Edwein 92:2 - AHYERƐLƐ KRONGRON

² kyɛ bɛkɔbɔ wɔ ɔdɔ bɔ onni ngasi ne anwo dawure ngyerɛmɔ, ɔne wɔ nahorɛlilɛ ne anwo dawure kɔngɔen,

Edwein 92:2 Iomraidhean Croise

1 Aberɛso Dwirɛ 25:1

Dawide ne safohene nemɔ, betuli mmenia befili Asafe abusua nu, Heman abusua nu ne Yedutun abusua nu besiele berɛ kyɛ bɛbɔ sangoo, adengum ne firikyiwa bɛfa bɛhyɛ ngɔm. Mmenia bɔ bɛyɛle adwuma ne ɛhe, yeɛ b’adwuma bɔ bɛyɔle ɛhe:

YOB NWOMAA NE 35:10

Nakoso bɛ nu biala nga kyɛ, ‘Me Nyameɛ bɔ ɔbɔle me ne, ɔwɔ nisua? Ye bɔ ɔma edwein kɔngɔen ne,

Edwein 101:1

Ngɔto anwumvoinnwunɛ ne ndɛenbualɛ turoloo nwo dwein; ao AWURADE, wɔ nwo dwein yeɛ ngɔto ɔ.

Edwein 145:2

Daa biala ngɔhyɛ wɔ animnyam, na ngɔye wɔ dumaa ayɛ afebɔɔ.

Edwein 147:1

Ɛ́mɔye AWURADE ayɛ! Ofikyɛ ɔte paa kyɛ ɛkɔto yɛ Nyameɛ nwo ayɛyelɛ dwein ɔ; ɔse anwumvoin, na ayɛyelɛ dwein fata ye.

Edwein 42:8

AWURADE ye ɔdɔ bɔ onni ngasi ne, ɔye ye ali eyia, na kɔngɔen meto ye dwein mefa mebɔ mbaeɛ mekyire Nyameɛ bɔ otira me ngoa nyamaa nu ɔ.

Edwein 71:15

Wɔ tenenee nnwumaa ne wɔ ngoalelɛ nnwumaa ne, meka bɛ a, ɔbo me ndeaseɛ so de, nakoso ngɔfa me noa ngɔbɔ bɛ nwo dawure mmerɛ biala.

Edwein 77:2

M’amaneɛnwunɛ mmerɛ nu, mepena AWURADE si atee; sɛ odwu kɔngɔen a, metrɛtrɛ me sa nu bɔ me sa onnya ɔ; me kra mbene so kyɛ bɛkɔkyekye ye wora ɔ.

Edwein 9:3

Me pɔfoɛ mɔ sale bɛ si, na befifini ase bewuwuli wɔ wɔ nyunu.

Yesaya 63:7

Ngɔhã AWURADE ye dɔ pindinn ne, ɔne AWURADE ayɛyelɛ ne nwo dwirɛ, bɔ ɔfa bɔ AWURADE ayɔ ama yɛ amukoraa nwo, ɔne paa kandinga bɔ wafa wayɛ Yisrael awuro ama ɔ, kyɛbɔ ɔnate ye anwumvoinnwunɛ so, ɔne kyɛbɔ ye dɔ pindinn ne piri ɔte ɔ.

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Asomafoɛ 16:25

Kɔngɔen ne, kɔyɛ abunnamu, né Pɔɔlo ne Silase bɛbɔ mbaeɛ ná bɛto Nyameɛ ayɛyelɛ dwein, na kukunufoɛ ngaa ne tiele bɛ.