Edwein 86:9 - AHYERƐLƐ KRONGRON

⁹ Ao AWURADE, amaen maen amukoraa bɔ ɛyɔle ne, bɛkɔwa bɛkɔɔbɔ bɛ nu ase wɔ wɔ nyunu, ná bahyɛ wɔ dumaa animnyam.

Edwein 86:9 Iomraidhean Croise

2 Aberɛso Dwirɛ 6:33

ye de tie bɛ mbaeɛ wɔ nyameɛso, nekaa bɔ ɛte ne, na yɔ bɔ amanvrafoɛ nemɔ bɛkɔfa bɛkɔto wɔ nyunu amukoraati ma bɛ, amaa aseɛ ye aso mmenia amukoraa bate wɔ dumaa ne nga ná basuro wɔ, kyɛbɔ wɔ maen Yisrael besuro wɔ ne. Ɔnate ɛhe aso, bekonwu kyɛ wɔ dumaa yeɛ ɔla sua bɔ masi ye aso ɔ.

Edwein 102:15

Maen maen mɔ bekosuro wɔ dumaa ne, na aseɛ so ahemvo amukoraa bekosuro w’animnyam ne.

Edwein 102:18

Odi kyɛ bɛkyerɛ ɛhe bɛto berɛ bɛma aworɛ ndoatoasoɛ bɔ ɔbaawa ɔ, amaa ɔnate so mmenia bɔ bennya bɛwwole bɛ ne, baye AWURADE ayɛ kyɛ,

Edwein 66:4

Aseɛ so nikyee biala sɔne wɔ; bɛto wɔ nwo ayɛyelɛ dwein, bɛto wɔ dumaa nwo ayɛyelɛ dwein.” Sela

Edwein 67:7

Nyameɛ koyira yɛ, na odi kyɛ bɛ bɔ bɛwɔ aseɛ so nekaa biala besuro ye.

Edwein 72:19

Ye animnyam dumaa ne, odi kyɛ bɛye ye ayɛ daa, na ma ye animnyam oyi aseɛ ye amukoraa so tɛkyɛ. Amen, Amen.

Edwein 72:8

Ma ye ahennie ɔtrɛ fi ɛpo ɔɔhã ɛpo, ofi asue ne ɔɔhã aseɛ noa.

Yesaya 11:9

Ebiala ngohũ anaa ongopura ebiala wɔ me bokaa krongron ne aso amukoraa; ofikyɛ AWURADE nwo nimdeɛ koyi aseɛ so tɛkyɛ, kyɛbɔ nzue ayi ɛpo nu tɛkyɛ ne.

Yesaya 43:7

ebiala bɔ bɛfa me dumaa bɛfrɛ ye ɔ, bɔ mmɔle ye kyɛ ɔhyɛ me animnyam ɔ, bɔ nwone ye, ná nyɔle ye ɔ.”

Yesaya 59:19

Yiti bekosuro AWURADE dumaa bekofi eyia atɔleɛ, yeɛ bekosuro ye animnyam bekofi eyia afiteleɛ, ofikyɛ ɔkɔwa kyɛ asue bɔ ɔsẽ wuruwuru bɔ AWURADE mvrama fa ye kɔ ɔ.

Yesaya 66:23

Na ɔkɔwa kyɛ, ɛsraen foforɛ biala ne afofikyẽa biala, anwoɔnaen amukoraa kɔwa bɛkɔɔsɔne wɔ me nyunu, AWURADE noa dwirɛ ɛne.

Sefania 3:9

“Sɔ mmerɛ ne, ngɔma maen maen mɔ bɛ noa dwirɛ kɔyɛ krongron, amaa ɔnate so bɛ mukoraa babɔ AWURADE dumaa, ná bayɛ ko baso ye.

Sakaria 14:9

AWURADE koli hene wɔ aseɛ amukoraa so; na sɔ kyẽa ne, AWURADE kɔyɛ sonongo, yeɛ ye dumaa kɔyɛ sonongo.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

Romanfoɛ 15:9

kyɛbɔ ɔkɔyɛ bɔ Amaenmaensofoɛ bɛkɔhyɛ Nyameɛ animnyam wɔ ye anwumvoinnwunɛ nwo ɔ, kyɛbɔ bahyerɛ ye kyɛ, “Yiti ngɔkamvo wɔ wɔ Amaenmaensofoɛ nu; na ngɔto edwein ngɔye wɔ dumaa ayɛ.”

Ɛfesofoɛ 1:12

kyɛ yɛ bɔ yɛlili moa yɛnyane Kristo nu gyidie ne yɛɛyɛ ye animnyam ne ayɛyelɛ.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”

Nyekyire 20:3

na ofindini ye tole aseɛ bo dɔ kumaa kuronguronn ne anu, ɔtole ye nu, na ɔfale nzɔanoɛ tale ye noa, kyɛbɔ ɔkɔyɛ bɔ ɔngɔlakalaka maen maen mɔ ko kɔpem kyɛ afoɛ apee ko ne kɔso ɔ. Nakoso ɛhe asi ne, odi kyɛ bɛyakyi ye mmerɛ kãa bie.