Edwein 92:9 - AHYERƐLƐ KRONGRON

⁹ Amba, ao AWURADE, wɔ pɔfoɛ mɔ, wɔ pɔfoɛ mɔ de bekowuwu, bɔnefoɛ amukoraa bɛkɔbɔ aya.

Edwein 92:9 Iomraidhean Croise

Edwein 1:4

Nakoso amumuyɛɛfoɛ de, nna sɔ yeɛ bɛte ɔ, na mmom bɛte kyɛ afafu bɔ mvrama hu ye kɔ ɔ.

Edwein 102:13

Ekodwɔso konwu Sion anwumvoin, ofikyɛ mmerɛ aso kyɛ ɛdo ye ɔ, mmerɛ bɔ ahyehyɛ ato berɛ ne waso.

Edwein 102:25

Daa tetetete yeɛ ɛtole aseɛ fapem ɔ, na anwuro te wɔ sa noa adwuma.

Edwein 37:20

Nakoso bɔnefoɛ de, bɛ boso konua, na AWURADE pɔfoɛ mɔ, bɛte kyɛ ndire nyerɛen; bekotu bekomini, bekotu bekomini kyɛ nwosina.

Edwein 59:11

Nnɛkũkũ bɛ: ɔba ye sɔ a, me maen bɛ wora kofi; fa wɔ tumi maa bɛbɔ asesa, ná brɛ bɛ ase; ao AWURADE, ɛte y’akokyɛm.

Edwein 68:30

Ngaka aboyaa bɔ bɛwɔ nekaa bɔ elemmire wɔ ne, nandwie nyii kure bɔ bafra maen maen nandwie mmaa mɔ nu ne, twi bɛ nyunu. Bɛ bɔ ndɔlelɛ yɛ bɛ fɛ ne, fa bɛ wura wɔ gya bo, bɛ bɔ bɛ nye gye koɛ nwo ne, bɔ bɛ sande.

Edwein 73:27

Ofikyɛ amba, bɛ bɔ bɛtwe bɛ nwo befi wɔ nwo ne, bɛ boso konua, na bɛ bɔ bɛyakyi wɔ si lilɛ bɛtwe bɛ nwo befi wɔ nwo ne, enua bɛ boso.

Edwein 89:10

Ɛpɛkyɛle Rahabo kyɛ naenmvuin, na ele wɔ tumi ne mane wɔ pɔfoɛ mɔ bɛbɔle aya.

Edwein 97:9

Ofikyɛ AWURADE, wɔ yeɛ ɛte Anwuro Anwuroniɛ paa wɔ aseɛ amukoraa so ɔ; ɛte totohyia tra nyameɛ mɔ amukoraa.

Yesaya 17:13

Maen maen mɔ bɛyɛ dede kyɛ asue mɔ bɔ bɛse wuruwuru ɔ, nakoso Nyameɛ twi bɛ nyunu, na bɛnwati bɛkɔ dede, ɔfoa bɛ kyɛ afafu bɔ mvrama bɔ ye fi bokaa so ɔ, kyɛ mvuture bɔ ɔpɛ ye nwo wɔ mvrama piri nu ɔ.

Hesekiel 5:12

Ewue anwonyerɛ ne ɛhɔen kohũhũ ngyɛmuɛ nza nu ko wɔ wɔ nu; ngyɛmuɛ nza nu ko koso bɛkɔtotɔ ngrandɛ noa wɔ wɔ fasue ne asi; yeɛ ngyɛmuɛ nza bɔ waha ne wora, ngɔbɔ bɛ ngɔpete mvrama mukoraa nu, na ngɔhwe ngrandɛ ngɔfoa bɛ.

Lewitikɔso 26:33

Na ɛmɔ de, ngɔma ɛmɔ kɔbɔ aya bɛkɔhɔ maen maen mɔ so, na ngɔhwe ɛmɔ so ngrandɛ; ɛmɔ aseɛ nemɔ kɔsɛkye bɔkɔɔ, ná ɛmɔ nguro nemɔ koso kɔbɔ.

Numeri 10:35

Mmerɛ biala bɔ alaka ne kotu ye bo ne, Mose ka kyɛ, “O AWURADE dwɔso, ná ma wɔ pɔfoɛ mɔ bɛbɔ aya, ná ma bɛ bɔ bekyi wɔ ɔ bɛnwati befi wɔ nyunu.”

Mateo 7:23

Na ɛhe yeɛ ngɔpakye nu ngose bɛ kyɛ, ‘Menze ɛmɔ koraa, ɛ́mɔfi me so bɛhɔ, ɛmɔ bɔ ɛmɔyɔ bɔ ɔndengyɛ ɔ!’

Luka 19:27

Na me pɔfoɛ mɔ bɔ né bɛmbene so kyɛ medi bɛ so hene ne de, ɛ́mɔfa bɛ bɛbra wa beehu bɛ me nyunu wa!’ ”

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Deuteronomi 28:64

“AWURADE kɔmaa ɛkɔbɔ aya wɔ maen maen mukoraati so, fite aseɛ ti kɔka ye ti; na berɛ yeɛ ɛkɔso nyameɛ foforɛ biemɔ bɔ bafa mmakaa ne nyɔboɛ bayɔ ɔ, bɔ wɔ anaa wɔ nana mɔ bɛnze bɛ ɔ.

Maenbulɛfoɛ 5:31

Yiti AWURADE, ma wɔ pɔfoɛ amukoraa, bɛ boso ónua! Nakoso bɛ bɔ bekuro wɔ dwirɛ de, maa bɛyɛ kyɛ eyia bɔ ɔbɔ gyireingyirein ɔ.” Na asomdwee wale aseɛ ne aso afoɛ aburanna.