Edwein 89:3 - AHYERƐLƐ KRONGRON

³ Me ne me sona bɔ maneanea nu maye ye ne yayɛ apam, mata ndaen mahyire me somvoɛ Dawide kyɛ,

Edwein 89:3 Iomraidhean Croise

2 Samuel 23:5

Aso nna sɔ yeɛ m’abusua ɔte wɔ Nyameɛ nyunu anaa? Ofikyɛ ɔne me ayɛ apam afebɔɔ, ɔte apam bɔ wahyehyɛ ye pɛpɛɛpɛ bɔ onni ngasi ɔ. Na m’anyelasoɛ amukoraa, ɔne bɔ mepena amukoraa, aso ɔngɔboka me ma me sa ngɔhã ye anaa?

2 Samuel 3:9

Nea, ndaen bɔ AWURADE ta hyirele Dawide nen, sɛ manyɔ sɔ ala mamma Dawide a, Nyameɛ otua me Abenɛ so kerɛ piri paa!

1 Ahemvo 8:16

‘Ofi kyẽa bɔ nyele me maen Yisrael mvili Misraim mmale ɔ, nnneane Yisrael mmusua kure ne biala anu nnyele kuro bɔ ngosi sua ngosie so ngɔma me dumaa kɔla so ɔ. Nakoso nneane nu nyele Dawide kyɛ oli me maen Yisrael so.’

Edwein 132:11

AWURADE tale ndaen kitii hyirele Dawide, bɔ ongoli ye nwo ngasi ɔ, kyɛ, “Wɔ bɔbɔ wɔ kunu mmaa nemɔ anu ko yeɛ ngɔmaa okoli wɔ bia ɔ.

Edwein 78:70

Ɔneaneane nu yele ye somvoɛ Dawide, ɔyele ye fili mmoaen so nealɛ nu,

Edwein 89:19

Mmerɛ bie, ɛnate nyekyire so dwudwo hyirele wɔ nahorɛniɛ ne kyɛ, “Mafa mmokalɛ mama ebie bɔ ye nwo yɛ se ɔ, na sona bɔ maneanea maen ne anu maye ye ne, mapagya ye.

Edwein 89:28

Ngɔye me ɔdɔ bɔ onni ngasi ne ali ngohyire ye afebɔɔ, na m’apam ne bo kotindim kɔma ye.

Edwein 89:39

W’apam bɔ ɛne wɔ somvoɛ bayɛ ne, afa ato ahameɛ, ye ahennie abotire ne, agyi ato ase agua ye nwo fiɛ.

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Yeremia 30:9

Na mmom bɛkɔso AWURADE bɛ Nyameɛ ne bɛ hene Dawide bɔ ngosiesie ye ngɔma bɛ ne.

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Asomafoɛ 2:30

Né ɔte ngɔmhyɛlɛniɛ, na né ɔse kyɛ Nyameɛ ata ndaen wahã wahyire ye kyɛ ɔkɔma ye bosofoɛ nemɔ ko koli ye bia.

Hebrifoɛ 7:21

na mmom ɛhe deɛ de, ɔtale ndaen hane kyɛ yoo: “Awurade ata ndaen, na ɔngɔkakyi ye adwene le, kyɛ, ‘Ɛte sɔfo afebɔɔ.’ ”

Maenbulɛfoɛ 2:1

Afei AWURADE abɔfo fili Gilgal hɔle Bokim oosele Yisraelfoɛ kyɛ, “Me yeɛ nyele ɛmɔ mvili Misraim, ná mvale ɛmɔ mmale aseɛ bɔ mva nhyɛle ɛmɔ nana mɔ bɔ ne aso ɔ. Ngane kyɛ, ‘Mengobu apam bɔ me ne ɛmɔ yayɛ ne aso le.