɔnefakyɛ nne berɛ.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,

1 Yohane 2:12

Me ngwadaa mɔ, mekyerɛ he mebrɛ ɛmɔ, ofikyɛ ɔnate Kristo dumaa ti bafa ɛmɔ bɔne bahyɛ ɛmɔ.

1 Yohane 2:2

Ɔte yɛ bɔne nwo mbata; nna yɛ ngome yɛ deɛ nwo; na mmom ɔte wiase amukoraa koso bɔne nwo mbata.

1 Yohane 4:10

Bɔ okyire ɔdɔ ɛhe: nna kyɛ yɛ yeɛ yɛhurole Nyameɛ dwirɛ ɔ, na mmom ye yeɛ ohurole yɛ dwirɛ ná ɔsomane Ɔwa ne maa ɔɔyɛle yɛ bɔne nwo mbata ɔ.

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,