Edwein 96:5 - AHYERƐLƐ KRONGRON

⁵ Ofikyɛ maen maen mɔ bɛ nyameɛ nemɔ, bɛte mmosoen mbaen, nakoso AWURADE de, ye yeɛ ɔbɔle anwuro ɔ.

Edwein 96:5 Iomraidhean Croise

Gyenesise 1:1

Ahyɛaseɛ ne, Nyameɛ bɔle anwuro ne aseɛ.

Edwein 115:15

AWURADE bɔ ɔbɔle anwuro ne aseɛ ne, óyira ɛmɔ.

Edwein 135:15

Amaen maen mɔ bɛ mmosoen nemɔ, bɛte ɛdwetɛ ne esikaa kɔkorɛ, bɛte mmenia sa noa adwuma.

Edwein 135:18

Bɛ bɔ bɛyɔ mmosoen nemɔ ne, bɛte kyɛ mmosoen nemɔ ala; na ebiala bɔ ɔfa ye wora wura mmosoen nemɔ anu ne, ɔte kyɛ mmosoen nemɔ ala.

Edwein 8:4

né dasaniɛ te nzu koraa bɔ ɛdwene ye nwo ɔ, yeɛ sona awa te nzu, bɔ ɔla w’ahone nwo ɔ?

Yesaya 41:29

Tie, bɛ mukoraa bɛte mbaen, bɔ bɛyɔ ne, ɔtte huu, b’amoen mɔ bɔ bahuro nikyee bafa bayɔ ne, bɛte mvrama ne nikyee mbaen.

Yesaya 42:5

AWURADE Nyameɛ bɔ ɔbɔle anwuro ná ɔtrɛtrɛle nu ne, ye bɔ ɔbayele aseɛ nu, ɔne bɔ ofi nu ba biala nu tole berɛ ne, ye bɔ ɔma so mmenia nwomeɛ, ná ɔma bɛ bɔ bɛnate so sunzum ne, ɔnwa nyoo:

Asomafoɛ 19:26

Na ɛmɔnwu ye, yeɛ ɛmɔte kyɛ sɔ Pɔɔlo ne nwa, nyameɛ mɔ bɔ kuro sona afa ye sa wayɔ ne de bɛtte nyameɛ mɔ koraa; na watu mmeni pee foɛ wasesã b’adwene: nna Ɛfeso wa angome ɔ, na mmom Asia mbɔtam amukoraa.

1 Korintofoɛ 8:4

Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.