Edwein 9:1 - AHYERƐLƐ KRONGRON

¹ AWURADE, ngɔfa m’ahone amukoraa ngɔla wɔ ase; ngɔbɔ w’anwanwadeɛ amukoraa nwo dawure.

Edwein 9:1 Iomraidhean Croise

1 Aberɛso Dwirɛ 16:12

Ɛ́mɔkaye anwanwadeɛ mɔ bɔ wayɔ ne, ye nzɛngyerɛnneɛ mɔ ɔne ye ndɛen bɔ wabua ne.

1 Aberɛso Dwirɛ 16:24

Ɛ́mɔbɔ ye animnyam ne nwo dawure wɔ maen maen mɔ so. Ɛ́mɔbɔ ye anwanwadeɛ nwo dawure wɔ maen maen amukoraa so.

Edwein 106:2

Nwa yeɛ ɔkɔhora kɔhã AWURADE nnwumaa mbiri mbiri ne ɔ, anaa ɔkɔhora kɔbɔ ye ayɛyelɛ amukoraa nwo dawure ɔ?

Edwein 111:1

Ɛ́mɔye AWURADE ayɛ! Ngofi m’ahone nu amukoraa ngɔfa asennaa ngɔma AWURADE wɔ teneneefoɛ badwa nu, ɔne nyianu ne anu.

Edwein 138:1

Ao AWURADE, ngɔfa m’ahone amukoraa ngɔla wɔ ase; nyameɛ mɔ anyunu yeɛ meto wɔ nwo ayɛyelɛ dwein ɔ.

Edwein 26:7

metea nu meto asennaa dwein, na mebɔ w’anwanwadeɛ amukoraa nwo dawure.

Edwein 51:15

Ao AWURADE, bukye me noa, na ngɔfa me noa ngɔbɔ dawure ngɔye wɔ ayɛ.

Edwein 7:17

AWURADE tengyɛ, yiti ngɔfa asennaa bɔ ɔfata ye ɔ ngɔma ye, na AWURADE bɔ ɔwɔ anwuro anwuro ne, ngɔto dwein ngɔye ye dumaa ayɛ.

Edwein 86:12

Ao AWURADE me Nyameɛ, ngɔfa m’ahone amukoraa ngɔye wɔ ayɛ, na ngɔhyɛ wɔ dumaa animnyam afebɔɔ.

Edwein 9:14

amaa ɔnate so mabɔ w’ayɛyelɛ amukoraa nwo dawure. Na ɔnate elelɛ bɔ ale me ne ati, ngoli ahurusi wɔ Sion awa brasua pambim ne anu.

Yesaya 12:1

Sɔ kyẽa ne, ekose kyɛ, “O AWURADE, meda wɔ ase, ɔwɔ nu kyɛ ɛfɛle me so yaa, nakoso w’ahone tɔle nzue nu, na ɛkyekyele me wora.

Yesaya 43:21

maen he, mabɔ ye mama me nwo, kyɛ bɛ́bɔ me nwo ayɛyelɛ dawure.

Yesaya 60:6

Wɔ maen ne anu afupɔngɔ kɔyɛ pee, bɛte afupɔngɔ akrɔngrɔma bɔ befi Midian ne Efa; bɛ bɔ befi Hyeba ne amukoraa, bɛ́ba. Bɛsoso sikaa kɔkorɛ ne ɛyɛɛ bɛ́ba, bɔ bɛ́bɔ AWURADE ayɛyelɛ nwo dawure ɔ.

Luka 10:27

Yeɛ obuale kyɛ, “Fa w’ahone amukoraa ne wɔ kra amukoraa ne w’anwoserɛ amukoraa ne w’adwene amukoraa kuro Awurade wɔ Nyameɛ dwirɛ; ná kuro ebiɛngo dwirɛ kyɛ wɔ bɔbɔ wɔ nwo.”

Hebrifoɛ 13:15

Yiti mmerɛ biala ɛ́mɔma yɛ́fa ayɛyelɛ yɛyɛ afɔleɛ yɛfa Yesu so yɛma Nyameɛ, na ɛhe te yɛ noa afɔleɛ bɔ yɛfa yɛhyɛ ye dumaa animnyam ɔ.

Nyekyire 15:3

Né bɛto Nyameɛ akoaa Mose dwein ne Boaen Ba ne dwein kyɛ, “Tuminiɛ Awurade Nyameɛ, wɔ nnwumaa te mbiri mbri na ɔyɛ nwanwa. Maen maen mɔ Hene, w’atee tengyɛ, na ɔte nahorɛ.