Edwein 91:4 - AHYERƐLƐ KRONGRON

⁴ Ɔkɔfa ye ndɛkra kɔkata wɔ so, na ye ndaa ne abo yeɛ ekonya afealeɛ ɔ; ye nahorɛlilɛ ne te akokyɛm ne buralɛ ataadeɛ.

Edwein 91:4 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

Edwein 138:2

Mebɔ me nu ase mefa me nye mekyire w’asɔneyɛɛ sua krongron ne, na mefa asennaa mema wɔ dumaa, ɔnate wɔ ɔdɔ bɔ onni ngasi ne wɔ nahorɛlilɛ ne ati; ofikyɛ apagya wɔ dumaa ne wɔ dwirɛ maa batra nikyee biala.

Edwein 17:8

Bɔ me nwo waen kyɛ sona nye kyiremvua; fa me fea wɔ ndaa ne abo fɔnwoo ne anu.

Edwein 35:2

Fa akokyɛm ne buralɛ ataadeɛ, ná dwɔso baaboka me!

Edwein 57:1

Nwu me anwumvoin, ao Nyameɛ, nwu me anwumvoin, ofikyɛ wɔ nu yeɛ me kra nwati bafea ɔ; wɔ ndaa ne abo fɔnwoo ne anu yeɛ menwati mebafea ɔ, kɔpem kyɛ asetena nu mvrama piri ne abo kɔpɛ nu kɔhɔ ɔ.

Edwein 61:4

Ngɔtena wɔ tena sua ne anu afebɔɔ, ná manya afealeɛ wɔ wɔ ndaa bo fɔnwoo ne abo. Sela

Mateo 23:37

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ pee yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Marko 13:31

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Deuteronomi 32:11

Kyɛbɔ kɔleɛ si bɔ ye saen nwo waen, ná otu faafaa wɔ ye mma so, ná ɔtrɛtrɛ ye ndaa nu sesa bɛ, ná ɔsoa bɛ wɔ ye ndaa so ne,

Tito 1:2

daa ngoa nwo anyelasoɛ nu, ngoa bɔ Ɛdangama Nyameɛ bɔ ɔmbɛ ngondombo ne ɔfa hyɛle bɔ koraka yeɛ ɔbɔ aleɛ ɔ;

Rutu 2:12

Bɔ ayɔ ye, mesrɛ kyɛ AWURADE ɔma wɔ ye nwo akatuaa. AWURADE Yisrael Nyameɛ, bɔ aabɔ wɔ nwo adwaa wɔ ye ndaa bo ne, mesrɛ kyɛ ɔma wɔ akatuaa mmorosoɛ.”