Edwein 98:5 - AHYERƐLƐ KRONGRON

⁵ Ɛ́mɔfa sangoo bɛ́to AWURADE nwo dwein, ɛ́mɔfa sangoo ne edweintolɛ.

Edwein 98:5 Iomraidhean Croise

1 Aberɛso Dwirɛ 15:16

Dawide sa fale ahyɛdeɛ mane Lewi abusua kure mbanyi ne, kyɛ bɛye edweintolɛfoɛ maa bɛbɔ sangoo, adengum ne firikyiwa bɛto anigye dwein.

1 Aberɛso Dwirɛ 15:28

Yiti Yisrael mukoraa bele esebɔlɛ, awɛenhulɛ, totorobɛndohulɛ ne firikyiwabɔlɛ bɛɛfale AWURADE apam alaka ne bɛwale, na né bɛbɔ adengum ne sangoo bɛto dwein serɛserɛ paa.

2 Aberɛso Dwirɛ 29:25

Ɔmane Lewifoɛ nemɔ bɛtenane AWURADE awuro berɛ bɛbɔle firikyiwa, adengum ne sangoo, kyɛbɔ Dawide ne Nana ye sona bɔ ɔse ase Gade ne ngɔmhyɛlɛniɛ Natan bɛhane ne ala. Ofikyɛ sɔ ahyɛdeɛ ne, AWURADE nate ye ngɔmhyɛlɛfoɛ so yeɛ ɔhyɛle ɔ.

Edwein 147:7

Ɛ́mɔto AWURADE nwo asennaa dwein; ɛ́mɔbɔ sangoo beli yɛ Nyameɛ nwo ahurusi!

Edwein 33:2

Ɛ́mɔfa sangoo bɛye AWURADE ayɛ; ɛ́mɔfa sangoo bɔ ye nyamaa buru ne bɛto ye nwo anigye dwein.

Edwein 71:22

Ao me Nyameɛ, ɔnate wɔ nahorɛlilɛ ti, ngosa ngɔbɔ adengum ngɔye wɔ ayɛ; Ao Yisrael Krongronniɛ, ngɔfa sangoo ngɔto wɔ nwo ayɛyelɛ dwein.

Yesaya 51:3

AWURADE kɔkyekye Sion wora, ɔkɔkyekye ye kurofoen amukoraa wora, ye ɛserɛ ne, ɔkɔkakyi ye maa ɔkɔyɛ kyɛ Eden, ɔne ye aseɛ pralaa ne kyɛ AWURADE turo, na bekonwu anika ne anigye wɔ nu, yeɛ asennaa ne edweintolɛ.

Nyekyire 5:8

Na mmerɛ bɔ olele nwomaa bɔ babobɔ nen, abɔdeɛ teasefoɛ nna ne ne mbanyi aburanyɔ ne nna ne bɛfale bɛ nyunu bebutubutuli ase wɔ Boaen Ba ne nyunu; bɔ bɛ mukoraa betiratira sangoo ne sikaa kɔkorɛ kulie mɔ bɔ ɛyɛɛ, bɔ ɔte anwoteefoɛ mbaeɛ ɔ wayi bɛ tɛkyɛ ɔ.