Edwein 94:10 - AHYERƐLƐ KRONGRON

¹⁰ Bɔ ɔtwe maen maen mɔ so ne, aso ɔngɔhwe asoɛ? Ye yeɛ okyire mmenia nimdeɛ ɔ.

Edwein 94:10 Iomraidhean Croise

YOB NWOMAA NE 28:28

Na osele kuro sona kyɛ, ‘Tie, nworɛ ole kyɛ ekosuro AWURADE ɔ, yeɛ nimdeɛ ole kyɛ ɛkɔhwe wɔ nwo kofi bɔne nwo ɔ.’ ”

YOB NWOMAA NE 34:29

Na sɛ ɔyɛ konn a, nwa yeɛ ɔkɔhora kobua ye fɔ ɔ? Sɛ ɔfa ye nyunu fea a, nwa yeɛ okonwu ye ɔ? Nakoso, kyɛ maen oo, kyɛ sona oo, ɔnea bɛ so,

YOB NWOMAA NE 35:11

ye bɔ ɔmaa yɛnya nimdeɛ yɛtra aseɛ so ngaka ne, ye bɔ ɔmaa yɛnwu nworɛ yɛtra ewienu nnomaa ne.’

Edwein 10:16

AWURADE te hene afebɔɔ, na maen maen mɔ bɛ boso konua kofi ye aseɛ so.

Edwein 119:66

Kyirekyire me wɔ ndɛenbualɛ turoloo ne wɔ nimdeɛ ne, ofikyɛ mede wɔ mmeraa dwirɛ ne medi.

Edwein 149:7

bɔ bɛkɔfa bɛkɔtɔ amaen maen mɔ so wereɛ, bɔ bɛkɔfa bɛkɔhwe amaen maen mɔ bɛ so,

Edwein 44:2

Wɔ bɔbɔ deinn wɔ tumi yeɛ ɛfa foane maen maen nemɔ ɔ, nakoso yɛ nana mɔ de, ɛfale bɛ ɛɛtenane aseɛ ne aso; ɛpraprale amaneɛ guale maen maen nemɔ aso, nakoso yɛ nana mɔ de, ɛbɔle bɛ atenaseɛ.

Edwein 9:5

Ahwi maen maen mɔ nyunu, ama bɔnefoɛ b’ayieleɛ ayie bɛ, na anunu bɛ dumaa boso afebɔɔ.

Anyandera 2:6

Ofikyɛ AWURADE yeɛ ɔma nworɛ ɔ, na ye noa nu yeɛ nimdeɛ ne ndeaseɛ fi ba ɔ.

Yesaya 10:12

Sɛ AWURADE yɔ ye adwuma mukoraa wɔ Sion bokaa so ne Yerusalem yie a, ɔkɔhwe Asiria hene so wɔ ye anwomasoɛ mvamva ne ye dwɛɛ ne anwo.

Yesaya 2:3

Na mmenia pee bɛkɔwa bɛkɔɔhã kyɛ, “Ɛmɔbra ma yɛfo yɛhɔ AWURADE bokaa ne aso, ɛ́mɔma yɛhɔ Yakob Nyameɛ awuro ne anu, amaa ɔnate so wahyirehyire yɛ ye atee ne, ná yanate ye atimbire ne aso.” Ofikyɛ Sion yeɛ mmeraa ne kofi kɔwa ɔ, na Yerusalem yeɛ AWURADE dwirɛ ne kofi kɔwa ɔ.

Yesaya 28:26

Ofikyɛ ye Nyameɛ ahyirehyire ye, na okyire ye bɔ odi kyɛ ɔyɔ ɔ.

Yesaya 37:36

Na AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Na bedwɔsole ngyerɛmɔ tutututu ne, yieee, né efuin ngome yeɛ begua berɛ ɔ.

Yesaya 54:13

AWURADE kohyirehyire wɔ mma mukoraa nikye, na wɔ mma konya asomdwee pee.

Yeremia 10:25

Maen maen bɔ benze wɔ ne, ɔne mmenia bɔ bɛmmɔ wɔ dumaa bɛnzɔne wɔ ne, ma wɔ yaa piri ne ɔbra bɛ so, ofikyɛ bahu Yakob batete ye nu pasapasa; bannua ye boso, na bakakyi ye atenaleɛ kurofoen.

Hesekiel 39:21

“Ngɔla m’animnyam ali wɔ maen maen mɔ nu, na maen maen nemɔ konwu me ndɛenbualɛ bɔ mabua ɔ, ɔne m’asohwenɛ bɔ mamaa wawa bɛ so ɔ.

Amose 3:2

“Aseɛ ye aso mmusua amukoraa, ɛmɔ angome yeɛ mese ɛmɔ ɔ; yiti ɔnate ɛmɔ amumuyɛɛ amukoraa ne ati, ngɔhwe ɛmɔ so.

Habakuku 1:12

Ao, AWURADE me Nyameɛ, me Krongronniɛ, aso nna wɔ yeɛ ɛwɔ berɛ fi tetetete bɔ olle ahyɛaseɛ ɔ? Yɛngowu. Ao AWURADE, atu bɛ asie berɛ kyɛ bebua yɛ ndɛen; ao Nyɔbotaen, ama bɛ bo atimu kyɛ bɛhwe yɛ so.

Habakuku 3:12

Ele ɛyaa piri yeɛ ɛnate fale aseɛ so ɔ. Etiatiale maen maen mɔ so wɔ ahonehulɛ nu.

Yohane 6:45

Bahyerɛ ye wɔ ngɔmhyɛlɛfoɛ nwomaa ne anu kyɛ, ‘Bɛ mukoraa bɛkɔyɛ mmenia bɔ Nyameɛ ahyirehyire bɛ ɔ.’ Ebiala bɔ wate, ná wasua wafi Baba ne berɛ nen, ɔba me berɛ.