Edwein 9:2 - AHYERƐLƐ KRONGRON

² Ɔnate wɔ ti ngɔma me nye kɔgye, ná mali ahurusi; ao, Anwuro Anwuro Nyameɛ, ngɔto wɔ dumaa nwo ayɛyelɛ dwein.

Edwein 9:2 Iomraidhean Croise

Edwein 138:1

Ao AWURADE, ngɔfa m’ahone amukoraa ngɔla wɔ ase; nyameɛ mɔ anyunu yeɛ meto wɔ nwo ayɛyelɛ dwein ɔ.

Edwein 26:7

metea nu meto asennaa dwein, na mebɔ w’anwanwadeɛ amukoraa nwo dawure.

Edwein 27:6

Afei ɔmaa medi ngonim wɔ me pɔfoɛ mɔ bɔ bapɛ me nwo bayia ɔ so, ná ngɔfa esebɔlɛ ngɔbɔ afɔleɛ wɔ ye tena sua ne anu. Ngɔto anigye dwein ngɔye AWURADE ayɛ.

Edwein 28:7

AWURADE te m’anwoserɛ ne m’akokyɛm, ye yeɛ me nye la ye so ɔ; yiti ɔboka me, na me nye gye. Ngɔfa me dweintolɛ ngɔla ye ase.

Edwein 43:4

Na ngɔhɔ Nyameɛ afɔleɛ bokyea ne anwo, ngɔhɔ Nyameɛ bɔ ɔte m’anigye mmorosoɛ ne berɛ; ao Nyameɛ, me Nyameɛ, ngɔbɔ sangoo ngɔye wɔ ayɛ.

Edwein 5:11

Nakoso ebiala bɔ ɔbafea wɔ nu ne de, ma ye nye gye; maa bɛfa anigye bɛto dwein daa. Bɔ bɛ nwo waen, amaa ɔnate so bɛ bɔ bɛ nye gye wɔ dumaa nwo ne, banya wɔ nu anigye.

Edwein 7:17

AWURADE tengyɛ, yiti ngɔfa asennaa bɔ ɔfata ye ɔ ngɔma ye, na AWURADE bɔ ɔwɔ anwuro anwuro ne, ngɔto dwein ngɔye ye dumaa ayɛ.

Edwein 83:18

Maa benwu kyɛ wɔ bɔ wɔ ngome yeɛ wɔ dumaa ole AWURADE ne, wɔ yeɛ ɛte Anwuro Anwuro hene bɔ edi aseɛ amukoraa so ɔ.

Edwein 86:12

Ao AWURADE me Nyameɛ, ngɔfa m’ahone amukoraa ngɔye wɔ ayɛ, na ngɔhyɛ wɔ dumaa animnyam afebɔɔ.

Edwein 92:1

Ɔte paa kyɛ bɛkɔfa asennaa bɛkɔma AWURADE ɔ, kyɛ bɛkɔto wɔ dumaa nwo ayɛyelɛ dwein ɔ, ao Anwuro Anwuroniɛ;

Edwein 92:4

Ofikyɛ wɔ AWURADE, ɛnate bɔ ayɔ ɔ so ɛma me nye agye; medi ahurusi meto wɔ sa noa adwuma ne anwo dwein.

Edwein 96:3

Ɛ́mɔbɔ ye animnyam nwo dawure wɔ maen maen mɔ so; ɛ́mɔbɔ ye anwanwadeɛ nwo dawure wɔ maen maen amukoraa so.

Edwein 97:12

Ao ɛmɔ, teneneefoɛ, ɛmɔli ahurusi wɔ AWURADE nu, ná ɛ́mɔkaye ye krongronyɛlɛ wɔ mmerɛ bɔ ɛmɔfa ye asennaa bɛma ye ɔ!

Edwein 97:9

Ofikyɛ AWURADE, wɔ yeɛ ɛte Anwuro Anwuroniɛ paa wɔ aseɛ amukoraa so ɔ; ɛte totohyia tra nyameɛ mɔ amukoraa.

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Filipifoɛ 4:4

Ɛ́mɔma ɛmɔ nye gye wɔ Awurade nu daa. Mesi so bieku kyɛ, ɛ́mɔma ɛmɔ nye gye!