Edwein 86:8 - AHYERƐLƐ KRONGRON

⁸ Ao AWURADE, ebiala ne wɔ bɛnzɛ wɔ nyameɛ mɔ nu, na ebiala ngɔhora ngɔfa ye sa noa nnwumaa ngɔtoto wɔ deɛ nwo.

Edwein 86:8 Iomraidhean Croise

2 Aberɛso Dwirɛ 2:4

Mepena kyɛ mesi awuro mefa AWURADE me Nyameɛ dumaa meto so, ná metu mesie berɛ mema ye maa bɛyera ɛyɛɛ fona wɔ ye nyunu, ná bɛbɔ daadaa paanoo folii afɔleɛ ne, ngyerɛmɔ ne nɔsoa naen yeralɛ afɔleɛ wɔ afofikyẽa ne ɛsraen foforɛ ɔne AWURADE yɛ Nyameɛ aluolue bɔ wahyehyɛ wato berɛ ne, kyɛbɔ wahyehyɛ wato berɛ wama Yisrael afebɔɔ ne.

Edwein 135:5

Na me de, mese kyɛ AWURADE te piri; yɛ Mene ne tra nyameɛ mɔ amukoraa.

Edwein 136:4

Ye bɔ ye ngome yeɛ ɔyɔ anwanwadeɛ mbiri mbiri ne, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 89:6

Ofikyɛ nwa yeɛ ɔwɔ ewienu bɔ bɛkɔfa ye bɛkɔtoto AWURADE nwo ɔ? Nyameɛsofoɛ mɔ, nwa yeɛ ɔte kyɛ AWURADE ɔ?

Edwein 89:7

Ɔte Nyameɛ bɔ besuro ye wɔ krongronfoɛ badwa nu ɔ, ɔte piri, na ye nwo yɛ suro tra bɛ bɔ bapɛ ye nwo bayia amukoraa.

Edwein 89:8

Ao AWURADE, Asafo Nyameɛ, nwa yeɛ ole anwoserɛ kyɛ wɔ ɔ, ao AWURADE? Wɔ nahorɛlilɛ apɛ wɔ nwo ayia.

Edwein 95:3

Ofikyɛ AWURADE te Nyameɛ piri, ɔte Ɛhene piri bɔ ɔtra nyameɛ mɔ amukoraa ɔ.

Ɛksadɔso 15:11

O AWURADE, nyameɛ foforɛ nemɔ, bɛ nu nwa yeɛ ɔne wɔ bɛte pɛ ɔ? Nwa yeɛ ye krongronyɛlɛ totohyia te kyɛ wɔ ɔ, bɔ ye nwo yɛ suro wɔ ngonim nu, ná ɔyɛ anwanwadeɛ kyɛ wɔ ɔ?

Ɛksadɔso 8:6

Yiti Aarɔn tengyɛle ye sa wɔ Misraim nzue mɔ so, na mborohyɛen mɔ wale bɛɛyɛle Misraim aseɛ so amukoraa manyamanya.

Yesaya 40:18

Nwa nwo yeɛ ɛmɔkɔfa Nyameɛ bɛkɔto ɔ, anaakyɛ nzikyɛ sue yeɛ ɛmɔkɔfa bɛkɔtoto ye nwo ɔ?

Yesaya 40:25

Nwa nwo yeɛ ɛmɔkɔfa me bɛkɔtoto ɔ, anaa, nwa yeɛ ɔne me bɛsɛ ɔ? Krongronniɛ ne, ye noa dwirɛ ɛne.

Yeremia 10:16

Ye bɔ ɔte Yakob kyɛfa ne, ye de ɔtte kyɛ bɛ, ofikyɛ ye yeɛ ɔbɔle nningyein amukoraa ɔ; Yisrael te maen bɔ ɔte ye agyapadeɛ ɔ, na ye dumaa ole Asafo AWURADE.

Daniel 3:29

Yiti, méhyɛ mmeraa kyɛ, maen, mmenia anaa edwudwolɛ biala bɔ ɔkɔhã dwirɛ kotia Sadrake, Mesake ne Abedinego Nyameɛ ne nen, ngɔmaa bɛkɔtete ye nu pasapasa, na bɛkɔfa ye awuro bɛkɔkakyi fofoɛ; ofikyɛ nyameɛ biala nne berɛ bɔ ɔkora pepɛ de sona sɔaa ɔ.”

Deuteronomi 3:24

‘O AWURADE Nyameɛ, bekye ala po yeɛ ahyɛ ye bo bɔ ɛma w’akoaa nwu kyɛbɔ esi te piri, ɔne kyɛbɔ wɔ tumi te ɔ, na nyameɛ foforɛ beni yeɛ ɔwɔ anwuro anaa ase bɔ ɔkɔhora kɔyɔ nningyein mbiri mbiri ne anwanwadeɛ bɔ ɛyɔ ye ɔ?

Deuteronomi 4:34

Anaakyɛ nyameɛ bie wɔ berɛ bɔ wasi ye ahone le kyɛ ɔkwaaye maen bie fi maen foforɛ so ɔfa yɛ ye deɛ, bɔ nzɔhwɛ, nzɛngyerɛnneɛ ne anwanwadeɛ, koɛ, tumi nnwumaa, ɔne tumi asaa, yeɛ ɔfa yɔle sɔ ɔ, kyɛbɔ AWURADE ɛmɔ Nyameɛ yɔ mane ɛmɔ wɔ Misraim maa enwuni ye ne?