Edwein 9:14 - AHYERƐLƐ KRONGRON

¹⁴ amaa ɔnate so mabɔ w’ayɛyelɛ amukoraa nwo dawure. Na ɔnate elelɛ bɔ ale me ne ati, ngoli ahurusi wɔ Sion awa brasua pambim ne anu.

Edwein 9:14 Iomraidhean Croise

Edwein 106:2

Nwa yeɛ ɔkɔhora kɔhã AWURADE nnwumaa mbiri mbiri ne ɔ, anaa ɔkɔhora kɔbɔ ye ayɛyelɛ amukoraa nwo dawure ɔ?

Edwein 13:5

Na me de, mafa me nwo mato wɔ ɔdɔ bɔ onni ngasi ne aso; na wɔ ngoalelɛ ne, ngoli ahurusi wɔ nu.

Edwein 20:5

Maa yɛfa ahurusililɛ yɛbɔ wɔ ngoalelɛ nwo ese, ná yɛpagya yɛ frangaa wɔ yɛ Nyameɛ dumaa nu. AWURADE ɔ́yɔ w’abisadeɛ amukoraa ɔ́ma wɔ.

Edwein 21:1

Ao AWURADE, w’anwoserɛ ne ati ɛhene ne nye gye; na wɔ ngoalelɛ ne ati, nea kyɛbɔ osi di ahurusi paa ɔ!

Edwein 22:22

Ngɔbɔ wɔ dumaa ngohyire nniɛma mɔ; ngɔye wɔ ayɛ wɔ badwa nu.

Edwein 22:25

Wɔ yeɛ ɛmaa mekora meye wɔ ayɛ wɔ badwa kandinga nu ɔ, na bɛ bɔ besuro wɔ ne, bɛ nyunu yeɛ ngotua m’aboadeɛ ɔ.

Edwein 35:18

Na afei ngɔla wɔ ase wɔ badwa kandinga ne anu; ngɔye wɔ ayɛ wɔ ɛlɔen kandinga ne anyunu.

Edwein 35:9

Na afei, me kra koli ahurusi wɔ AWURADE nu, ná wama ye nwo asande ye wɔ AWURADE ngoalelɛ nu.

Edwein 42:4

Mekaye sɔ dwirɛ hemɔ a, né me kra wora abɔ: kyɛbɔ me ne ɛlɔen ne yɛhɔle, ɛlɔen kandinga bɔ bedi aluolue ne, bɔ nne esebɔlɛ ne asennaa dwein, nnili folii ne nyunu ngɔle Nyameɛ awuro ne.

Edwein 51:12

Wɔ ngoalelɛ nu anigye ne, sa fa ma me, ná fa sotie sunzum tira me nu.

Edwein 51:15

Ao AWURADE, bukye me noa, na ngɔfa me noa ngɔbɔ dawure ngɔye wɔ ayɛ.

Edwein 6:3

Me kra afokyɛ, na ao AWURADE, ɔkwaadwu kyinzu?

Edwein 75:9

Nakoso me de, ngɔbɔ ye nwo dawure afebɔɔ; ngɔto Yakob Nyameɛ ayɛyelɛ dwein.

Edwein 79:13

Na ɔnate so yɛ bɔ yɛte wɔ maen, mmoaen bɔ yɛdidi wɔ sa nu ne, yɛkɔla wɔ ase afebɔɔ; ofi aworɛ ndoatoasoɛ kɔka aworɛ ndoatoasoɛ, yɛkɔhɔ so yɛkɔye wɔ ayɛ.

Ɛksadɔso 3:7

Na AWURADE hane kyɛ, “Me mmenia bɔ bɛwɔ Misraim ne, manwu b’amaneɛnwunɛ ne, na mate awuye bɔ b’adwuma so mbanyi mɔ maa bɛbɔ ne. Manwu b’amaneɛnwunɛ ne.

Ɛksadɔso 3:9

Afei de, awuye bɔ Yisraelfoɛ bɛbɔ ne wadwu me nyunu, na manwu ɛhyɛlɛ bɔ Misraimfoɛ bɛhyɛ bɛ ne.

Yesaya 12:3

Ɛmɔkɔfa anigye yeɛ bɛkɔto nzue bekofi ngoalelɛ abura mɔ nu ɔ.

Yesaya 37:22

edwirɛ bɔ AWURADE ahã afa ye nwo ɛhe: “ ‘Sion awa brasua ababunu ne, obu wɔ animtia, yeɛ ɔgoro wɔ nwo; Yerusalem awa brasua ne, ɔsere wɔ ɔbɔ wɔ tutue odi wɔ si.

Yesaya 62:11

Ɛ́mɔtie, AWURADE abɔ ye dawure maa waadwu aseɛ so nekaa biala. Ɔnwa nyoo, “Ɛmɔhã behyire Sion awa brasua ne kyɛ, ‘Tie, wɔ ngoalelɛ ne ɔ́ba, tie, ye ngonim akatuaa ne boka ye so, na ye akatuaa ne li ye nyunu.’”

Mika 4:13

Ao Sion awa brasua, dwɔso ná boro, ofikyɛ wɔ mmɛen ne, ngɔyɛ ye buralɛ, yeɛ ngɔyɛ wɔ gya mmaboa ne koso kɔɔbere, na ɛkɔfa kɔsɛkye maen pee pasapasa. Ngotu b’anwonyadeɛ ngosie berɛ ngɔma AWURADE, yeɛ ngotu b’agyapadeɛ ngosie berɛ ngɔma aseɛ amukoraa Mene ne.

Habakuku 3:18

nakoso me de, ngoli ahurusi wɔ AWURADE nu. Ngɔma me nye kɔgye wɔ me ngoadefoɛ Nyameɛ nu.

Luka 1:47

na me sunzum di ahurusi wɔ me Ngoadefoɛ Nyameɛ nu;

1 Samuel 2:1

Afei Hana bɔle mbaeɛ kyɛ, “Me wora akyekye wɔ AWURADE nu; AWURADE nu yeɛ m’anwoserɛ wɔ ɔ. Mesere me pɔfoɛ mɔ, me nye gye, ofikyɛ ali ngonim ama me.