Edwein 93:3 - AHYERƐLƐ KRONGRON

³ Ao AWURADE, asue nemɔ ayi ahɔ anwuro, asueyilɛ nemɔ ama bɛ komvi so, asueyilɛ nemɔ ama bɛ dede bɔ bɛyɔ ne aso.

Edwein 93:3 Iomraidhean Croise

Edwein 18:4

Ewue nyamaa brabrale me, na ewue bu fale me so kyɛ asue;

Edwein 46:3

ná ɛpo nu nzue yɛ wuruwuru obu fa so, ná sɛ ye asorɔkye ma mmokaa bɛwoso po a, ɛserɛ ngɔhã yɛ. Sela

Edwein 46:4

Asue bie wɔ berɛ bɔ ye sa mɔ fa anigye bɛba Nyameɛ kuro ɔ, Anwuro Anwuroniɛ ne, ye atenaleɛ krongron berɛ.

Edwein 96:11

Nyameɛso, ma wɔ nye gye, aseɛ koso, di ahurusi, ɛpo ne nu nningyein amukoraa, ɛ́mɔyɛ dede.

Yesaya 55:12

“Ofikyɛ ahurusililɛ nu yeɛ ɛmɔkɔfa bekofi berɛ ɔ, na ngoli ɛmɔ nyunu ma ɛmɔkɔhɔ asomdwee nu. Mmokaa ne pambaa mɔ bɛkɔto ahurusi dwein wɔ ɛmɔ nyunu, na eburo mmakaa mukoraa bɛkɔbɔ bɛ sa nu.

Yona 2:3

Ofikyɛ egyili me tole buma nu, wɔ ɛpo afia, na nzue bɔ wayi ne pɛle me nwo yiale; w’asorɔkye amukoraa ne wɔ nzue wuruwuru ne, obu fale me so.

Nyekyire 12:15

Na ewoo ne puli ye noa nu nzue bɔ ɔte kyɛ asue ɔ olili braa ne si, kyɛ asue ne fa ye hɔ.

Nyekyire 17:15

Na osele me kyɛ, “Nzue mɔ bɔ enwuni bɛ, bɔ adwamanbɔlɛniɛ ne ɔte so ne, bɛte mmenia, ɛlɔen, maen maen ne edwudwolɛ mɔ.