Edwein 96:2 - AHYERƐLƐ KRONGRON

² Ɛ́mɔto dwein bɛye AWURADE ayɛ, ɛ́mɔhyɛ ye dumaa animnyam, ɛmɔhã ye ngoalelɛ nwo dwirɛ daa biala.

Edwein 96:2 Iomraidhean Croise

1 Aberɛso Dwirɛ 29:20

Afei Dawide sele maen ne amukoraa kyɛ, “Ɛ́mɔye AWURADE ɛmɔ Nyameɛ ayɛ.” Na mmenia amukoraa bɔ babɔ dwaa ne, bɛyele AWURADE bɛ nana mɔ Nyameɛ ne ayɛ, na bɛbɔle bɛ nu ase bɛsɔnene AWURADE, yeɛ bɛkotole Nana Dawide koso.

Edwein 103:20

Ao AWURADE abɔfo mɔ, ɛ́mɔye ye ayɛ: ɛmɔ anwoserɛfoɛ bɔ ɛmɔyɔ ye apɛdeɛ ná ɛmɔyɔ sotie bɛma ye dwirɛ ɔ.

Edwein 145:1

Me Nyameɛ ne me Hene, ngɔkamvo wɔ, na ngɔhyɛ wɔ dumaa animnyam afebɔɔ.

Edwein 145:10

Ao AWURADE, wɔ sa noa nnwumaa amukoraa bɛda wɔ ase, yeɛ w’anwoteefoɛ amukoraa bɛye wɔ ayɛ.

Edwein 145:2

Daa biala ngɔhyɛ wɔ animnyam, na ngɔye wɔ dumaa ayɛ afebɔɔ.

Edwein 40:10

Wɔ tenenee nwo dwirɛ ne, mamva mamvea wɔ me ti anu; mabɔ wɔ nahorɛlilɛ ne wɔ ngoalelɛ nwo dawure. Wɔ ɔdɔ bɔ onni ngasi ne, ɔne wɔ nahorɛlilɛ ne, mamva ye nwo dwirɛ mamvea badwa kandinga ne.

Edwein 71:15

Wɔ tenenee nnwumaa ne wɔ ngoalelɛ nnwumaa ne, meka bɛ a, ɔbo me ndeaseɛ so de, nakoso ngɔfa me noa ngɔbɔ bɛ nwo dawure mmerɛ biala.

Yesaya 40:9

O Sion bɔ ɛso ndɛenvɛen ɔ, fo kɔ bokaa tendenn ne aso; O Yerusalem bɔ ɛso ndɛenvɛen ɔ, tea nu kã ye serɛserɛ, tea nu kã, na nnɛsuro. Kã kyire Yuda nguro nemɔ kyɛ, “Ɛ́mɔtie, ɛmɔ Nyameɛ ne ɛhe!”

Marko 16:15

Na ɔhã hyirele bɛ kyɛ, “Ɛmɔhɔ wiase amukoraa bɛɛhã nzɛmba ne behyire abɔdeɛ amukoraa.

Asomafoɛ 13:26

“Aliɛmaa mɔ, Abraham bosofoɛ ne Amaenmaensofoɛ mukoraa bɔ besuro Nyameɛ ɔ, yɛ berɛ yeɛ Nyameɛ somane ngoalelɛ dwirɛ ne ɔ.

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

Nyekyire 5:13

Na abɔdeɛ biala bɔ ɔwɔ nyameɛso ne aseɛ so ne aseɛ bo ne ɛpo nu ne bɔ ɔwɔ bɛ nu amukoraa, ndele kyɛ bɛkã kyɛ, “Saleɛ ne anidie ne animnyam ne tumi ɔyɛ bɔ ɔte ahennie bia ne aso ne ɔne Boaen Ba ne deɛ afebɔɔ.”