Edwein 92:3 - AHYERƐLƐ KRONGRON

³ mmerɛ bɔ bɛbɔ sangoo bɔ ye nyamaa buru ɔne adengum ne, odi kyɛ bɛfa sangoo bɛto dwein.

Edwein 92:3 Iomraidhean Croise

1 Aberɛso Dwirɛ 13:8

Na Dawide ne Yisrael maen ne amukoraa bɛfale sangoo, awɛen, akasaa, firikyiwa ne totorobɛndo bɛfale b’anwoserɛ mu bɛtole dwein begole abilie.

1 Aberɛso Dwirɛ 15:16

Dawide sa fale ahyɛdeɛ mane Lewi abusua kure mbanyi ne, kyɛ bɛye edweintolɛfoɛ maa bɛbɔ sangoo, adengum ne firikyiwa bɛto anigye dwein.

1 Aberɛso Dwirɛ 23:30

Na odi kyɛ begyina berɛ ngyerɛmɔ biala ne nɔsoa biala bɛda AWURADE ase bɛye ye ayɛ.

1 Aberɛso Dwirɛ 25:6

Edwein bɔ né bɛbɔ firikyiwa, sangoo ne adengum bɛto ye wɔ AWURADE awuro bɛfa bɛyɔ Nyameɛ awuro berɛ ɛsɔnenɛ adwuma ne, né bɛ baba nemɔ yeɛ bɛlela bɛ mukoraa bɛ noa ɔ. Asafe, Yedutun ne Heman de, né ɛhene bɔbɔ yeɛ ɔnea bɛ so ɔ.

2 Aberɛso Dwirɛ 20:28

Beedwuli Yerusalem, na bele adengum ne sangoo ne totorobɛndo bɛwale AWURADE awuro.

2 Aberɛso Dwirɛ 23:5

Nza nu ngyɛmuɛ ko bieku odi kyɛ bɛwɛne ahemvie ne, yeɛ nza nu ngyɛmuɛ ko koso odi kyɛ begyinagyina fapem pambim ne anwo. Na odi kyɛ maen ne amukoraa begyina AWURADE awuro ne aluo berɛ.

2 Aberɛso Dwirɛ 29:25

Ɔmane Lewifoɛ nemɔ bɛtenane AWURADE awuro berɛ bɛbɔle firikyiwa, adengum ne sangoo, kyɛbɔ Dawide ne Nana ye sona bɔ ɔse ase Gade ne ngɔmhyɛlɛniɛ Natan bɛhane ne ala. Ofikyɛ sɔ ahyɛdeɛ ne, AWURADE nate ye ngɔmhyɛlɛfoɛ so yeɛ ɔhyɛle ɔ.

Nehemia 12:27

Mmerɛ bɔ betu Yerusalem fasue ne bewura Nyameɛ sa ne, bɛpenane Lewifoɛ nemɔ wɔ nekaa bɔ bɛtete amukoraa. Na bɛfale bɛ bɛwale Yerusalem kyɛ bɛfa ahurusililɛ ne asennaa dweintolɛ, bɛbɔ firikyiwa, adengum ne sangoo bɛboka dwumadie ne wɔ anigye so.

Edwein 149:3

Odi kyɛ bɛfa abilie bɛye ye dumaa ayɛ, odi kyɛ bɛfa akasaa ne adengum bɛto ye nwo dwein.

Edwein 33:2

Ɛ́mɔfa sangoo bɛye AWURADE ayɛ; ɛ́mɔfa sangoo bɔ ye nyamaa buru ne bɛto ye nwo anigye dwein.

Edwein 42:9

Mebisa AWURADE bɔ ɔte me nyɔbotaen ne kyɛ, “Nzu ati yeɛ wɔ wora afi me e? Nzu ati yeɛ ɔnate ɛhyɛlɛ bɔ pɔfoɛ ne ɔhyɛ me so ti, odi kyɛ menate berɛ anwumvoin anwumvoin ɔ?”

Edwein 57:8

M’animnyam, tingye! Sangoo ne adengum, ɛ́mɔtingye! Me koso ngotingye alebahyene.

Edwein 68:25

Edweintolɛfoɛ nemɔ li moa, sangoobɔlɛfoɛ nemɔ li nziɛ, ndaluwa li bɛ nu bɛwoso akasaa kyɛ,

Edwein 9:16

AWURADE nate ye ndɛen turoloo bɔ obua ne aso waye ye nwo ali wahyire; wama bɔnefoɛ bɛ bɔbɔ bɛ yɔleɛ wayɛ ngaen wahye bɛ.

1 Samuel 10:5

Na ɛhe asi ne, ekoodwu Gibeate Elohim, wɔ nekaa bɔ Filistifoɛ koɛhonɛfoɛ atenaleɛ wɔ ne. Na sɛ ɛkwaawura kuro ne anu a, ekoyia ngɔmhyɛlɛfoɛ kure bɔ befi asɔneyɛɛ so dɔ bɛ́torotoro bɛ́ba, bɔ adengum, akasaa, aweɛn ne sangoo angorɛ li bɛ nyunu ɔ. Na ekonwu kyɛ bɛ́hyɛ ngɔm ɔ.