Edwein 9:12 - AHYERƐLƐ KRONGRON

¹² Ofikyɛ ye bɔ ɔtɔ mogya so wereɛ ne, ɔkaye bɛ bɔ bɛwɔ amaneɛ nu ɔ, na ɔmma ye wora mvi bɛ sufrɛ.

Edwein 9:12 Iomraidhean Croise

Gyenesise 9:5

Wɔ bɔbɔ deinn wɔ mogya bɔ ɔte wɔ ngoa ne, ekobu ye nwo ngondaa. Kaka biala ne sona biala kobu ye mogya nwo ngondaa. Na sona biala bɔ ɔkɔha obiɛngo mogya kogua ne, ngobisa mogya ne ngofi ye berɛ.

2 Ahemvo 24:4

ɔne mogya bɔ odi be bɔ ɔhã guale ne ati. Ofikyɛ ɔhane mogya bɔ odi be ɔ guale wɔ Yerusalem nu amukoraa, na né AWURADE ayɛ ye adwene kyɛ ɔngɔfa sɔ bɔne ne ngɔhyɛ.

Edwein 10:14

Nakoso enwu ye. Amba, wɔ nye tua amaneɛ ne aworabɔlɛ bɔ ɔba ɔ, maa yiti ɛkɔhwe ye so wɔ ye nwo. Sona bɔ ɔyɛ anwumvo ne, ɔfa ye nwo wura wɔ sa; wɔ yeɛ ɛte ayisiaaniɛ bokafoɛ ɔ.

Edwein 10:17

Ao AWURADE, etie anwobrɛaseɛniɛ ye abisadeɛ; ɛhyɛ ye nguraen, etie ye sufrɛ,

Edwein 102:17

Okotie sona bɔ olle bie ɔ ye mbaeɛ, ná ɔngɔpo bɛ mbaeɛ.

Edwein 132:13

Ofikyɛ AWURADE aneanea nu waye Sion; wahuro kyɛ ɔkɔfa berɛ kɔyɛ ye atenaleɛ:

Edwein 22:24

Ofikyɛ amaneɛnwunɛniɛ ne, ye amaneɛ ne, wammu ye nye wangua so, yeɛ wanye ye nye wamvea ye, na mmom osũ frɛle ye ne, otiele ye sufrɛ.

Edwein 34:6

Sɔ anwumvoinniɛ he, osuni, na AWURADE tiele ye sufrɛ, ná ɔpepɛ lele ye fili ye amaneɛ amukoraa nu.

Edwein 68:17

Nyameɛ ye teaseɛnam mɔ bɛte apee aburanyɔ sɔ alaa buburugyaa, AWURADE boka bɛ so, kyɛbɔ ɔboka bɛ so wɔ Sinai, nekaa krongron berɛ ne.

Edwein 74:2

Kaye wɔ mmenia bɔ ɛtɔle bɛ tetetete ne, bɛ bɔ ɛpɔle bɛ fale bɛ yɛle abusua kure bɔ ɔte w’agyapadeɛ ne. Kaye Sion bokaa bɔ aatena so ne.

Edwein 76:3

Berɛ yeɛ obubuli agyaen bɔ bɛte see yerɛmyerɛm, akokyɛm mɔ, ngrandɛ ne akodeɛ mɔ nu ɔ. Sela

Ɛksadɔso 3:7

Na AWURADE hane kyɛ, “Me mmenia bɔ bɛwɔ Misraim ne, manwu b’amaneɛnwunɛ ne, na mate awuye bɔ b’adwuma so mbanyi mɔ maa bɛbɔ ne. Manwu b’amaneɛnwunɛ ne.

Ɛksadɔso 3:9

Afei de, awuye bɔ Yisraelfoɛ bɛbɔ ne wadwu me nyunu, na manwu ɛhyɛlɛ bɔ Misraimfoɛ bɛhyɛ bɛ ne.

Yesaya 26:21

Ofikyɛ AWURADE fi ye atenaleɛ berɛ ɔ́ba, kyɛ aseɛ so ama b’amumuyɛɛ ti ɔbaahwe bɛ so. Aseɛ kɔma mogya bɔ bahã bagua so ɔ nwo kɔla ali, na ɔngɔfa bɛ bɔ bahu bɛ wɔ so ne ngɔfea ko.

Yesaya 8:18

Ɛ́mɔtie, me ne me mma bɔ AWURADE afa bɛ ama me ne, yɛte sɛngyerɛnneɛ ne kɔkɔbɔlɛ bɔ ofi Asafo AWURADE bɔ ɔte Sion bokaa so ne berɛ yɛma Yisrael.

Mateo 23:35

Ye sɔ ne ati, mogya tenenee amukoraa bɔ bahwie bagua aseɛ so, ofi teneneeniɛ Abel mogya so kodwu Barakia awa Sakaria, bɔ ɛmɔhuni ye wɔ nekaa krongron berɛ ne afɔleɛ bokyea ne b’afia ne, bɛ mogya ne nwo asotwe kɔwa ɛmɔ so.

Nyekyire 16:6

Na ɔnate kyɛ bahwie anwoteefoɛ ne ngɔmhyɛlɛfoɛ mogya bagua ne ati, wɔ koso ama bɛ mogya maa bano, na bɔ ɔfata bɛ hɔ ɛne.”

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.