Biblia Todo Logo
Bìoball air-loidhne

- Sanasan -




Edwein 93:1 - AHYERƐLƐ KRONGRON

1 AWURADE di hene, wafa animnyam wahera; AWURADE afa ahera, wafa anwoserɛ wabɔ abɔsoɛ. Amba, wiase bo atimu, bɛngɔhora ye bo tutu.

Faic an caibideil Dèan lethbhreac




Edwein 93:1
30 Iomraidhean Croise  

Aseɛ so ama amukoraa, ɛ́mɔsuro AWURADE. Wiase timu berɛ pindinn, ye bo ngotutu le.


Nyameɛso, ma wɔ nye gye, aseɛ koso, di ahurusi, ná bɛhã ye wɔ maen maen nemɔ aso kyɛ, “AWURADE di hene!”


Anwonya ne animnyam fi wɔ berɛ, na edi hene wɔ ebiala so. Wɔ yeɛ etira tumi ne anwoserɛ ɔ, na wɔ sa nu yeɛ sona biala ye tumi ne ye anwoserɛ wɔ ɔ.


Nzaade fa ahennie ne anidie siesie wɔ nwo e! Nzaade fa animnyam ne nyemene kera e!


AWURADE afa ye ahennie bia watimu anwuro, na ye ahennie di nikyee biala so.


W’ahennie ne te daa ahennie, na wɔ tumi ne wɔ berɛ wɔ aworɛ ndoatoasoɛ amukoraa nu. [AWURADE di nahorɛ wɔ ye dwirɛ amukoraa nu, na onwu anwumvoin wɔ nikyee biala bɔ ɔyɔ ɔ nu].


Sɔ Nyameɛ he bɔ ɔma me anwoserɛ ne, ɔma me brabɔlɛ tengyɛ.


fɛ bɛ so yaa kũkũ bɛ; kũkũ bɛ ma bɛ boso onua. Na ɛhe kɔmaa ofi aseɛ ti kɔka ye ti, mmenia konwu kyɛ Nyameɛ yeɛ odi Yakob so hene ɔ. Sela


W’anwoserɛ yeɛ ɔfale mmokaa penapenane berɛ ɔ, afa tumi abɔ abɔsoɛ.


Ɛpo bɔ obu fa so ne, ye asorɔkye wuruwuru ne, ɔne maen maen mɔ bagyabagyayɛle ne, ɛmaa bɛyɛ konn.


Sɛ aseɛ ɔne bɔ ɔwɔ so amukoraa bɛwoso a, me yeɛ mema ye bonima mɔ begyina pindinn ɔ. Sela


Ɛmɔhã ye wɔ maen maen amukoraa nu kyɛ, “AWURADE di hene! Amba, wiase timu berɛ pindinn, ye bo ngotutu le. Ɔkɔfa pɛpɛɛpɛyɛlɛ kobua maen maen nemɔ ndɛen.”


AWURADE di hene! Aseɛ, di ahurusi; mboanoa worawora mɔ, ɛ́mɔma ɛmɔ nye gye!


AWURADE di hene, maen maen mɔ, ɛ́mɔma ɛmɔ nwo wosowoso! Ɔte kɛrubim mɔ so; aseɛ, woso!


Tenenee kɔyɛ abɔsoɛ bɔ ɔkɔfa kɔbɔ ye nu ɔ, yeɛ nahorɛlilɛ kɔyɛ abɔsoɛ kɔbɔ ye yaase.


Me yeɛ mmɔle aseɛ ɔ, yeɛ mmɔle sona ndole so ɔ; me bɔbɔ me sa yeɛ ɔtrɛtrɛle ewienu nu ɔ, na mvale ahyɛdeɛ mane b’asafo amukoraa.


Ofikyɛ AWURADE bɔ ɔbɔle anwuro, Nyameɛ bɔ ɔhyehyɛle aseɛ ná ɔyɔle ne, ye bɔ ɔbɔle aseɛ tole berɛ ne, ye bɔ wammɔ ye sesakaa wando berɛ, na mmom ɔbɔle ye kyɛ bɛtena so ne, ɔnwa nyoo: “Me ole AWURADE bɔ ebiala nne berɛ bɔ ɔboka me so ɔ.


AWURADE nwa nyoo: “Mmerɛ bɔ odi kyɛ menwu wɔ anwumvoin ne, ndiele wɔ, ngoalelɛ kyẽa ne, mmokale wɔ. Manea wɔ so mafa wɔ mayɛ apam mama maen ne, kyɛ, odi kyɛ ɛma maen ne osa si ye gya nu, kyɛ, odi kyɛ ɛmaa bɛfa agyapadeɛ bɔ ɔla berɛ mbaen ne bɛtena so;


Mafa me dwirɛ matua wɔ noa, mafa wɔ mafea me sa bo fɔnwoo nu, matrɛtrɛ ewienu nu, yeɛ mato aseɛ fapem, na mahã mahyire Sion kyɛ, ‘Ɛte me maen.’ ”


O AWURADE tumi, kanyane wɔ nwo, kanyane wɔ nwo, kyire w’anwoserɛ! Kanyane wɔ nwo kyɛbɔ ɛyɔle ye daa daa ne, kyɛbɔ ɛyɔle ye daa tetetete aworɛ ndoatoasoɛ nu ne. Aso nna wɔ yeɛ ɛpepɛle Rahabo nu ahuronzi ahuronzi ná ɛfale nikyee sinane ɛpo nu sasrabɔnzam ne ɔ?


Sona bɔ ɔso ndɛenvɛen nate mmokaa nemɔ aso ne, kyɛbɔ ye gya bo osi yɛ nyemene ɔ! Ɔbɔ asomdwee nwo dawure, ɔso edwirɛ paa nwo ndɛenvɛen, ɔbɔ ngoalelɛ nwo dawure, na ose Sion kyɛ, “Wɔ Nyameɛ ne, odi hene.”


Ofikyɛ ɔfale tenenee wurale kyɛ buralɛ bɔ ɔkata bɛ hue so ɔ, yeɛ ɔfale ngoalelɛ buralɛ kyerɛ wurale ye ti; ɔfale wereɛtɔlɛ ataadeɛ wurale, na ɔfale nungunɛhwenɛ herale kyɛ ɛtena.


Nwa yeɛ ofi Edom ɔ́ba e, bɔ ye ndaadeɛ nye gonn bɔ ofi Bosra ɔ́ba e? Ye bɔ ɔhera ɛtena nyemenenyemene ɔ, bɔ ole tumi pirikua otiatia ba e? “Me ɔ. Me bɔ mebɔ tenenee nwo dawure ne ɔ, Tuminiɛ bɔ mede ngoa ne ɔ.”


Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]


Nakoso Ɔwa ne de, bɔ ɔha fale ye nwo ɛhe: “O Nyameɛ, w’ahennie bia wɔ berɛ afebɔɔ! W’Ahennie hɔtɔ ne te teenenee hɔtɔ.


Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.


Lean sinn:

Sanasan


Sanasan