Edwein 92:6 - AHYERƐLƐ KRONGRON

⁶ Sona kwaseaa de, ɔnze, sona bɔ wagyimi de, ɔnde ɛhe abo:

Edwein 92:6 Iomraidhean Croise

Edwein 104:24

Ao, AWURADE wɔ sa noa nnwumaa sone paa! Ɛfale nworɛ tole ye nwo yeɛ ɛbɔle bɛ mukoraa ɔ; w’abɔdeɛ mɔ bayi aseɛ so tɛkyɛ.

Edwein 139:14

Meye wɔ ayɛ, ofikyɛ kyɛbɔ asi abɔ me ne, ɔyɛ suro yɛ nwanwa. Wɔ sa noa nnwumaa yɛ nwanwa, na me kra se ye sɔ paa.

Edwein 14:1

Kwaseaa kã ye wɔ ti anu kyɛ, “Nyameɛ biala nne berɛ.” Olle adwene paa, na amumuyɛɛ bɔ ɔte akyiwadeɛ yeɛ ɔyɔ ɔ, ebiala nne berɛ bɔ ye bra te sannwuu ɔ.

Edwein 32:9

Nnɛma ɛmɔyɛ kyɛ pɔngɔ anaa afunum bɔ olle nimdeɛ, bɔ odi kyɛ ɛfa nyamaa ne buralɛ ewura ye noa nu koraka né watena wɔ nwo ɔ.

Edwein 49:10

Ye nye tua kyɛ nworɛfoɛ bewu; yeɛ ngwaseafoɛ ne gyiminiwaafoɛ koso bewu, na bɛyakyi b’agyapadeɛ berɛ maa okodi mmeni foforɛ sa nu.

Edwein 73:22

né nde kyɛ sona kwaseaa bɔ ɔnze hwee ɔ, nyɛle kyɛ kaka bie wɔ wɔ nye so.

Edwein 75:4

Sona bɔ ɔhoahoa ye nwo ne, mekã mekyire ye kyɛ, “Nnɛhoahoa wɔ nwo,” yeɛ mekã mekyire bɔnefoɛ kyɛ, “Nnɛfa wɔ tumi hoahoa wɔ nwo;

Edwein 94:8

Ao, maen ne anu mmenia bɔ ɛmɔ adwene te nganga ɔ, odi kyɛ ɛmɔte ye bo, ngwaseafoɛ, kyinzu yeɛ ɛmɔkonwu nworɛ ɔ?

Anyandera 1:22

“Ɛmɔ bɔ ɛmɔ adwene te nganga ɔ, ɛmɔpena kyɛ ɛmɔ adwene yɛ nganga kodwu kyinzu? Ngorohoɛfoɛ nye kɔgye bɛ ngorohoɛ nwo koodwu kyinzu? Yeɛ ngwaseafoɛ kohyi nimdeɛ koodwu kyinzu?

Anyandera 24:7

Nworɛ te nikyee bɔ ɔbo ngwaseafoɛ adwene so, kwaseaa dwu nekaa bɔ bedi dwirɛ a, ommukye ye noa.

Anyandera 30:2

Nahorɛ nu, nde sona mbaen bɔ nnde sona ɔ; nimdeɛ bɔ sona le ye ne, nnne bie.

Yesaya 1:3

Nandwie se ye mene, yeɛ afunum se nekaa bɔ ye mene ma ye aleɛ ɔ, nakoso Yisrael de, ɔnze, me maen ne ɔnde ye bo.”

Yesaya 28:29

Ɛhe koso ofi Asafo AWURADE berɛ, ye foɛtulɛ te nikyee bɔ ɔyɛ nwanwa, na ye nworɛ ne te piri paa.

Yesaya 55:9

Na kyɛbɔ anwuro wɔ anwuro anwuro tra aseɛ ne, sɔ ala yeɛ m’atee bo ɛmɔ atee deɛ so ɔ, na m’adwene koso bo ɛmɔ adwene so.

Yeremia 10:14

Ebiala te kwaseaa, na olle nimdeɛ; esikaa kɔkorɛ dwumvoɛ biala ye mmosoen mɔ gua ye nyunu ase, ofikyɛ ye mmosoen mɔ te nnakannaka, na nwomeɛ biala nne bɛ nu.

Yeremia 32:19

Wɔ bɔ wɔ nworɛ te totohyia, ná wɔ nnwumaa yɛ nwanwa ɔ; wɔ nye tua adasa b’atee amukoraa, kyɛ ɛkɔma ebiala ye atee bɔ ɔnate so ɔ ɔne ye yɔleɛ nwo akatuaa;

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.