Edwein 94:7 - AHYERƐLƐ KRONGRON

⁷ na bɛkekã kyɛ, “AWURADE onnwu ye, yeɛ Yakob Nyameɛ ɛhemɔ mva ye nwo.”

Edwein 94:7 Iomraidhean Croise

Edwein 59:7

Tie, edwirɛ mbiri mbiri bɔ bele bɛ noa bɛkekã ɔ, edwirɛ yealɛ bɔ otua bɛ noa ɔ, B’adwene ole kyɛ, “Nwa yeɛ ɔkɔte yɛ nga ɔ.”

Yesaya 29:15

Bɛ yaakɔ, bɛ bɔ bɛfa bɛ nhyehyɛleɛ bɛfea AWURADE fee ɔ, bɛ bɔ bɛyɔ bɛ yɔleɛ wɔ awosii nu, bɔ bɛkã kyɛ, “Nwa yeɛ onwu yɛ ɔ? Nwa yeɛ ɔse yɛ ɔ?”

Yesaya 47:10

“Ɛfale wɔ wora wurale w’amumuyɛɛyɔlɛ nu, na ɛhane kyɛ, ‘Sona biala nnwu me.’ Wɔ nworɛ ne wɔ nimdeɛ yeɛ bamaa amini ɔ, na ɛhane ye wɔ wɔ ti anu kyɛ, ‘Me ɛne! Ebiala nne berɛ bɔ ɔte kyɛ me ɔ.’

Hesekiel 8:12

Afei obisale me kyɛ, “Sona awa, yeɛ anwu bɔ Yisrael awuro ama mbanyi bɛ́yɔ ye wɔ awosii nu ne, bɔ ebiala ɔwɔ ye sua bɔ ɔsɔne mmosoen mɔ nu nu ɔ? Ofikyɛ bɛnwa: ‘AWURADE nnwu yɛ, AWURADE apo aseɛ ne.’ ”

Hesekiel 9:9

Yeɛ obuale me kyɛ, “Yisrael awuro ama ne Yuda awuro ama b’amumuyɛɛ ne ɔte piri paa; mogya ayi aseɛ ne aso to, yeɛ ndɛengyea ayi kuro ne anu to; ofikyɛ bɛnwa: ‘AWURADE apo aseɛ ne, yeɛ AWURADE nnwu huu.’

Sefania 1:12

Sɔ mmerɛ ne, ngɔfa kanea ngohyini ngɔneanea Yerusalem nu, na ngɔhwe bɛ bɔ bafa bɔne bayɛ bɛ nwo buru ne nnu nemɔ bɛ so, bɛ bɔ bɛkã ye bɛ ti anu kyɛ, ‘AWURADE ngɔyɔ ye nwo huu, kyɛ paa oo, anaa tɛɛ oo.’