Edwein 99:9 - AHYERƐLƐ KRONGRON

⁹ Ɛ́mɔkamvo AWURADE yɛ Nyameɛ ne, ná ɛ́mɔsɔne wɔ ye bokaa krongron ne aso, ofikyɛ AWURADE yɛ Nyameɛ ne, ɔte krongron.

Edwein 99:9 Iomraidhean Croise

Edwein 132:7

“Ɛ́mɔma yɛhɔ ye atenaleɛ berɛ; ɛ́mɔma yɛsɔne wɔ ye gya bo ndiasoɛ ne anyunu.”

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 99:3

Odi kyɛ bɛye wɔ dumaa piri ne wɔ dumaa nwanwa ne ayɛ. Ɔte krongron!

Edwein 99:5

Ɛ́mɔkamvo AWURADE yɛ Nyameɛ ne, ɛ́mɔsɔne wɔ ye gya bo ndiasoɛ ne anwo, ofikyɛ ɔte krongron!

Yesaya 5:16

Nakoso Asafo AWURADE de, bɛma ye so wɔ ye ndɛenbualɛ turoloo nu, na Krongronniɛ Nyameɛ ɔda ye krongronyɛlɛ ali wɔ tenenee nu.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 6:3

Na ebiala tea nu se obiɛngo kyɛ, “Krongron, krongron, Asafo AWURADE te krongron; ye animnyam ayi aseɛ so amukoraa tɛkyɛ.”

Habakuku 1:12

Ao, AWURADE me Nyameɛ, me Krongronniɛ, aso nna wɔ yeɛ ɛwɔ berɛ fi tetetete bɔ olle ahyɛaseɛ ɔ? Yɛngowu. Ao AWURADE, atu bɛ asie berɛ kyɛ bebua yɛ ndɛen; ao Nyɔbotaen, ama bɛ bo atimu kyɛ bɛhwe yɛ so.

Luka 1:49

ɔnate kyɛ, Tuminiɛ ne ayɔ nikyee piri wama me, na ye dumaa ole krongron.

Nyekyire 3:7

“Kyerɛ kɔma Filadɛɛfia asɔre ne anu abɔfo ne kyɛ, ‘Krongronniɛ ne nahorɛniɛ ne, bɔ otira Dawide safoaa ne, bɔ obukye a ebiala ndo nu, bɔ ɔto nu a ebiala mmukye ne, ye noa dwirɛ ɛhe:

Nyekyire 4:8

Na abɔdeɛ ateasefoɛ nna ne, nu biala le ndaa nzia, na anyeɛ tuatua bɛ nwo ne bɛ nu amukoraa, na alehyeleɛ ne alesaleɛ biala bɛto dwein bɔ bɛnyakyi ɔ, kyɛ, “Tuminiɛ Awurade Nyameɛ, ɔte krongron, krongron, krongron ye yeɛ ɔwɔ berɛ fi tetetete, ɔwɔ berɛ kekesaala ye, ná ɔbaawa ne!

1 Samuel 2:2

Ebiala nne berɛ bɔ ɔte krongron kyɛ AWURADE ɔ, amba, ebiala nne berɛ bɔ ɔte kyɛ wɔ ɔ; Nyɔbotaen biala nne berɛ bɔ ɔte kyɛ yɛ Nyameɛ ɔ.