Edwein 9:7 - AHYERƐLƐ KRONGRON

⁷ Nakoso AWURADE de, ɔte ye ahennie bia so afebɔɔ, na wafa ye ahennie bia wasie berɛ bɔ obua ndɛen ɔ.

Edwein 9:7 Iomraidhean Croise

Edwein 102:12

Nakoso, ao AWURADE, ɛte w’ahennie bia so afebɔɔ; wɔ dumaa timu berɛ daa wɔ aworɛ ndoatoasoɛ amukoraa nu.

Edwein 103:19

AWURADE afa ye ahennie bia watimu anwuro, na ye ahennie di nikyee biala so.

Edwein 89:14

Tenenee ne ndɛenbualɛ turoloo te w’ahennie bia nyinasoɛ; ɔdɔ bɔ onni ngasi ɔne nahorɛlilɛ beli wɔ nyunu.

Edwein 90:2

Anzana ɛbaabɔ mmokaa mɔ ne, anaa ɛbaahyehyɛ aseɛ ne wiase ne, ofi tete bɔ ɔkwaadwu afebɔɔ, ɛte Nyameɛ.

Hebrifoɛ 13:8

Kyɛbɔ Yesu Kristo te anoma nen, sɔ ala yeɛ ɔte ɛnɛ, ɔne afebɔɔ ɔ.

2 Petro 3:8

Nakoso aliɛmaa mɔ, nnɛmɔma ɛmɔ wora fi sɔ dwirɛ he, kyɛ, ɛlɛho te kyɛ afoɛ apee wɔ Awurade nye so, yeɛ afoɛ apee te kyɛ ɛlɛho wɔ ye nye so.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.