Edwein 91:5 - AHYERƐLƐ KRONGRON

⁵ Engosuro nningyein bɔ onwunanwuna sona kɔngɔen ɔ, anaa agyaen bɔ otu nate eyia ɔ,

Edwein 91:5 Iomraidhean Croise

2 Ahemvo 7:6

Ofikyɛ né AWURADE ama Siria koɛhonɛfoɛ nemɔ bate teaseɛnam mɔ, mbɔngɔ mɔ, ɔne koɛhonɛfoɛ lɔen kandinga nga wɔ bɛ so anu, bɔ ɔnate so maa besisele bɛ nwo kyɛ, “Yisrael hene waabɔ Hiti ahemvo ne Misraim ahemvo mɔ paa kyɛ bɛɛfa koɛ bɛtoa yɛ.”

YOB NWOMAA NE 6:4

Ofikyɛ Ɛdangama Nyameɛ ato ye agyaen mɔ wawowɔ me, me sunzum ɔno bɛ noa borɔ ne, na Nyameɛ ɛyaafɛlɛ ne ɔko tia me.

Edwein 112:7

Onzuro ahunundetelɛ dwirɛ; ye adwene si ye pi, na ye wora wura AWURADE nu.

Edwein 46:2

Yiti sɛ aseɛ kakyi butu, ná mmokaa tutu kogua ɛpo buma nu,

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Edwein Nu Dwein 3:8

Bɛ mukoraa betiratira ngrandɛ, bɛse koɛ ko paa, ebiala ngrandɛ wura ye taku so, ɔnate esurolɛ bɔ besuro kɔngɔen ti.

Yesaya 21:4

M’adwene ayɛ me nwunyaenn, ahunundetelɛ atɔ me so; nɔsoa fɔnwoo bɔ ahaa me nye la so ne, wakakyi ahunundetelɛ wama me.

Yesaya 43:2

Sɛ ɛnate nzue nu a, me ne wɔ yeɛ yɛwɔ berɛ ɔ, sɛ ɛpɛ asue mɔ a, bɛngɔfa wɔ ngɔhɔ; sɛ ɛnate see nu a, ɔngɔyera wɔ, na ye gyelɛ wuronyiwuronyi ne, ɔngɔyera wɔ.

Mateo 8:26

Na osele bɛ kyɛ, “O ɛmɔ gyidie te kãa, nzu ati yeɛ ɛserɛ ahã ɛmɔ sɔa e?” Afei odwɔsole, na ɔteateane mvrama ne ne asorɔkye ne, na bɛyɛle dinn.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

Luka 12:39

Na ohia kyɛ ɛmɔnwu kyɛ, sɛ awuro mene ne ɔse mmerɛ bɔ awueniɛ ne kɔwa a, [ahaa ɔkɔwɛne], ahaa ɔngɔma ongonya ate ngootu ye anoa bo.

Hebrifoɛ 13:6

Yiti yɛkora yɛsi y’ahone yɛkã kyɛ, “Awurade te me bokafoɛ, mengosuro nikye fee. Kuro sona kɔhora kɔyɔ me nzu?”