Edwein 91:1 - AHYERƐLƐ KRONGRON

¹ Sona bɔ ɔtena Anwuro Anwuroniɛ n’afealeɛ nu, bɔ yeɛ ɔtena Tuminiɛ ne, ye fɔnwoo ne anu ne,

Edwein 91:1 Iomraidhean Croise

Edwein 121:5

AWURADE yeɛ ɔte wɔ neafoɛ ɔ; AWURADE yeɛ ɔte wɔ fɔnwoo ɔ, wɔ wɔ sa famaa so.

Edwein 17:8

Bɔ me nwo waen kyɛ sona nye kyiremvua; fa me fea wɔ ndaa ne abo fɔnwoo ne anu.

Edwein 25:13

Ye kra kɔtena asomdwee nu, na ye boso ama konya aseɛ ne maa ɔkɔyɛ b’agyapadeɛ.

Edwein 27:5

Ofikyɛ ɔfa me sie ye afealeɛ ne anu wɔ amaneɛnwunɛ mmerɛ nu; ɔfa me fea ye tena sua afealeɛ ne anu, na ɔfa me gyina nyɔbotaen so.

Edwein 31:20

Wɔ natelɛ bɔ ɛne bɛ nate ne, ɔbɔ bɛ nwo waen fi mmenia bɛ porɛ bɔ babɔ ɔ nwo; ɛfa wɔ ndaa butu bɛ so ede bɛ fi ngɔngɔnzaafoɛ sa nu.

Edwein 32:7

Wɔ yeɛ ɛte m’afealeɛ ɔ, wɔ yeɛ ɛbɔ me nwo waen fi amaneɛ nu ɔ; ɛfa wɔ ngoalelɛ dwein ɛpɛ me nwo yia. Sela

Edwein 36:7

Ao Nyameɛ, wɔ ɔdɔ bɔ onni ngasi ne, kyɛbɔ ye nwo osi le mvasoɛ ɔ! Na adasa mmaa bɛnwati bɛbafea wɔ ndaa ne abo fɔnwoo ne anu.

Edwein 52:8

Nakoso me de, nde kyɛ olive bakaa monɛ wɔ Nyameɛ awuro; me wora wura Nyameɛ ɔdɔ bɔ onni ngasi ne anu afebɔɔ.

Edwein 57:1

Nwu me anwumvoin, ao Nyameɛ, nwu me anwumvoin, ofikyɛ wɔ nu yeɛ me kra nwati bafea ɔ; wɔ ndaa ne abo fɔnwoo ne anu yeɛ menwati mebafea ɔ, kɔpem kyɛ asetena nu mvrama piri ne abo kɔpɛ nu kɔhɔ ɔ.

Edwein 90:1

AWURADE, wɔ yeɛ ɛte y’afealeɛ wɔ aworɛ ndoatoasoɛ amukoraa nu ɔ.

Edwein Nu Dwein 2:3

Kyɛbɔ aprɛ te wɔ eburo mmakaa mɔ nu ne, sɔ ala yeɛ me kurofoɛ ne ɔte wɔ mmerandeɛ mɔ nu ɔ. Ndenane ye bo fɔnwoo ne anu wɔ anika nu, na ye mma ne, wabie wagua me gye abo.

Yesaya 25:4

Ofikyɛ ɛte bɛ bɔ bɛyɛ anwumvo ɔ b’anwoserɛ afealeɛ, ehiafoɛ b’anwoserɛ afealeɛ wɔ b’anwokyere nu, afealeɛ wɔ mvrama piri nu, ɔne nekaa fɔnwoo wɔ eyia gyireingyirein nu, ofikyɛ atianuserɛfoɛ b’anyandimlilɛ ne, ɔte kyɛ mvrama bɔ otu kofĩ fasue ɔ,

Yesaya 32:2

Bɛ nu biala kɔyɛ kyɛ afealeɛ bɔ mvrama tu a sona fea nu ɔ, nekaa bɔ mvrama piri tu a sona bɔ ye nwo waen ɔ, kyɛ aseɛ wosee so asue bɔ ɔtengyɛ ɔ, kyɛ aseɛ pralaa so nyɔbotaen piri bo fɔnwoo ne.

Yesaya 8:14

Ɔkɔyɛ nekaa krongron, sundidua nyɔboɛ, ɔne nyɔbotaen bɔ ɔmaa besoti ɔ kɔma Yisrael abusua nyɔ ne, na ɔkɔyɛ atodum ne ngaen kɔma Yerusalemfoɛ.

Awuye 4:20

Yɛ ngoa nwomeɛ, bɔ yeɛ ole bɔ AWURADE apopa ye ngoo ne, bɛhyele ye wɔ bɛ kumaa nemɔ anu. Ye yeɛ yɛhã yɛfale ye nwo kyɛ, “Ye fɔnwoo ne abo, yeɛ yɛkɔtena wɔ Amaenmaensofoɛ nemɔ anu ɔ.”

Hesekiel 11:16

Yiti kã kyɛ, ‘AWURADE Nyameɛ nwa nyoo: Ɔwɔ nu kyɛ nzesale bɛ ngɔle maen maen mɔ so dedeede de, yeɛ ndole bɛ mbetene aseɛ mɔ so de, nakoso nde nekaa krongron mema bɛ wɔ mmerɛ kãa bie, wɔ aseɛ mɔ bɔ bɛhɔle so nemɔ aso.

Maenbulɛfoɛ 9:15

Yeɛ ɛfone buale mmakaa nemɔ kyɛ, ‘Sɛ ɛmɔ kunu fitaa yeɛ ɛmɔpopa me ngoo bɛfa me bedi ɛmɔ so hene ne a, ye de ɛmɔbra bɛɛfea me nyaa abo fɔnwoo ne anu. Nakoso sɛ nna ɛmɔ kunu fitaa de a, ye de see ófi ɛfone nu, ná ɔɔyera Lebanon sida mmakaa nemɔ.’