Edwein 92:1 - AHYERƐLƐ KRONGRON

¹ Ɔte paa kyɛ bɛkɔfa asennaa bɛkɔma AWURADE ɔ, kyɛ bɛkɔto wɔ dumaa nwo ayɛyelɛ dwein ɔ, ao Anwuro Anwuroniɛ;

Edwein 92:1 Iomraidhean Croise

Edwein 107:1

Ao, ɛmɔla AWURADE ase, ofikyɛ ɔte paa, na ye ɔdɔ bɔ onni ngasi ne, ɔwɔ berɛ afebɔɔ.

Edwein 107:15

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 107:8

Odi kyɛ bɛye AWURADE ayɛ wɔ ye ɔdɔ bɔ onni ngasi ne ati, wɔ ye anwanwadeɛ bɔ ɔyɔ ma adasa mmaa ne ati.

Edwein 135:3

Ɛ́mɔye AWURADE ayɛ, ofikyɛ AWURADE te paa; ɛ́mɔto ye dumaa nwo dwein, ofikyɛ ɔyɛ fɛ.

Edwein 147:1

Ɛ́mɔye AWURADE ayɛ! Ofikyɛ ɔte paa kyɛ ɛkɔto yɛ Nyameɛ nwo ayɛyelɛ dwein ɔ; ɔse anwumvoin, na ayɛyelɛ dwein fata ye.

Edwein 33:1

Ao ɛmɔ, teneneefoɛ, ɛmɔli ahurusi wɔ AWURADE nu. Ɔfata teneneefoɛ kyɛ bɛye AWURADE ayɛ ɔ.

Edwein 50:23

Sona bɔ ɔfa asennaa ɔbɔ afɔleɛ ma me ne, ɔhyɛ me animnyam; sona bɔ ye atee tengyɛ ne, ngɔmaa okonwu Nyameɛ ngoalelɛ ne.”

Edwein 52:9

Ɔnate bɔ ayɔ ne ati, ngɔla wɔ ase daa. Ngɔfa me wora ngowura wɔ dumaa nu wɔ w’anwoteefoɛ mɔ nyunu, ofikyɛ ɔte paa.

Edwein 54:6

Ngɔbɔ akyɛdeɛ afɔleɛ ngɔma wɔ. Ao AWURADE, ngɔfa asennaa ngɔma wɔ dumaa, ofikyɛ ɔte paa.

Edwein 73:28

Nakoso me de, ɔte paa ma me kyɛ ngopingye Nyameɛ ɔ; mafa AWURADE Nyameɛ mayɛ m’afealeɛ, amaa ɔnate so mabɔ wɔ nnwumaa mukoraa nwo dawure.

Edwein 82:6

Menwa nyoo, “Ɛmɔte nyameɛ mɔ, ɛmɔ amukoraa, ɛmɔte Anwuro Anwuroniɛ ne, ye mma mmɔ.

Edwein 92:8

Nakoso ao AWURADE, wɔ de, edi ebiala so hene afebɔɔ.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Ɛfesofoɛ 5:19

Ɛ́mɔfa sangoo dwein, ayɛyelɛ dwein ne sunzum nu dwein bedwudwo behyirehyire ɛmɔ nwo; ná ɛ́mɔfa ɛmɔ ahone amukoraa bɛto Awurade nwo dwein;

Hebrifoɛ 13:15

Yiti mmerɛ biala ɛ́mɔma yɛ́fa ayɛyelɛ yɛyɛ afɔleɛ yɛfa Yesu so yɛma Nyameɛ, na ɛhe te yɛ noa afɔleɛ bɔ yɛfa yɛhyɛ ye dumaa animnyam ɔ.

Hebrifoɛ 4:9

Nzaade afofikyẽalilɛ wɔ berɛ ma Nyameɛ mmenia;