Ɛfesofoɛ 1:21 - AHYERƐLƐ KRONGRON

²¹ na ɔte ahennie, tumi, anwoserɛ ne meneɛ amukoraa so hene, ɔne dumaa biala bɔ bɛfa bɛfrɛ ɔ, bɔ nna wiase wa angome, na mmom ewiase bɔ ɔbaawa ne koso anu.

Ɛfesofoɛ 1:21 Iomraidhean Croise

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Mateo 12:32

Ebiala bɔ okodwudwo kotia Sona Awa ne nen, bɛkɔfa bɛkɔhyɛ ye; nakoso bɔ okodwudwo kotia Sunzum Krongron ne de, bɛngɔfa ngɔhyɛ ye, wɔ ewiase wa ne ewiase bɔ ɔ́ba ne anu.

Asomafoɛ 4:12

Na ngoalelɛ nne ebiala nu; ofikyɛ dumaa biala nne nyameɛso bo bɔ bafa bama wɔ adasa mmaa nu bɔ ɔsɛ kyɛ bede yɛ ngoa wɔ nu ɔ.”

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Ɛfesofoɛ 3:10

kyɛbɔ ɔkɔyɛ bɔ afei ɔnate asɔre ne aso, Nyameɛ nworɛ ne kɔla ye nwo ali wɔ atee ahoroɔ so kohyire ahennie ne tumi ahoroɔ bɔ bɛwɔ anwuro dɔ ɔ.

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Kolosefoɛ 2:10

Na ɛmɔali mu bɔkɔɔ wɔ ye nu, ye bɔ ɔte tumi ne ahennie amukoraa bɛ ti.

Kolosefoɛ 2:15

Olele mbanyililɛ ne tumililɛ bɛ sa nu tumi, na ɔlale bɛ ali pefee wɔ badwa nu, na olili bɛ so ngonim wɔ mmeamudua ne aso.

Hebrifoɛ 1:4

Nyameɛ mane Baa ne trale abɔfo mɔ, kyɛbɔ dumaa bɔ ye sa aha ye ne koso bo bɛ deɛ so ne.

Hebrifoɛ 2:5

Ofikyɛ nna abɔfo mɔ bo yeɛ Nyameɛ fale ewiase bɔ ɔ́ba bɔ yɛkã ye nwo dwirɛ ne owurale ɔ.

Hebrifoɛ 4:14

Ɛmɔma yɛsɔ yɛ gyidie nu serɛ, ofikyɛ yɛle ɔsɔfo panyi paa, Nyameɛ Awa Yesu bɔ wafa ewienu wahɔ nyameɛso ɔ.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.