Ɛfesofoɛ 1:18 - AHYERƐLƐ KRONGRON

¹⁸ ná óbukye ɛmɔ adwene nu ma ɛmɔnya ndeaseɛ, amaa ɛmɔanwu anyelasoɛ bɔ ɔwɔ ye frɛlɛ bɔ wafrɛ ɛmɔ ne anu, ɔne ye agyapadeɛ animnyam anwonya wɔ anwoteefoɛ nu.

Ɛfesofoɛ 1:18 Iomraidhean Croise

YOB NWOMAA NE 42:5

Me so yeɛ mva ndele wɔ nga ɔ, nakoso afei de, me nye nwu wɔ.

Edwein 119:18

Bukye me nye maa nwu anwanwadeɛ wɔ wɔ mmeraa ne anu.

Yesaya 11:2

AWURADE Sunzum kɔwa ye so, nworɛ ne ndeaseɛ sunzum, foɛtulɛ ne tumi sunzum, nimdeɛ ne AWURADE surolɛ sunzum.

Yesaya 29:10

Ofikyɛ AWURADE afa nnafelɛ hatee sunzum wato ɛmɔ so, ɛmɔ nye bɔ yeɛ ɔte ngɔmhyɛlɛfoɛ ne, wamuamua ye, ɛmɔ ti bɔ yeɛ ɔte mmenia bɔ bɛse ase ne, wamundu so.

Yesaya 29:18

Sɔ kyẽa ne, asotiniwaaniɛ kɔte nwomaa ne anu dwirɛ, na anyesiniwaafoɛ bɛ nye kofi awosii kabii nu konwu nikye.

Yesaya 32:3

Bɛ bɔ benwu nikyee ne, bɛ nye so ngɔyɛ bɛ wusiwusi, yeɛ bɛ bɔ bɛte dwirɛ ne, bɛ koso bekotie.

Yesaya 42:7

kyɛ, ɛ́tete anyeɛ mɔ bɔ basi ɔ, kyɛ ɛ́ye kukunufoɛ efi kuku nu, ɔne kyɛ ɛ́ye bɛ bɔ bɛte awosii nu ɔ efi kuku nu.

Yesaya 6:10

Ma maen he b’adwene ɔla, ma bɛ so anu yɛ se, ná ma bɛ nye si; wamma ye sɔ a, bɛkɔfa bɛ nye bekonwu nikye, bɛkɔfa bɛ so bɛkɔte dwirɛ, bɛkɔfa b’adwene bɛkɔte dwirɛ bo, ná basakyera maa masa bɛ anwonyerɛ.”

Mateo 13:15

Ofikyɛ maen he b’adwene ala; bɛ so anu ayɛ se, yeɛ bamuamua bɛ nye. Wamma ye sɔ a, bɛ nye konwu nikye, bɛ so kɔte dwirɛ, bɛkɔfa b’adwene bɛkɔte ye bo, ná basa bawa me berɛ maa masa bɛ anwonyerɛ.’

Marko 10:17

Yesu pene atee so bɔ ɔkɔ nen, biaa bie tuli amirika ɔɔkotole ye nyunu berɛ, na obisale ye kyɛ, “Kyerɛkyerɛniɛ paa, nzu yeɛ nyɔ ná manya daa ngoa ɔ?”

Luka 24:45

Afei obukyele b’adwene nu maa bɛtele Ahyerɛlɛ ne abo.

Asomafoɛ 16:14

Né mmrasua ne ko li Lidia; ofi Tiatira. Né ɔtɔne ago. Ɔte Nyamesomniɛ, na Awurade bukyele ye adwene nu maa ɔyɛle asoɛ mane Pɔɔlo.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Romanfoɛ 11:29

ofikyɛ Nyameɛ adom akyɛdeɛ ne ye frɛlɛ ne, ɔnzesã ye adwene wɔ ye nwo.

Romanfoɛ 2:4

Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

Galatiafoɛ 5:5

Na yɛ de, gyidie yeɛ yɛfa yɛnate Sunzum ne so bɔ yanya tenenee nwo anyelasoɛ ɔ.

Ɛfesofoɛ 1:11

Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

Ɛfesofoɛ 1:7

Ɔnate ye mogya ne aso yeɛ wale yɛ ɔ, bɔ ye ole yɛ mvomsoɛ fahyɛlɛ ne, kyɛbɔ ye adom mmorosoɛ ne te ne,

Ɛfesofoɛ 2:12

Ɛ́mɔkaye kyɛ, sɔ mmerɛ ne, né ɛmɔ ne Kristo b’afia atete; né ɛmɔte amanvrafoɛ bɔ bɛnga ɛmɔ bɛmmoka Yisrael maen mmaa so ɔ; né ɛmɔte ɛwɔfoɛ wɔ apam bɔhyɛ ahoroɔ ne anwo, bɔ né ɛmɔlle anyelasoɛ biala, bɔ né ɛmɔlle Nyameɛ wɔ wiase ɔ.

Ɛfesofoɛ 3:16

kyɛ ófi ye animnyam anwonya nu ma ɛmɔfa ye Sunzum so benya tumi nu anwoserɛ wɔ ɛmɔ nu, wɔ sona sue ne anu,

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

Ɛfesofoɛ 4:1

Yiti afei me, Awurade kukununiɛ, mesrɛ ɛmɔ kyɛ ɛ́mɔbɔ bra bɔ ɔfata ɛfrɛlɛ bɔ bafa bafrɛ ɛmɔ ne,

Ɛfesofoɛ 4:4

Ofikyɛ nipadua komapɛ ne Sunzum komapɛ yeɛ ɔwɔ berɛ ɔ, kyɛbɔ bafrɛ ɛmɔ koso wɔ anyelasoɛ komapɛ nu wɔ ɛmɔ frɛlɛ ne anu ne;

Ɛfesofoɛ 5:8

ofikyɛ daa ne, né ɛmɔte awosii, nakoso kekesaala ye de, ɛmɔte kanea wɔ Awurade nu. Ɛ́mɔbɔ ɛmɔ bra kyɛ kanea mma,

Filipifoɛ 3:14

Mepere mekɔ me nyunu kyɛ ngodwu botaeɛ ne anwo ngonya ngonimlilɛ abasobɔdeɛ ne, bɔ ɔte anwuro frɛlɛ bɔ Nyameɛ nate Yesu Kristo so wafrɛ me ne.

Kolosefoɛ 1:12

ná yafa asennaa yama Baba ne bɔ wamaa yafata kyɛ yɛnya kyɛfa wɔ anwoteefoɛ bɔ bɛwɔ kanea nu b’agyapadeɛ ne bie ɔ.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

Kolosefoɛ 1:5

ɔnate anyelasoɛ bɔ ɔwɔ berɛ ma ɛmɔ wɔ nyameɛso. Na ɛhe yeɛ ɛmɔate ye dada wɔ nahorɛ dwirɛ bɔ ye ole nzɛmba ne,

Kolosefoɛ 2:2

Meyɔ ɛhe kyɛbɔ bɛ wora kɔkyekye ná bayɛ ko wɔ ɔdɔ nu, ná banya ndeaseɛ bɔ osi pi, ɔne kyɛ bekonwu Nyameɛ mvealeɛ nu dwirɛ ne, bɔ ye ole Kristo ɔ.

Kolosefoɛ 3:15

Afei ɛ́mɔma Kristo asomdwee ne oli ɛmɔ bra so, na ɛhe ati yeɛ bɛfrɛle ɛmɔ maa ɛmɔɔyɛle nipadua ko ɔ. Na nnɛma ɛmɔyɛ boniayɛ.

1 Tɛsalonikafoɛ 2:12

kyɛ ɛmɔbɔ bra bɔ ɔsɔ Nyameɛ bɔ wafrɛ ɛmɔ kyɛ ɛmɔɔnya kyɛfa wɔ ye Ahennie ne ye animnyam nu ne nye.

1 Tɛsalonikafoɛ 5:8

Nakoso ɔnate kyɛ yɛte alehyeleɛ mma ne ati, ɛ́mɔma yɛ nye la berɛ ná yɛfa gyidie ne ɔdɔ yɛyɛ koɛ buralɛ yɛkata yɛ hue so, na yɛfa ngoalelɛ nwo anyelasoɛ yɛyɛ koɛ buralɛ kyerɛ yɛwura.

2 Tɛsalonika 1:11

Yiti daa yɛbɔ mbaeɛ yɛma ɛmɔ, kyɛ yɛ Nyameɛ obu ɛmɔ kyɛ ɛmɔfata ye frɛlɛ ne, ná ɔfa ye tumi so ma ɛmɔhora bɛyɔ paa biala bɔ ɛmɔpena kyɛ ɛmɔyɔ ɔ, ná ɔma ɛmɔ gyidie adwuma li mu;

2 Tɛsalonika 2:16

Na afei, Y’Awurade Yesu Kristo bɔbɔ ne yɛ Baba Nyameɛ, bɔ okuro yɛ dwirɛ, ná walo yɛ wama yɛ daa asomdwee ne anyelasoɛ paa ne,

1 Timoteo 6:12

Ko gyidie koɛ paa ne; sɔ daa ngoa bɔ bɛfrɛle wɔ bɛwale nu, bɔ ɛpakyele nu hane ye yé wɔ adanzefoɛ pee bɛ nyunu ne anu.

Tito 2:13

wɔ mmerɛ bɔ yɛnwondɛ anyelasoɛ bɔ ɔte saleɛ, bɔ ɔte yɛ Nyameɛ piri ne yɛ Ngoadefoɛ Yesu Kristo animnyam walɛ ne ɔ.

Tito 3:7

amaa ɔnate ye adom so wabua yɛ be, bɔ ɔkɔma yɛ sa kɔhã daa ngoa nwo anyelasoɛ ne ɔ.

Hebrifoɛ 10:32

Ɛ́mɔkaye mmerɛ bie bɔ wapɛ nu ɔ, bɔ ɛmɔɔyɛle agyidifoɛ nen, ɛmɔmiane bɛ nye bɛfale amaneɛ pee nu ne.

Hebrifoɛ 6:4

Na ɔngɔhora ngɔwa kyɛ bɛ bɔ mmerɛ bie bɛwale kanea ne anu, bɔ benyane nyameɛso akyɛdeɛ ne, bɔ bɛ sa hane Sunzum Krongron ne bie,

1 Petro 1:3

Animnyam hã Nyameɛ, y’Awurade Yesu Kristo Baba ne, bɔ ɔnate ye anwumvoinnwunɛ mmorosoɛ ti wafa Yesu Kristo awufoɛ nu ewutingyelɛ ne aso wawo yɛ foforɛ maa yanya anyelasoɛ bɔ ngoa wɔ nu,

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.