Ɛfesofoɛ 1:6 - AHYERƐLƐ KRONGRON

⁶ amaa ɔnate so yaye ye animnyam adom bɔ ɔnate ye ahone nu Ba ne aso wafa walo yɛ ne ayɛ.

Ɛfesofoɛ 1:6 Iomraidhean Croise

Edwein 22:20

Pepɛ de me kra fi ngrandɛ noa; pepɛ de me ngoa fi ngyea ye mɔ sa nu!

Edwein 60:5

Kyɛbɔ ɔkɔyɛ ná ɛkɔpepɛ kole bɛ bɔ ekuro bɛ dwirɛ ne ati, fa wɔ sa famaa ne de yɛ ngoa, ná tie yɛ.

Anyandera 16:4

AWURADE le botaeɛ bɔ yiti yeɛ wayɔ nikyee biala ɔ, bɔnefoɛ mɔ po, amaneɛnwunɛ kyẽa ne la berɛ ma bɛ.

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Yesaya 43:21

maen he, mabɔ ye mama me nwo, kyɛ bɛ́bɔ me nwo ayɛyelɛ dawure.

Yesaya 61:11

Na kyɛbɔ aseɛ ma ndire fifi wɔ so, ná turo koso ma bɔ balua ye wɔ nu fifi ne, sɔ ala yeɛ AWURADE Nyameɛ kɔma tenenee ne ayɛyelɛ kofifi wɔ maen maen amukoraa nyunu ɔ.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Yeremia 33:9

Na kuro he dumaa kɔyɛ anika, ayɛyelɛ ne animnyam kɔma me wɔ aseɛ ye aso maen amukoraa bɛ nyunu, na bɛkɔte nningyein paa amukoraa bɔ meyɔ mema bɛ ne; bekosuro, ná bɛ nwo kodwiri bɛ, ɔnate nningyein paa amukoraa ne asomdwee amukoraa bɔ ngɔfa ngɔma bɛ ne ati.

Lewitikɔso 15:15

Na afei odi kyɛ ɔsɔfo ne fa nnomaa nemɔ ko bɔ bɔne nwo afɔleɛ ná ɔ́fa ko koso ɔbɔ naen yeralɛ afɔleɛ. Ɔsɔfo ne kogyina sona ne gya nu kɔpata kɔma ye wɔ Nyameɛ nyunu, ɔnate ye bienzua bɔ né ofiti ne ati.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Mateo 20:9

Na bɛ bɔ ɔbɔle bɛ paa kɔyɛ nɔsoa nnɔnnum ne, bɛwale ne, ɔmane ebiala denare ko.

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Luka 2:14

“Animnyam hã Nyameɛ wɔ anwuro anwuro, na asomdwee hã mmenia bɔ bɛsɔ ye nye ɔ wɔ aseɛ aso!”

Yohane 10:17

“Na ye sɔ ati, Baba ne kuro me dwirɛ, ofikyɛ mefa me ngoa meto berɛ, amaa ɔnate so masa mafa ye bieku.

Yohane 3:35

Baba ne kuro Baa ne dwirɛ, na wafa nningyein mukoraa wawura ye sa.

Romanfoɛ 8:1

Afei de, foɛbualɛ biala nne berɛ mma bɛ bɔ bɛte Kristo Yesu nu ne.

2 Korintofoɛ 4:15

Ɛmɔ ti yeɛ sɔ nikyee ne wɔ berɛ ɔ, amaa mmeni pee bɔ Nyameɛ adom ɔtrɛ kɔ bɛ berɛ ne, bafa asennaa mmorosoɛ bahyɛ Nyameɛ animnyam.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Ɛfesofoɛ 1:12

kyɛ yɛ bɔ yɛlili moa yɛnyane Kristo nu gyidie ne yɛɛyɛ ye animnyam ne ayɛyelɛ.

Ɛfesofoɛ 1:14

bɔ osi yɛ agyapadeɛ ne agyinayɛɛ ɔ. Na ɛhe te elelɛ bɔ wafa wale bɛ bɔ wafa bɛ wayɛ ye deɛ wama ye animnyam ayɛyelɛ ne.

Ɛfesofoɛ 1:18

ná óbukye ɛmɔ adwene nu ma ɛmɔnya ndeaseɛ, amaa ɛmɔanwu anyelasoɛ bɔ ɔwɔ ye frɛlɛ bɔ wafrɛ ɛmɔ ne anu, ɔne ye agyapadeɛ animnyam anwonya wɔ anwoteefoɛ nu.

Ɛfesofoɛ 2:7

kyɛ ewiase bɔ ɔ́ba ne anu ɔkɔla ye adom anwonya mmorosoɛ ne ali wɔ paayɛlɛ bɔ ɔyɛ yɛ Kristo Yesu nu ne anu.

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Filipifoɛ 3:9

amaa wanwu me wɔ ye nu, kyɛ me de, nnne me bɔbɔ me tenenee bɔ ofi mmeraa ne anu ɔ, na mmom bɔ ɔnate Kristo nu gyidie so ɔba ɔ, tenenee bɔ ofi Nyameɛ berɛ, bɔ ɔnate gyidie so ɔ.

Filipifoɛ 4:19

Na me Nyameɛ kɔma ɛmɔ bɔ ɛmɔhia amukoraa, kyɛbɔ ye anwonya ne te ɔ, animnyam nu, wɔ Kristo Yesu nu.

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

1 Petro 2:5

na ɛmɔ koso, ɛmɔte kyɛ ngoa nyɔboɛ mɔ, na ɛ́mɔma bɛ́fa ɛmɔ bési sunzum nu sua ma ɛmɔyɛ asɔfokure krongron, amaa ɛmɔafa Yesu Kristo so babɔ sunzum nu afɔleɛ bɔ ɔsɔ Nyameɛ nye ɔ.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

1 Petro 4:11

Sɛ ebie dwudwo a, maa ɔhã ye kyɛ Nyameɛ noa dwirɛ ɔ; sɛ ebie ɔyɔ ɛsolɛ adwuma a, maa ɔfa anwoserɛ bɔ Nyameɛ afa ama ye ne ɔso; amaa ɔnate so bafa Yesu Kristo so bahyɛ Nyameɛ animnyam wɔ nningyein amukoraa nu. Ye yeɛ animnyam ne tumi te ye deɛ daa daa ɔ. Amen.