Edwein 99:4 - AHYERƐLƐ KRONGRON

⁴ Ɛhene piri bɔ ekuro ndɛenbualɛ turoloo ɔ, ama pɛpɛɛpɛyɛlɛ bo atimu, ama ndɛenbualɛ turoloo ne tenenee wagyina wɔ Yakob nu.

Edwein 99:4 Iomraidhean Croise

YOB NWOMAA NE 37:23

Tuminiɛ ne, nekaa bɔ ɔwɔ ne, yɛngɔhora ngonwu ye, ye tumi ne ye nahorɛlilɛ te piri, na ye tenenee totohyia ne ati, ommua ndɛengyea.

Edwein 11:7

Ofikyɛ AWURADE te teneneeniɛ, okuro bra bɔ ɔtengyɛ ɔ; na sona bɔ ɔtengyɛ ne, okonwu AWURADE nyunu.

Edwein 98:9

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, yeɛ ɔkɔfa ye pɛpɛɛpɛyɛlɛ yeɛ okobua maen maen mɔ ndɛen ɔ.

Yesaya 42:4

Ye de, ongogye monɛɛmonɛɛ, yeɛ ye abasa nu ngobu, kɔpem kyɛ ɔkɔma ndɛenbualɛ turoloo kotira ndii wɔ aseɛ so ɔ, na supɔ mɔ bɛnwondɛ ye mmeraa ne.

Yesaya 61:11

Na kyɛbɔ aseɛ ma ndire fifi wɔ so, ná turo koso ma bɔ balua ye wɔ nu fifi ne, sɔ ala yeɛ AWURADE Nyameɛ kɔma tenenee ne ayɛyelɛ kofifi wɔ maen maen amukoraa nyunu ɔ.

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Yeremia 23:5

“Tie, mmerɛ bie ɔba, AWURADE noa dwirɛ ɛne, bɔ ngɔma Mmaen bie bɔ ɔtengyɛ ɔ kodwɔso wɔ Dawide bosofoɛ nu. Okoli hene, na okoyie ye yé. Okobua ndɛen turoloo kɔyɛ bɔ ɔtengyɛ ɔ wɔ aseɛ ne aso.

Deuteronomi 10:18

Ye bɔ odi nyisiaafoɛ ne akunafoɛ dwirɛ ma bɛ ɔ, ye bɔ okuro ɛwɔfoɛ dwirɛ, ná ɔma ye aleɛ ne ɛtena ɔ.

Yuda 1:15

kyɛ ɔbaabua ebiala ndɛen, na okobua amumuyɛɛfoɛ amukoraa foɛ wɔ b’amumuyɛɛ yɔleɛ amukoraa nwo, ɔne edwirɛ tɛɛ amukoraa bɔ bɔnefoɛ amumuyɛɛfoɛ bakekã batia ye ɔ nwo.”

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

Nyekyire 19:16

Né ole dumaa bie bɔ bahyerɛ ye wɔ ye ataadeɛ nu ne ye sɔ nwo kyɛ, “Ahemvo mɔ nu Hene ne meneɛ mɔ nu Meneɛ.”