Edwein 90:8 - AHYERƐLƐ KRONGRON

⁸ Afa y’amumuyɛɛ agua wɔ nyunu, na afa yɛ mvealeɛ nu bɔne awa wɔ nyunu hyireinn ne anu.

Edwein 90:8 Iomraidhean Croise

YOB NWOMAA NE 10:14

Ɛtetɛ me nea sɛ aso ngɔyɔ bɔne a, na ɛngɔfa me nwo ngɔhyɛ me wɔ me mvomsoɛ nwo.

YOB NWOMAA NE 34:21

“Ofikyɛ ye nye li sona atee bɔ ɔnate so ɔ si, na onwu ye agyirɛ bɔ otu amukoraa.

Edwein 10:11

Ɔka ye wɔ ye ti anu kyɛ, “Nyameɛ wora afi, wafa ye nyunu wafea, na ongonwu ye le.”

Edwein 109:15

Bɛ bɔne ne, ɔ́tena AWURADE nyunu daa, na bɛ boso ngayeɛ okyikyi fi aseɛ ye aso.

Edwein 19:12

Nwa yeɛ ye nye kora ba ye nwo so wɔ ye bɔbɔ ye mvomsoɛ nwo ɔ? Me mvomsoɛ bɔ wafea me ne, fa kyɛ me.

Edwein 50:21

Ɛyɔle sɔ nningyein nemɔ bɔ mandɛ wɔ so ne ati, ɛdwene kyɛ nde kyɛ wɔ ala. Na afei de, mekã wɔ nyunu ná mebɔ wɔ kwaadu.

Edwein 80:16

Bafa see bayera ye, bapɛ bato ase; sɛ wɔ nye boro bɛ so a, bewuwu!

Anyandera 5:21

Ofikyɛ bɔ sona yɔ ne, ɔla AWURADE nyunu, na ɔneanea ye atee bɔ ɔnate so amukoraa nu.

Nworɛ Dwirɛhanɛniɛ 12:14

Ɔnate kyɛ, Nyameɛ kobua yɔleɛ biala nwo ndɛen, bɔ yayɔ ye mvealeɛ nu boka so, kyɛ paa oo, kyɛ tɛɛ oo, okobua ye nwo ndɛen.

Yeremia 16:17

Ofikyɛ me nye tua bɛ yɔleɛ amukoraa. Bɛmvea wɔ me nyunu, yeɛ b’amumuyɛɛ koso, so ɔngata wɔ me nye so.

Yeremia 2:22

Ɔwɔ nu kyɛ ɛfa kondu bia, bɔ saminaen pee boka so ɔ, nakoso w’amumuyɛɛ te ngekalewa wɔ me nye so, AWURADE Nyameɛ noa dwirɛ ɛne.

Yeremia 23:24

Aso ebie kɔhora kɔfea wɔ mvealeɛ nu bɔ mengonwu ye ɔ? AWURADE noa dwirɛ ɛne. Aso menyi nyameɛso ne aseɛ so tɛkyɛ anaa? AWURADE noa dwirɛ ɛne.

Hesekiel 8:12

Afei obisale me kyɛ, “Sona awa, yeɛ anwu bɔ Yisrael awuro ama mbanyi bɛ́yɔ ye wɔ awosii nu ne, bɔ ebiala ɔwɔ ye sua bɔ ɔsɔne mmosoen mɔ nu nu ɔ? Ofikyɛ bɛnwa: ‘AWURADE nnwu yɛ, AWURADE apo aseɛ ne.’ ”

Lewitikɔso 4:23

ná sɛ bɛfa bɔne bɔ yeɛ wayɔ ne bɛto ye nyunu a, ɔsɛ kyɛ ɔfa abɔngye nyii bɔ ollili nnɛen biala ɔ ɔbabɔ afɔleɛ.

Lewitikɔso 4:28

ná sɛ bɛfa bɔne bɔ yeɛ wayɔ ne bɛto ye nyunu a, ɔsɛ kyɛ ɔfa abɔngye beleɛ bɔ ollili nnɛen biala ɔ ɔbabɔ afɔleɛ, ɔnate bɔne bɔ wayɔ ne ati.

Romanfoɛ 2:16

Yiti kyɛbɔ me nzɛmba ne okyire ne, sɔ kyẽa ne, Nyameɛ kɔfa Yesu Kristo so kobua sona biala ye mvealeɛ nu dwirɛ nwo ndɛen ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

1 Yohane 3:20

sɛ yɛ tiboa bua yɛ foɛ a, Nyameɛ te piri tra yɛ tiboa, na ɔse nikyee biala.

Nyekyire 20:12

Na nwuni awufoɛ, kwahweabaa mɔ ne atitire kyɛ begyigyi ahennie bia ne nyunu. Bebukyebukyele nwomaa nemɔ anu, besa bebukyele nwomaa foforɛ bie bɔ ɔte ngoa nwomaa ne anu. Na begyinane edwirɛ bɔ bahyerɛ ye wɔ nwomaa nemɔ anu so bebuale awufoɛ ndɛen, kyɛbɔ bɛ nnwumaa te ɔ.