Edwein 99:1 - AHYERƐLƐ KRONGRON

¹ AWURADE di hene, maen maen mɔ, ɛ́mɔma ɛmɔ nwo wosowoso! Ɔte kɛrubim mɔ so; aseɛ, woso!

Edwein 99:1 Iomraidhean Croise

2 Samuel 6:2

Dawide ne koɛhonɛfoɛ bɔ bɛboka ye so ne amukoraa besili nu befili Baale Yuda, kyɛ bɛkwaafa Nyameɛ apam alaka ne bɛba. Alaka ne, Asafo AWURADE bɔ ye ahennie bia wɔ kɛrubim nemɔ afia ne, ye dumaa la so.

1 Aberɛso Dwirɛ 16:30

Aseɛ so ama amukoraa, ɛ́mɔsuro AWURADE. Wiase timu berɛ pindinn, ye bo ngotutu le.

Edwein 18:10

Ɔtenane kɛrubo so tuli, na ɔnate mvrama ye ndaa so wale ndɛndɛ.

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 80:1

Ao Yisrael Neafoɛ, yɛ asoɛ tie, wɔ bɔ eli Yosef nyunu kyɛ mmoaen kure ɔ! Wɔ bɔ ɛte kɛrubim mɔ so ɔ, ta hyireinn

Edwein 80:2

wɔ Efraim, Benyamin ne Manase so. Kyire wɔ tumi, ná bra baapepɛ de yɛ!

Edwein 82:5

Belle nimdeɛ, yeɛ belle ndeaseɛ, bɛnate awosii nu; aseɛ fapem amukoraati ɔwoso.

Edwein 93:1

AWURADE di hene, wafa animnyam wahera; AWURADE afa ahera, wafa anwoserɛ wabɔ abɔsoɛ. Amba, wiase bo atimu, bɛngɔhora ye bo tutu.

Edwein 96:10

Ɛmɔhã ye wɔ maen maen amukoraa nu kyɛ, “AWURADE di hene! Amba, wiase timu berɛ pindinn, ye bo ngotutu le. Ɔkɔfa pɛpɛɛpɛyɛlɛ kobua maen maen nemɔ ndɛen.”

Edwein 96:9

Ɛ́mɔsɔne AWURADE wɔ animnyam krongron nu, aseɛ so ama amukoraa, ɛ́mɔsuro AWURADE.

Edwein 97:1

AWURADE di hene! Aseɛ, di ahurusi; mboanoa worawora mɔ, ɛ́mɔma ɛmɔ nye gye!

Edwein 97:4

Ye agralaa ta wiase; aseɛ nwu ye, na ye nwo wosowoso.

Ɛksadɔso 25:22

Berɛ yeɛ me ne wɔ yɛkoyia ɔ, wɔ mbata bia ne aso anwuro, wɔ kɛrubim nyɔ bɔ bɛwɔ Adanzeɛ alaka ne aso ne b’afia. Na ngɔhã me mmeraa dwirɛ mukoraati bɔ méfa méma Yisraelfoɛ ne ngohyire wɔ.

Yesaya 19:14

AWURADE ama anyesotanɛ sunzum ate ape ye so, na bɔ Misraim yɔ biala, ɔte mvomsoɛ, kyɛbɔ akɔnomnzaniɛ ohimu so wɔ ye feɛ nu ɔ.

Yeremia 4:24

Ndole me nye nneane mmokaa nemɔ aso, na yieee, né bɛwosowoso; na né pambaa nemɔ bɛpo biribiri.

Yeremia 49:21

B’asefinɛ nwo dede ne kɔma aseɛ kɔwoso, na awuye bɔ bɛbɔ ne, bɛkɔte ye wɔ Ɛpo Kɔkorɛ noa dɔ paa.

Yeremia 5:22

“Aso ɛmɔnzuro me? AWURADE noa dwirɛ ɛne. Aso ɛmɔ nwo nwosowoso ɛmɔ wɔ me nyunu? Me bɔ mvale anweaa ndole ɛwɛen mmane ɛpo, ɛwɛen bɔ otimu berɛ afebɔɔ bɔ ɔngora ye tra ɔ; ɔwɔ nu kyɛ asorɔkye bɔ, nakoso ɔngora mmɔ ndra ye; asorɔkye bu fa so, nakoso ɔngora mmu mva ɛwɛen ne aso.

Yeremia 50:46

Ese bɔ bɛkɔbɔ ye wɔ Babilɔn so ngonimlilɛ nwo ne, ɔkɔmaa aseɛ kɔwoso, na bɛkɔte ye awuyebɔlɛ wɔ maen maen mɔ so.

Hesekiel 43:7

Na osele me kyɛ, “Sona awa, ɛwa yeɛ ɔte nekaa bɔ m’ahennie bia ogyi ɔ, ɔne nekaa bɔ mefa me gya mesiesie ɔ, bɔ ɔte nekaa bɔ ngɔtena wɔ Yisraelfoɛ nu afebɔɔ ɔ. Na Yisrael awuro ama, bɛ ne bɛ hene mɔ, bɛngɔfa b’adwamanbɔlɛ ne, ɔne bɛ hene mɔ bɛ fuin wɔ b’asɔneyɛɛ nemɔ aso bengogua me dumaa krongron ne anwo fiɛ ko.

Luka 19:12

Yiti osele bɛ, “Dehyeɛ bie tuli atee hɔle dedeede maen bie aso kyɛ ɔkwaamaa bɛfa ye besi hene, ná afei osa ba.

Luka 19:14

Nakoso ye maen ne anu ama de, né bɛpɔ ye, yiti betuli ɛbɔfoɛ mɔ maa bɛpole ye so bɛɛhane kyɛ, ‘Yɛmbena kyɛ sɔ biaa he odi yɛ so hene.’

Luka 19:27

Na me pɔfoɛ mɔ bɔ né bɛmbene so kyɛ medi bɛ so hene ne de, ɛ́mɔfa bɛ bɛbra wa beehu bɛ me nyunu wa!’ ”

Filipifoɛ 2:12

Yiti mmiɛngo paa mɔ, kyɛbɔ ɛmɔyɛ sotie daa ne, nna kyɛ mmerɛ bɔ me ne ɛmɔ yɛwɔ berɛ ne angome, na mmom afei bɔ nne ɛmɔ berɛ ye de po, ɔtra so; ɛ́mɔfa esuronyi ne anwowosowolɛ béli ɛmɔ bɔbɔ ɛmɔ ngoalelɛ nwo dwumaa ma oli mu,

Nyekyire 11:17

na bɛhane kyɛ, “Yɛfa asennaa yɛma wɔ, O Tuminiɛ Awurade Nyameɛ bɔ ɛwɔ berɛ, ná ɛwɔ berɛ fi tetetete ɔ, ofikyɛ afa wɔ tumi pirikua ne, na ali hene.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 6:14

Na ewienu tu minini te kyɛ nwomaa bɔ babobɔ ɔ, na mmokaa ne supɔ mukoraa tutu fili bɛ boso.