Ɛfesofoɛ 1:3 - AHYERƐLƐ KRONGRON

³ Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

Ɛfesofoɛ 1:3 Iomraidhean Croise

Gyenesise 14:20

na animnyam hã Anwuro Anwuro Nyameɛ, bɔ wafa wɔ pɔfoɛ mɔ wawura wɔ sa ne!” Na Abram mane Mɛlkisɛdɛke nningyein ne amukoraa nu buru nu ngyɛmuɛ ko.

Gyenesise 22:18

Ɔnate wɔ boso ama so yeɛ aseɛ ye aso maen maen amukoraa bekonya saleɛ ɔ, ofikyɛ atie me dwirɛ.”

1 Aberɛso Dwirɛ 29:20

Afei Dawide sele maen ne amukoraa kyɛ, “Ɛ́mɔye AWURADE ɛmɔ Nyameɛ ayɛ.” Na mmenia amukoraa bɔ babɔ dwaa ne, bɛyele AWURADE bɛ nana mɔ Nyameɛ ne ayɛ, na bɛbɔle bɛ nu ase bɛsɔnene AWURADE, yeɛ bɛkotole Nana Dawide koso.

1 Aberɛso Dwirɛ 4:10

Yabese sũ frɛle Yisrael Nyameɛ kyɛ, “Ao, ahaa né ayira me, ná amaa manya aseɛ piri; ná agyina me si, ná abɔ me nwo waen afi amaneɛ ne asane nu!” Na Nyameɛ yɔle ye abisadeɛ mane ye.

2 Aberɛso Dwirɛ 31:8

Mmerɛ bɔ Hesekia ne mbanyi nemɔ bɛwale benwuni nningyein kure kure nemɔ nen, bɛyele AWURADE ayɛ, na beyirale ye maen Yisrael.

Nehemia 9:5

Yeɛ Lewifoɛ hemɔ: Yesua, Kadimiɛl, Bani, Hasabeneya, Serebia, Hodia, Sebania ne Petahia besele kyɛ, “Ɛ́mɔdwɔso bɛye AWURADE ɛmɔ Nyameɛ ayɛ ofi ɛnɛ bɔ ɔkwaadwu afebɔɔ. W’animnyam dumaa bɔ ɔbo animnyam ne ayɛyelɛ amukoraa so ne, yɛye ye ayɛ.”

Edwein 134:3

AWURADE bɔ ɔbɔle anwuro ne aseɛ ne, ófi Sion oyira wɔ.

Edwein 72:17

Ma ye dumaa ɔtena berɛ afebɔɔ, na kyɛ eyia wɔ berɛ ye, maa ɔhɔ so onya dumaa, ma mmenia bɛfa ye so benya saleɛ, na ma maen maen amukoraa bɛfrɛ ye sona bɔ wanya saleɛ ɔ.

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Yesaya 61:9

Bɛ boso ama konya dumaa piri wɔ maen maen mɔ nu, yeɛ bɛ mma koso bekonya dumaa piri wɔ maen maen mɔ nu; na ebiala bɔ okonwu bɛ ne, okole kɔto nu kyɛ bɛte maen bɔ AWURADE ayira ye ɔ.

Daniel 4:34

“Na mmerɛ ne sone ne, me Nebukadenesa, ndole me ti anwuro nneane nyameɛso, m’adwene sa yɛle paa, na ngamvole Anwuro Anwuroniɛ ne, na nyele ye bɔ ɔte ase afebɔɔ ne ayɛ mvale anidie mane ye, ofikyɛ ye tumi ne te afebɔɔ tumi, na ye ahennie wɔ berɛ ma aworɛ ndoatoasoɛ amukoraa;

Luka 2:28

Simeon lele akwadaa ne tole ye sa so, na ɔyele Nyameɛ ayɛ kyɛ,

Yohane 14:20

Na sɔ kyẽa ne, ɛmɔkonwu kyɛ nwɔ Baba ne nu, ná ɛmɔwɔ me nu, ná me wora nwɔ ɛmɔ nu ɔ.

Yohane 17:21

amaa ɔnate so bɛ mukoraa bayɛ ko; kyɛbɔ wɔ, Baba, ɛwɔ me nu, ná me koso nwɔ wɔ nu ne, ná bɛ koso bayɛ ko wɔ yɛ nu, ná wiase ole li kyɛ wɔ yeɛ ɛsomane me ɔ.

Yohane 20:17

Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”

Romanfoɛ 12:5

sɔ ala yeɛ yɛ koso bɔ yɛsone ne, yɛte nipadua komapɛ wɔ Kristo nu ɔ. Ebiala te sonongo de, nakoso yɛ mukoraa yatoatoa nu yayɛ nipadua ko.

Romanfoɛ 15:6

amaa ɛmɔabɔ nu bafa noa ko bahyɛ Nyameɛ bɔ ɔte y’Awurade Yesu Kristo Baba ne animnyam.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

1 Korintofoɛ 12:12

Kyɛbɔ nipadua ne te ko, nakoso ole akwaa ahoroɔ; ná ɔwɔ nu kyɛ akwaa nemɔ sone de, nakoso bɛbɔ nu bɛyɛ nipadua ko ne, sɔ ala yeɛ Kristo te ɔ.

2 Korintofoɛ 1:3

Animnyam hã Nyameɛ bɔ ɔte y’Awurade Yesu Kristo Baba ne, anwumvoinnwunɛ Baba ne aworakyekyerɛ mukoraa Nyameɛ ne,

2 Korintofoɛ 11:31

Na Nyameɛ bɔ ɔte y’Awurade Yesu Kristo Baba, bɔ ɛkamvolɛ te ye deɛ daa daa ne, ɔse kyɛ membɛ ngondombo.

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Galatiafoɛ 3:9

Abraham nyane gyidie, yiti ebiala bɔ ole gyidie ne, bayira ye ne Abraham.

Ɛfesofoɛ 1:10

Na sɔ nhyehyɛleɛ ne kyire kyɛ mmerɛ ne adwu kyɛ ɔkɔboaboa abɔdeɛ amukoraa bɔ bɛwɔ nyameɛso ne aseɛ so noa ɔkɔbɔ nu wɔ Kristo nu.

Ɛfesofoɛ 1:17

kyɛ y’Awurade Yesu Kristo Nyameɛ, bɔ ɔte animnyam Baba ne, ɔ́ma ɛmɔ nworɛ ne nyekyire sunzum wɔ ye nwo nimdeɛ nu,

Ɛfesofoɛ 1:20

bɔ ɔfa lili dwumaa wɔ Kristo nu, wɔ mmerɛ bɔ otingyele ye fili awufoɛ nu ne ɔte ne. Ɔfale ye ɔɔtenane ye sa famaa so wɔ nyameɛso,

Ɛfesofoɛ 2:6

Na watingye yɛ ne ye, na wafa yɛ ne ye waatena nyameɛso dɔ wɔ Kristo Yesu nu,

Ɛfesofoɛ 3:10

kyɛbɔ ɔkɔyɛ bɔ afei ɔnate asɔre ne aso, Nyameɛ nworɛ ne kɔla ye nwo ali wɔ atee ahoroɔ so kohyire ahennie ne tumi ahoroɔ bɔ bɛwɔ anwuro dɔ ɔ.

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Filipifoɛ 2:11

na noa biala ɔsɛ kyɛ ɔkã ye pefee kyɛ Yesu Kristo te Awurade ná ɔfa hyɛ Baba Nyameɛ animnyam.

Hebrifoɛ 8:5

Na bɛ dwumadie ne, ɔte nyameɛso deɛ ne nwo nhwɛsoɛ, ɔne wawoɛ; ofikyɛ anzana Nyameɛ baama Mose si ɛtena sua nen, osele ye kyɛ, “Nea kyɛ ɛkɔyɔ nikyee biala maa ye sɛso kɔyɛ kyɛ bɔ mva ngyirele wɔ wɔ bokaa ne aso nen pɛpɛɛpɛ.”

Hebrifoɛ 9:23

Nzaade, nningyein bɔ bɛte nyameɛso deɛ ne nwo nhwɛsoɛ ne, né ohia kyɛ bɛte bɛ nwo wɔ atee sɔa so; nakoso nyameɛso deɛ nemɔ de, afɔleɛ bɔ odi mu tra so yeɛ bɛfa bɛte bɛ nwo ɔ.

1 Petro 1:3

Animnyam hã Nyameɛ, y’Awurade Yesu Kristo Baba ne, bɔ ɔnate ye anwumvoinnwunɛ mmorosoɛ ti wafa Yesu Kristo awufoɛ nu ewutingyelɛ ne aso wawo yɛ foforɛ maa yanya anyelasoɛ bɔ ngoa wɔ nu,