Edwein 9:19 - AHYERƐLƐ KRONGRON

¹⁹ Ao AWURADE, dwɔso e, nnɛma adasa di ngonim; bua maen maen mɔ ndɛen wɔ wɔ nyunu.

Edwein 9:19 Iomraidhean Croise

Gyenesise 32:28

Na osele Yakob kyɛ, “Bɛngɔfrɛ wɔ Yakob ko, na mmom Yisrael, ofikyɛ ɛne Nyameɛ ne mmenia apereapereɛ so, na ali ngonim.”

2 Aberɛso Dwirɛ 14:11

Asa sũ frɛle AWURADE ye Nyameɛ kyɛ, “Ao AWURADE, ɛkora boka sona bɔ ye nwo yɛ se, yeɛ ɛkora boka bɔ ye nwo nyɛ se koso ɔ. Ao AWURADE yɛ Nyameɛ, boka yɛ, ofikyɛ yafa yɛ nwo yato wɔ so, na wɔ dumaa nu yeɛ yɛfa koɛ yɛkɔtoa ɛlɔen he ɔ. Ao AWURADE, wɔ yeɛ ɛte yɛ Nyameɛ ɔ. Nnɛma dasaniɛ biala di wɔ so ngonim.”

Edwein 10:12

Ao AWURADE, dwɔso e! Ao Nyameɛ, kyire wɔ tumi! Nnɛma wɔ wora fi sona bɔ onwu amaneɛ ɔ.

Edwein 149:7

bɔ bɛkɔfa bɛkɔtɔ amaen maen mɔ so wereɛ, bɔ bɛkɔfa bɛkɔhwe amaen maen mɔ bɛ so,

Edwein 3:7

Ao AWURADE, dwɔso e! Pepɛ de me, ao me Nyameɛ! Ofikyɛ wɔ yeɛ ebubu me pɔfoɛ amukoraa b’awogyee, ná ebubu amumuyɛɛfoɛ bɛ gye ɔ.

Edwein 44:23

Ao AWURADE, tingye! Nzu ati yeɛ ɛda e? Dwɔso, na nnɛgyi yɛ to afebɔɔ!

Edwein 44:26

Dwɔso ná baaboka yɛ. Wɔ ɔdɔ bɔ onni ngasi ne ati, pepɛ de yɛ.

Edwein 7:6

Ao AWURADE, fɛ yaa ná dwɔso e; kekã wɔ nwo dwɔso tia me pɔfoɛ mɔ b’ɛyaafɛlɛ; ao me Nyameɛ, dwɔso gyina me si, wɔ bɔ ahyehyɛ ndɛenbualɛ ato berɛ ɔ’.

Edwein 79:6

Amaen maen mɔ bɔ bɛnze wɔ ne, bɛ ne ahennie mɔ bɔ bɛmmɔ wɔ dumaa ne, ma w’ahone hu bɛ so paa.

Edwein 80:2

wɔ Efraim, Benyamin ne Manase so. Kyire wɔ tumi, ná bra baapepɛ de yɛ!

Yesaya 51:9

O AWURADE tumi, kanyane wɔ nwo, kanyane wɔ nwo, kyire w’anwoserɛ! Kanyane wɔ nwo kyɛbɔ ɛyɔle ye daa daa ne, kyɛbɔ ɛyɔle ye daa tetetete aworɛ ndoatoasoɛ nu ne. Aso nna wɔ yeɛ ɛpepɛle Rahabo nu ahuronzi ahuronzi ná ɛfale nikyee sinane ɛpo nu sasrabɔnzam ne ɔ?

Yeremia 10:25

Maen maen bɔ benze wɔ ne, ɔne mmenia bɔ bɛmmɔ wɔ dumaa bɛnzɔne wɔ ne, ma wɔ yaa piri ne ɔbra bɛ so, ofikyɛ bahu Yakob batete ye nu pasapasa; bannua ye boso, na bakakyi ye atenaleɛ kurofoen.

Yoel 3:12

Odi kyɛ maen maen mɔ bɛkanyane bɛ nwo bɛba Yehosafate bɔnza ne anu, ofikyɛ berɛ yeɛ ngɔtena ngobua maen maen amukoraa bɔ bapɛ ye nwo bayia ne ndɛen ɔ.

Mika 5:15

Na maen maen mɔ bɔ banyɛ sotie bamma me ne, nne ɛyaa ne ahonehulɛ ngɔtɔ bɛ so wereɛ.

Sefania 3:8

“Yiti odi kyɛ ɛmɔnea me ate maa okodwu kyẽa bɔ ngodwɔso ngɔɔbɔ kwaadu ne, ofikyɛ ɔte me nhyehyɛleɛ kyɛ ngɔboaboa maen maen mɔ noa, kyɛ ngɔboaboa ahennie mɔ noa, ná ngɔma me yaafɛlɛ ne m’ahonehulɛ amukoraa kɔwa bɛ so ɔ; ofikyɛ me nungunɛ see ne, ɔkɔyera aseɛ amukoraa motoo,” AWURADE noa dwirɛ ɛne.

Sakaria 14:18

Na sɛ Misraim abusua wammanzɔne a, ye de ɔngɔtɔ ngɔma bɛ; na maen maen bɔ bɛmma nni Asese aluolue nen, ɛhawo bɔ AWURADE kɔprapra kogua bɛ so nen, sɔ hawo ne ala yeɛ ɔkɔto bɛ ɔ.

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.

1 Samuel 2:9

Ɔbɔ ye anwoteefoɛ nwo waen wɔ atee biala so, nakoso amumuyɛɛfoɛ de, bewuwu aworabɔlɛ wue; ofikyɛ nna anwoserɛ yeɛ sona fa di ngonim ɔ.