Ɛfesofoɛ 1:14 - AHYERƐLƐ KRONGRON

¹⁴ bɔ osi yɛ agyapadeɛ ne agyinayɛɛ ɔ. Na ɛhe te elelɛ bɔ wafa wale bɛ bɔ wafa bɛ wayɛ ye deɛ wama ye animnyam ayɛyelɛ ne.

Ɛfesofoɛ 1:14 Iomraidhean Croise

Edwein 74:2

Kaye wɔ mmenia bɔ ɛtɔle bɛ tetetete ne, bɛ bɔ ɛpɔle bɛ fale bɛ yɛle abusua kure bɔ ɔte w’agyapadeɛ ne. Kaye Sion bokaa bɔ aatena so ne.

Edwein 78:54

Ɔfale bɛ wale ye aseɛ krongron ne aso, bokaa bɔ ye tumi asaa ne waho wale ne aso.

Luka 21:28

Na sɛ sɔ nningyein nemɔ bɛhyɛ ye bo kyɛ besisi a, ɛ́mɔma ɛmɔ ti so bɛ́nea anwuro, ofikyɛ ɛmɔ lelɛ ne, né wapingye.”

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Asomafoɛ 20:32

“Afei, mefa ɛmɔ mewura Nyameɛ sa, ɔne ye adom dwirɛ ne anu; na adom dwirɛ ne yeɛ ɔkɔhora kɔma ɛmɔkonyi ná wama ɛmɔ agyapadeɛ bɔ wahyehyɛ wato berɛ wama anwoteefoɛ mukoraa ne ɔ.

Romanfoɛ 8:23

Nakoso nna abɔdeɛ ngome, na mmom yɛ bɔbɔ koso bɔ yanya Sunzum nu mmaa bɔ oli moa ne, yɛpene wɔ yɛ nu, mmerɛ bɔ yɛnwondɛ kyɛ bɛkɔfa yɛ bɛkɔyɛ mmaa ɔ, bɔ ɔte ɛpepɛlɛ bɔ bɛkɔpepɛ bekole yɛ nipadua ne ɔ.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

2 Korintofoɛ 1:22

Wafa ye nzɔanoɛ wahyɛ yɛ nzorɛ, na wama ye Sunzum ne atena yɛ nu asi yɛ nzolɛhyɛlɛ ne agyinayɛɛ.

2 Korintofoɛ 5:5

Nyameɛ yeɛ wasiesie yɛ wama sɔ nhyehyɛleɛ ye ɔ, na wafa ye Sunzum ne wasi ye agyinayɛɛ.

Galatiafoɛ 4:6

Na ɔnate kyɛ ɛmɔte mmaa ne ati, Nyameɛ asoma Ɔwa ne Sunzum maa waatena ɛmɔ ahone nu, bɔ ɔtea nu kyɛ “Abba! Baba!”

Ɛfesofoɛ 1:11

Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

Ɛfesofoɛ 1:12

kyɛ yɛ bɔ yɛlili moa yɛnyane Kristo nu gyidie ne yɛɛyɛ ye animnyam ne ayɛyelɛ.

Ɛfesofoɛ 4:30

Nyameɛ Sunzum Krongron bɔ bafa bahyɛ ɛmɔ nzorɛ bama ngoalelɛ kyẽa ne, nnɛma ɛmɔbɔ ye wora.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.