Edwein 94:2 - AHYERƐLƐ KRONGRON

² Ao, aseɛ ye aso ndɛenbualɛniɛ, kekã wɔ nwo e, ná tua anwomasoɛfoɛ bɛ so kerɛ!

Edwein 94:2 Iomraidhean Croise

Gyenesise 18:25

Wɔ de, ɛngɔyɔ sɔ nikyee ne le, kyɛ ɛkɔfa mmenia bɔ bɛtengyɛ ɛkɔfra amumuyɛɛfoɛ kɔsɛkye bɛ ɔ; bɔ ɔkɔmaa mmenia bɔ bɛtengyɛ ne b’ayieleɛ koyie bɛ kyɛ amumuyɛɛfoɛ ɔ. Ah! Ɛngɔhora sɔ yɔ! Yiti aseɛ ye aso amukoraa Ndɛenbualɛniɛ ne, ongobua ndɛen bɔ ɔtengyɛ hɔ ɔ?”

2 Aberɛso Dwirɛ 20:12

Ao yɛ Nyameɛ, aso engotua bɛ so kerɛ? Ofikyɛ ɛlɔen piri ye bɔ bɛbaafa koɛ bɛtoa yɛ ye, yɛngɔhora bɛ nyunu gyina. Yɛnnwu bɔ yɛyɔ ɔ, yiti wɔ yeɛ yɛ nye la wɔ so ɔ.”

Edwein 31:23

Ɛmɔ, anwoteefoɛ amukoraa, ɛmɔhuro AWURADE dwirɛ. AWURADE bɔ anwoteefoɛ nwo waen, nakoso ebiala bɔ ɔma ye nwo so ne, otua ye so kerɛ piri paa.

Edwein 50:6

Ewienu bɔ ye tenenee nwo dawure, ofikyɛ Nyameɛ bɔbɔ te ndɛenbualɛniɛ. Sela

Edwein 68:1

Nyameɛ, dwɔso, ná ma wɔ pɔfoɛ mɔ bɛbɔ aya; bɛ bɔ bekyi wɔ ne, maa bɛnwati befi wɔ nyunu.

Edwein 7:6

Ao AWURADE, fɛ yaa ná dwɔso e; kekã wɔ nwo dwɔso tia me pɔfoɛ mɔ b’ɛyaafɛlɛ; ao me Nyameɛ, dwɔso gyina me si, wɔ bɔ ahyehyɛ ndɛenbualɛ ato berɛ ɔ’.

Edwein 74:22

Ao Nyameɛ, dwɔso, dwudwo nu maa benwu kyɛ edi be; kaye kyɛbɔ ngwaseafoɛ bɛgoro wɔ nwo daa biala ɔ.

Edwein 82:8

Ao Nyameɛ, dwɔso ná bua aseɛ so ama ndɛen, ofikyɛ maen maen amukoraa bɛte w’agyapadeɛ!

Yesaya 10:12

Sɛ AWURADE yɔ ye adwuma mukoraa wɔ Sion bokaa so ne Yerusalem yie a, ɔkɔhwe Asiria hene so wɔ ye anwomasoɛ mvamva ne ye dwɛɛ ne anwo.

Yesaya 2:17

Bɛkɔbrɛ sona ye ahandaen ase, yeɛ bekogua mmenia b’anwomasoɛ nyunu ase, na AWURADE angome yeɛ bɛkɔma ye so sɔ kyẽa ne ɔ.

Yesaya 37:23

“ ‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa wɔ ye so e? Yisrael Krongronniɛ ne yeɛ ayɔ sɔ atia ye ɔ!

Yesaya 37:29

Ɔnate wɔ yaa piri bɔ afɛ ye me so, ɔne w’anwomasoɛ bɔ mate ne ati, ngɔfa me koaa ne ngosina wɔ bonyi anu, ná matofi wɔ noa nu mafa me nyamaa mawura nu; na atee bɔ ɛfale so wale ne, ngɔmaa ɛkɔkakyi wɔ nwo ɛkɔfa so ekosa kɔhɔ.’

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Mika 5:9

Ɛkɔma wɔ sa so kotia bɛ bɔ bekyi wɔ ɔ, na wɔ pɔfoɛ mɔ amukoraa bɛ boso konua.

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.