Edwein 90:10 - AHYERƐLƐ KRONGRON

¹⁰ Ngyẽa bɔ yɛdi ye aseɛ ye aso te afoɛ aburasoo, anaa sɛ anwoserɛ wɔ nu po a, ɔte afoɛ aburawɔtwɛ, na ɛhene po, nu fɛɛ ne amaneɛ! Ɔngyɛ né wapɛ nu, ná yatu yamini.

Edwein 90:10 Iomraidhean Croise

Gyenesise 47:9

Yakob buale Faro kyɛ, “Mahyini aseɛ ye aso afoɛ ɛyaa ko ne aburasa; m’afoɛ ne anzo pee, ye somaa ndwu afoɛ bɔ me nana mɔ lili ɔ, nakoso ɛfɛɛ wɔ nu paa.”

Gyenesise 6:3

Na AWURADE hane kyɛ, “Me sunzum ngɔtena kuro sona nu afebɔɔ, ofikyɛ ɔte anwoɔnaen, ye afoɛ mukoraa bɔ okoli ɔ kɔyɛ ɛyaa ko ne aburanyɔ.”

2 Samuel 19:35

Kekesaala ye, mali afoɛ aburawɔtwɛ. Nikyee bɔ ɔyɛ nyemene ne, ɔne bɔ ɔnyɛ nyemene ne, mennwu nu nzonzoleɛ ko. Aleɛ ne anonneɛ mɔ nyɛ me fɛ ko. Yeɛ sɛ mmenia bɛto dwein a, mende ye yé. Yiti Nana, me mene, nzu ati yeɛ ɔsɛ kyɛ wɔ somvoɛ meyɛ wɔ so tɔsom ɔ?

2 Samuel 19:36

Nana, wɔ somvoɛ, me ne wɔ yɛkɔpɛ asue ne yɛkɔhɔ ye si dɔ kãa. Nana, nzu ati yeɛ ɛbɔ me aba so sɔa ɔ?

1 Ahemvo 1:1

Nana Dawide nyini paa yɛle aworowaa. Ɔwɔ nu kyɛ bɛfale ɛtena begurɔle ye nwo de, nakoso né ɛyerɛ tɛ ku ye.

YOB NWOMAA NE 14:10

Nakoso dasaniɛ de, owu a, ɔda berɛ bɔ ɔngekã ye nwo ɔ, sɛ sona ka nu a, né ɔwɔ nisua?

YOB NWOMAA NE 20:8

Okotu komini kyɛ laleɛ, bengonwu ye ko; ye boso komini kyɛ kɔngɔen nyekyire.

YOB NWOMAA NE 24:24

Benya ngɔsoɛ, nakoso ɔngyɛ né bɛnne berɛ ko, bɛkese, na betwindwam kyɛ ngyɛngyɛma, na bɛpɛ bɛ begua kyɛ aburoo.

YOB NWOMAA NE 5:7

Na mmom, bɛwo sona bɛto amaneɛ nu, kyɛbɔ kobogya tu kɔ anwuro ne ala.

Edwein 78:39

Ɔkayele kyɛ bɛte kuro mmenia, bɛte kyɛ mvrama bɔ ɔpɛ nu kɔ bɔ onza mma ko ɔ.

Yesaya 38:12

Batutu m’atenaleɛ ne abo bafi me nwo bahɔ, kyɛ mmoaenneafoɛ ɛtena sua; kyɛbɔ sona bɔ ɔnwo ɛtena ɔ ɔyɔ ne, sɔ ala yeɛ mabobɔ me ngoa o; wate me wafi bakaa bɔ bɛnwo ɛtena wɔ so ne anwo; na ɛma me ngoa ohi fi alehyeleɛ kodwu alesaleɛ.

Lewitikɔso 27:7

Na sɛ sona ne ali afoɛ aburasia bɔ ɔkɔ ne a, bienzua ti nyɔboɛ te sekel buru ne nnu, yeɛ brasua deɛ te sekel buru.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

Deuteronomi 34:7

Mose lili afoɛ ɛyaa ko ne aburanyɔ yeɛ owuli ɔ. Ye nye anyɛ ye wusiwusi, yeɛ ye anwoserɛ so ande.

Yakobo 4:14

Nakoso ɛmɔnze bɔ okosi ɛhema ɔ. Ɛmɔ ngoa te nzu? Ofikyɛ ɔte etutue bɔ ɔba mmerɛ kãa bie, ná afei watu wamini ɔ.

Yosua 14:11

Na kyẽa bɔ Mose somane me ne, kyɛbɔ né me nwo si yɛ se ne, sɔ ala yeɛ kekesaala ye me nwo tɛ yɛ se ɔ. M’anwoserɛ tɛ tua me, bɔ ngɔhora ngɔhɔ koɛ, ná mali akɔneaba ɔ.