Edwein 96:10 - AHYERƐLƐ KRONGRON

¹⁰ Ɛmɔhã ye wɔ maen maen amukoraa nu kyɛ, “AWURADE di hene! Amba, wiase timu berɛ pindinn, ye bo ngotutu le. Ɔkɔfa pɛpɛɛpɛyɛlɛ kobua maen maen nemɔ ndɛen.”

Edwein 96:10 Iomraidhean Croise

Edwein 126:2

Ɛserelɛ yili yɛ noa nu to, na anigye dwein yili yɛ temverema so. Na bɛkekane ye wɔ maen maen mɔ nu kyɛ, AWURADE ayɔ nningyein mbiri mbiri wama bɛ.

Edwein 18:49

Yiti, O AWURADE, ngɔkamvo wɔ wɔ maen maen mɔ so, ná mabɔ wɔ dumaa mato ayɛyelɛ dwein.

Edwein 46:10

“Ɛ́mɔyɛ konn, ná ɛ́mɔnwu kyɛ me ole Nyameɛ! Medi hene wɔ maen maen mɔ so, medi aseɛ ye aso hene.”

Edwein 46:6

Amaen maen mɔ bɛteatea nu, ahennie mɔ batete bapanzam; ɔbobɔ nu kurudududu, na aseɛ woso.

Edwein 58:11

Mmenia kɔhã kyɛ, “Amba, akatuaa wɔ berɛ ma teneneefoɛ; amba, Nyameɛ bɔ obua ndɛen wɔ aseɛ ye aso ne, ɔwɔ berɛ.”

Edwein 59:13

fɛ bɛ so yaa kũkũ bɛ; kũkũ bɛ ma bɛ boso onua. Na ɛhe kɔmaa ofi aseɛ ti kɔka ye ti, mmenia konwu kyɛ Nyameɛ yeɛ odi Yakob so hene ɔ. Sela

Edwein 67:4

Odi kyɛ maen maen bɛ nye gye ná bɛfa ahurusililɛ bɛto dwein, ofikyɛ ɛfa pɛpɛɛpɛyɛlɛ ebua maen maen mɔ ndɛen, na esa fa bu aseɛ ye aso maen maen mɔ. Sela

Edwein 7:9

Ao bɔnefoɛ b’amumuyɛɛ ne, ma ye bo ɔpɛ, nakoso sona bɔ ɔtengyɛ ne de, ma ye bo otindim. Ao Nyameɛ bɔ ɛtengyɛ ɔ, wɔ yeɛ ɛse mmenia ti anu ne b’ahone nu dwirɛ ɔ.

Edwein 9:8

Obua wiase ndɛen bɔ ɔtengyɛ ɔ; ɔfa pɛpɛɛpɛyɛlɛ yeɛ obua maen maen mɔ ndɛen ɔ.

Edwein 9:9

AWURADE te anwoserɛ afealeɛ ma bɛ bɔ ebiemɔ hyɛ bɛ so ɔ, anwoserɛ afealeɛ wɔ amaneɛnwunɛ mmerɛ nu.

Edwein 93:1

AWURADE di hene, wafa animnyam wahera; AWURADE afa ahera, wafa anwoserɛ wabɔ abɔsoɛ. Amba, wiase bo atimu, bɛngɔhora ye bo tutu.

Edwein 96:13

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, na ɔkɔfa ye nahorɛlilɛ yeɛ okobua maen maen mɔ ndɛen ɔ.

Edwein 98:9

wɔ AWURADE nyunu, ofikyɛ ɔ́ba, ɔbaabua aseɛ so ama ndɛen. Ɔkɔfa tenenee yeɛ okobua wiase ndɛen ɔ, yeɛ ɔkɔfa ye pɛpɛɛpɛyɛlɛ yeɛ okobua maen maen mɔ ndɛen ɔ.

Yesaya 49:8

AWURADE nwa nyoo: “Mmerɛ bɔ odi kyɛ menwu wɔ anwumvoin ne, ndiele wɔ, ngoalelɛ kyẽa ne, mmokale wɔ. Manea wɔ so mafa wɔ mayɛ apam mama maen ne, kyɛ, odi kyɛ ɛma maen ne osa si ye gya nu, kyɛ, odi kyɛ ɛmaa bɛfa agyapadeɛ bɔ ɔla berɛ mbaen ne bɛtena so;

Yesaya 52:7

Sona bɔ ɔso ndɛenvɛen nate mmokaa nemɔ aso ne, kyɛbɔ ye gya bo osi yɛ nyemene ɔ! Ɔbɔ asomdwee nwo dawure, ɔso edwirɛ paa nwo ndɛenvɛen, ɔbɔ ngoalelɛ nwo dawure, na ose Sion kyɛ, “Wɔ Nyameɛ ne, odi hene.”

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Malaki 1:14

Musue to nnakannaka sona bɔ ɔfa kaka nyii bɔ ɔwɔ ye mmoaen kure nu ɔ ɔhyɛ bɔ, nakoso ɔfa bɔ wali nnɛen ɔ ɔbɔ afɔleɛ ma AWURADE ɔ. Ofikyɛ nde Ɛhene piri, na me dumaa nwo suronyi tɔ maen maen mɔ so, Asafo AWURADE noa dwirɛ ɛne.

Mateo 3:2

Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Asomafoɛ 17:31

ofikyɛ watu kyẽa ko bie wasie berɛ, bɔ ɔkɔfa sona bie bɔ waneanea nu waye ye ɔ so kobua ewiase amukoraa ndɛen tenenee nu ɔ. Na wali ɛhe nwo adanzeɛ wahyire wɔ etingyɛlɛ bɔ otingyele ye fili awufoɛ nu ne, kyɛ mmenia amukoraa bele ye beli.”

Galatiafoɛ 1:16

kyɛ ɔkɔla Ɔwa ne ali kohyire me, amaa ɔnate so mahã ye nwo nzɛmba ne mahyire Amaenmaensofoɛ ne, berɛ ne ala manzusu ye nwo mangyire sona biala.

Kolosefoɛ 2:7

Ɛmɔtira ndii wɔ ye nu, ná ɛ́mɔnea ye so bɛbɔ bɛ bra, ná ɛ́mɔtindim wɔ gyidie nu kyɛbɔ behyirehyirele ɛmɔ ne, ná ɛ́mɔla Nyameɛ ase daa.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.