Ɛfesofoɛ 1:11 - AHYERƐLƐ KRONGRON

¹¹ Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

Ɛfesofoɛ 1:11 Iomraidhean Croise

YOB NWOMAA NE 12:13

“Nyameɛ berɛ yeɛ nworɛ ne tumi wɔ ɔ, ye berɛ yeɛ foɛtulɛ ne ndeaseɛ wɔ ɔ.

YOB NWOMAA NE 33:29

“Amba, ɛhemɔ amukoraa, Nyameɛ yeɛ ɔyɔ ɔ, na ɔyɔ ye mmerɛ pee ɔma sona,

Edwein 37:18

Mmenia bɔ bɛ bra te sannwuu ne, bɛ ngyẽa la AWURADE nyunu; na b’agyapadeɛ kɔtena berɛ afebɔɔ.

Anyandera 8:14

Foɛtulɛ ne nworɛ paa te me deɛ, me ole ndeaseɛ, na me nwo yɛ se.

Yesaya 25:1

O AWURADE, wɔ yeɛ ɛte me Nyameɛ ɔ, ngɔkamvo wɔ, ngɔye wɔ dumaa ayɛ, ofikyɛ ayɔ anwanwadeɛ nningyein, ofi tetetetetete yeɛ ɛyɔle sɔ nhyehyɛleɛ ne ɔ, na ali so nahorɛ nu.

Yesaya 28:29

Ɛhe koso ofi Asafo AWURADE berɛ, ye foɛtulɛ te nikyee bɔ ɔyɛ nwanwa, na ye nworɛ ne te piri paa.

Yesaya 5:19

bɛ bɔ bɛnwa, “Ma ye nwo yɛ nyera e, maa ɔyɔ ye adwuma ne ndɛndɛ ma yɛnea e; Yisrael Krongronniɛ ne, ma ye botaeɛ ne opingye ma yɛnea e!”

Yeremia 23:18

Na nwa yeɛ ɔne AWURADE batu agyina, bɔ ɔnate so wanwu ye dwirɛ ne ná wate ɔ? Nwa yeɛ wayɛ asoɛ wama ye dwirɛ ná wate ɔ?

Yeremia 32:19

Wɔ bɔ wɔ nworɛ te totohyia, ná wɔ nnwumaa yɛ nwanwa ɔ; wɔ nye tua adasa b’atee amukoraa, kyɛ ɛkɔma ebiala ye atee bɔ ɔnate so ɔ ɔne ye yɔleɛ nwo akatuaa;

Sakaria 6:13

Amba, ye yeɛ okosi AWURADE asɔneyɛɛ sua ne ɔ, okonya ahennie animnyam ne, ɔkɔtena ye ahennie bia so koli hene, okoli sɔfo wɔ ye ahennie bia ne aso, na asomdwee bɔ odi mu ɔ kɔwa bɛ munyɔ b’afia.”

Asomafoɛ 13:48

Na mmerɛ bɔ Amaenmaensofoɛ nemɔ bɛtele sɔ dwirɛ nen, ɔyɛle bɛ fɛ, na bɛhyɛle Awurade dwirɛ ne animnyam. Na bɛ bɔ baneanea nu baye bɛ kyɛ benya daa ngoa ne, bele belili.

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 20:27

ɔnate kyɛ mamva nikyee biala bɔ ɔfa Nyameɛ nhyehyɛleɛ ne nwo mamvea ɛmɔ.

Asomafoɛ 20:32

“Afei, mefa ɛmɔ mewura Nyameɛ sa, ɔne ye adom dwirɛ ne anu; na adom dwirɛ ne yeɛ ɔkɔhora kɔma ɛmɔkonyi ná wama ɛmɔ agyapadeɛ bɔ wahyehyɛ wato berɛ wama anwoteefoɛ mukoraa ne ɔ.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Asomafoɛ 4:28

Beyiale nu bɛfale adwene bɛyɔle nikyee biala kyɛbɔ wɔ tumi ne wɔ nhyehyɛleɛ aha ato berɛ kyɛ okosi ne.

Romanfoɛ 11:34

“Nwa yeɛ ɔse Awurade adwene ɔ, anaa nwa yeɛ ɔte ye foɛtulɛniɛ ɔ?

Romanfoɛ 8:17

Na sɛ yɛte Nyameɛ mma de a, ye de yɛle agyapadeɛ, yɛle agyapadeɛ wɔ Nyameɛ nu, yɛne Kristo yɛbɔ nu yɛle agyapadeɛ; nakoso sana yɛne ye nwu amaneɛ koraka, amaa ɔnate so bahyɛ yɛ ne ye animnyam.

Romanfoɛ 8:28

Yɛse kyɛ bɛ bɔ bekuro Nyameɛ dwirɛ ne, bɔ okosi biala ɔboka bɛ, bɛ bɔ ɔnate ye nhyehyɛleɛ so wafrɛ bɛ ne.

Romanfoɛ 8:29

Bɛ bɔ onwuni bɛ siele ne, osa tuli bɛ siele berɛ, kyɛ benya Ɔwa ne sue ne bie, amaa ɔnate so wayɛ aliɛmaa mɔ pee nu bamuɛbaa.

Romanfoɛ 8:30

Na bɛ bɔ otuli bɛ siele berɛ ne, osa frɛle bɛ; na bɛ bɔ ɔfrɛle bɛ ne, obuale bɛ be koso, na bɛ bɔ obuale bɛ be ne, ɔhyɛle bɛ animnyam koso.

Romanfoɛ 9:11

Ɔwɔ nu kyɛ né bennya bɛwwole bɛ de, na wawa kyɛ po bɛyɔ paa anaa tɛɛ biala ɔ. Nakoso kyɛbɔ ɔkɔyɛ na Nyameɛ nhyehyɛleɛ, bɔ oggyi nnwumaa so, na mmom ogyi bɛ nu ko frɛlɛ so kɔwa nu ne ati,

Galatiafoɛ 3:18

Ofikyɛ sɛ Nyameɛ agyapadeɛ ne gyi mmeraa ne aso a, nzaade oggyi bɔhyɛ so ko; nakoso Nyameɛ nate bɔhyɛ so yeɛ ɔfale agyapadeɛ ne hyɛle Abraham ɔ.

Ɛfesofoɛ 1:14

bɔ osi yɛ agyapadeɛ ne agyinayɛɛ ɔ. Na ɛhe te elelɛ bɔ wafa wale bɛ bɔ wafa bɛ wayɛ ye deɛ wama ye animnyam ayɛyelɛ ne.

Ɛfesofoɛ 1:18

ná óbukye ɛmɔ adwene nu ma ɛmɔnya ndeaseɛ, amaa ɛmɔanwu anyelasoɛ bɔ ɔwɔ ye frɛlɛ bɔ wafrɛ ɛmɔ ne anu, ɔne ye agyapadeɛ animnyam anwonya wɔ anwoteefoɛ nu.

Ɛfesofoɛ 1:5

Na ɔneaneane nu yele yɛ siele berɛ kyɛ ɔnate Yesu Kristo so ɔkɔfa yɛ kɔyɛ ye mma, kyɛbɔ ye nhyehyɛleɛ botaeɛ te ne;

Ɛfesofoɛ 1:8

na ɔmaa ɔbole so mane yɛ wɔ nworɛ ne nimdeɛ amukoraa nu.

Ɛfesofoɛ 1:9

Ofikyɛ wamaa yanwu ye mvealeɛ nu apɛdeɛ, kyɛbɔ ye nhyehyɛleɛ botaeɛ bɔ ɔhyehyɛle ye wɔ Kristo nu ne ɔte ɔ.

Ɛfesofoɛ 3:11

Na ɛhe te ye nhyehyɛleɛ afebɔɔ bɔ ɔnate y’Awurade Yesu Kristo so wawa nu ɔ.

Deuteronomi 4:20

Nakoso ɛmɔ de, AWURADE afa ɛmɔ, na waye ɛmɔ wafi buralɛ afaa hyerɛhyerɛ nu, mekyire Misraim, kyɛ ɛmɔɔyɛ ye bɔbɔ deinn ye deɛ, kyɛbɔ kekesaala ye ɛmɔte ye.

Kolosefoɛ 1:12

ná yafa asennaa yama Baba ne bɔ wamaa yafata kyɛ yɛnya kyɛfa wɔ anwoteefoɛ bɔ bɛwɔ kanea nu b’agyapadeɛ ne bie ɔ.

Kolosefoɛ 3:24

Ɔnate kyɛ, ɛmɔse kyɛ Awurade berɛ yeɛ ɛmɔkonya ɛmɔ agyapadeɛ bɔ ɔte akatuaa ne ɔ, ofikyɛ Awurade Kristo yeɛ ɛmɔso ye ɔ.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Tito 3:7

amaa ɔnate ye adom so wabua yɛ be, bɔ ɔkɔma yɛ sa kɔhã daa ngoa nwo anyelasoɛ ne ɔ.

Hebrifoɛ 6:17

Yiti mmerɛ bɔ Nyameɛ yɛle kyɛ ɔkɔma bɛ bɔ bɔhyɛ ne te bɛ deɛ konwu ye pefee kyɛ ɔnzesã ye adwene nen, ɔfale ndaen foale so.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

1 Petro 1:4

maa yanya agyapadeɛ bɔ ɔmborɔ, bɔ ngekalewa nne ye nwo, bɔ ɔmbɛ nu ngɔ, bɔ bafa basie nyameɛso bama ɛmɔ

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.