Edwein 97:1 - AHYERƐLƐ KRONGRON

¹ AWURADE di hene! Aseɛ, di ahurusi; mboanoa worawora mɔ, ɛ́mɔma ɛmɔ nye gye!

Edwein 97:1 Iomraidhean Croise

Gyenesise 10:5

Bɛ boso ama ole mmenia bɔ bato bapete mboanoa aseɛ so ne. Yafɛte mma mɔ bɔ bɛwɔ b’aseɛ so ɛhe: asora fekue biala ne ye dwudwolɛ, ye abusua ne ye maen.

Edwein 2:11

Ɛ́mɔfa esuronyi bɛso AWURADE, ná ɛ́mɔfa anwopopolɛ koso beli ahurusi.

Edwein 93:1

AWURADE di hene, wafa animnyam wahera; AWURADE afa ahera, wafa anwoserɛ wabɔ abɔsoɛ. Amba, wiase bo atimu, bɛngɔhora ye bo tutu.

Edwein 99:1

AWURADE di hene, maen maen mɔ, ɛ́mɔma ɛmɔ nwo wosowoso! Ɔte kɛrubim mɔ so; aseɛ, woso!

Yesaya 11:11

Na ɔkɔwa kyɛ, sɔ kyẽa ne, AWURADE kɔtengyɛ ye sa ye pɛen nyɔ so kole ye mmenia bɔ baha ne kofi Asiria, Misraim, Patrose, Yitiopia, Elam, Sinari, Hamate nu, yeɛ mboanoa supɔ mɔ so.

Yesaya 41:5

Supɔ mɔ banwu bɔ mayɔ ɔ, na besuro, aseɛ noa dɔ paa nwo wosowoso ye, bapingye wa, bawa.

Yesaya 42:4

Ye de, ongogye monɛɛmonɛɛ, yeɛ ye abasa nu ngobu, kɔpem kyɛ ɔkɔma ndɛenbualɛ turoloo kotira ndii wɔ aseɛ so ɔ, na supɔ mɔ bɛnwondɛ ye mmeraa ne.

Yesaya 49:1

O supɔ mɔ, ɛ́mɔyɛ asoɛ bétie me, dededede maen mɔ, ɛ́mɔtie! AWURADE frɛle me fili me ni akunu, ofi me ni akunu yeɛ ɔtole me dumaa ɔ.

Yesaya 49:13

O anwuro, ɛ́mɔto anigye dwein! O aseɛ, di ahurusi! O mmokaa mɔ, ɛ́mɔbɔ ese! Ofikyɛ AWURADE akyekye ye maen wora, na okonwu ye mmenia bɔ bɛyɛ anwumvo ne anwumvoin.

Yesaya 51:5

Me tenenee ne apingye, me ngoalelɛ ne kɔye ye nwo ali, na me tumi kobua maen mɔ ndɛen; supɔ mɔ bɛ́nea me ate, na bɛ nye la me tumi ne aso.

Yesaya 60:9

Amba, supɔ mɔ kɔnwondɛ me, Tasise ɛlɛen mɔ yeɛ bekoli moa ɔ, bɛkɔfa wɔ mma mɔ bekofi dedeede bɛkɔwa bɔ b’ɛdwetɛ ne bɛ sikaa kɔkorɛ boka so, bɔ bɛbaafa bɛhyɛ AWURADE wɔ Nyameɛ dumaa animnyam, ɔne Yisrael Krongronniɛ ne animnyam ɔ, ofikyɛ wahyɛ wɔ animnyam.

Yesaya 66:19

Ngɔyɔ nzɛngyerɛnneɛ wɔ bɛ nu, na bɛ bɔ bekonya bɛ ti bekodidi nu ne, ngɔsoma bɛ maa bɛkɔhɔ maen maen mɔ berɛ: wɔ Tasise, Pule ne Lude bɔ bɛte agyaentolɛfoɛ ne, Tubal ne Yawan, dedeede supɔ mɔ bɔ bennya bɛttele me nga, bɔ bennya bennwuni m’animnyam ne; na bɛkɔɔbɔ m’animnyam nwo dawure wɔ maen maen mɔ so.

Obadia 1:21

Na defoɛ mɔ kɔfo kɔhɔ Sion bokaa so bɛkɔɔyɛ Yisɔ bokaa ne aso maenbulɛfoɛ, na ahennie ne kɔyɛ AWURADE deɛ.

Sefania 2:11

AWURADE nye kɔboro bɛ so, ofikyɛ okonua aseɛ so mmosoen amukoraa bɛ boso, na asue noa maen maen ne amukoraa, sona biala kɔsɔne ye wɔ ye bɔbɔ ye aseɛ so.

Sakaria 14:9

AWURADE koli hene wɔ aseɛ amukoraa so; na sɔ kyẽa ne, AWURADE kɔyɛ sonongo, yeɛ ye dumaa kɔyɛ sonongo.

Mateo 3:3

Ye yeɛ ngɔmhyɛlɛniɛ Yesaya hane ye nwo dwirɛ kyɛ, “Ebie tea nu wɔ ɛserɛ so kyɛ, Ɛ́mɔsiesie Awurade atee, ná ɛ́mɔma ye atimbire tengyɛ.”

Mateo 6:10

W’ahennie ɔbra, Maa yɛyɔ w’apɛdeɛ wɔ aseɛ so, kyɛbɔ bɛyɔ ye wɔ nyameɛso ne.

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Marko 11:10

Saleɛ ole yɛ nana Dawide ahennie bɔ ɔ́ba [Awurade dumaa nu] ye! Hosana wɔ anwuro anwuro!”

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

Nyekyire 11:17

na bɛhane kyɛ, “Yɛfa asennaa yɛma wɔ, O Tuminiɛ Awurade Nyameɛ bɔ ɛwɔ berɛ, ná ɛwɔ berɛ fi tetetete ɔ, ofikyɛ afa wɔ tumi pirikua ne, na ali hene.