Edwein 86:5 - AHYERƐLƐ KRONGRON

⁵ Ao AWURADE, ɛte paa, na ɛfa bɔne kyɛ; wɔ ɔdɔ bɔ onni ngasi ne ɔsone ma bɛ bɔ besu bɛfrɛ wɔ ɔ.

Edwein 86:5 Iomraidhean Croise

Nehemia 9:17

Bɛyɛle b’adwene kyɛ bengoli so, na anwanwadeɛ bɔ ɛyɔle mane bɛ ne, bangaye, na mmom bɛyɛle asoserɛ, yeɛ bɛyele sona maa ɔlale bɛ noa kyɛ besa bɛkɔ ngoaasolɛ nu wɔ Misraim. Nakoso ɛte Nyameɛ bɔ ɛfa bɔne kyɛ, ɛdo mmenia, yeɛ ɛse anwumvoin, w’ahone nhu ndɛ, wɔ ɔdɔ bɔ onni ngasi sone, na anye wɔ sa amvi bɛ bo.

Edwein 103:3

Ye yeɛ ɔfa w’amumuyɛɛ amukoraa kyɛ wɔ ɔ, ye yeɛ ɔsa w’anwonyerɛ amukoraa ɔ;

Edwein 103:8

AWURADE se anwumvoin, na ɔdo mmenia, ye ahone nhu ndɛ, na ye ɔdɔ bɔ onni ngasi ne ɔsone.

Edwein 119:68

Ɛte paa, na ɛyɔ bɔ ɔte paa ɔ, kyirekyire me w’ahyɛdeɛ ne.

Edwein 130:4

Nakoso wɔ de bɔnefakyɛ wɔ wɔ nu, amaa ɔnate so yasuro wɔ.

Edwein 130:7

Ao Yisrael, fa wɔ wora wura AWURADE nu! Ofikyɛ AWURADE yeɛ ole ɔdɔ bɔ onni ngasi ɔ, na ye yeɛ ɔpepɛ de sona mmorosoɛ ɔ.

Edwein 145:18

AWURADE pingye bɛ bɔ besu bɛfrɛ ye ɔ amukoraa, amba, bɛ bɔ besu bɛfrɛ ye nahorɛ nu amukoraa.

Edwein 25:8

AWURADE te paa, na ɔtengyɛ; yiti okyire bɔnefoɛ atee maa bɛfa so.

Edwein 36:7

Ao Nyameɛ, wɔ ɔdɔ bɔ onni ngasi ne, kyɛbɔ ye nwo osi le mvasoɛ ɔ! Na adasa mmaa bɛnwati bɛbafea wɔ ndaa ne abo fɔnwoo ne anu.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Edwein 52:1

Wɔ, anwoserɛniɛ, nzu ati yeɛ ɛfa bɔne bɔ edi ɔ hoahoa wɔ nwo ye? Nyameɛ nahorɛ wɔ berɛ daa.

Edwein 69:14

pepɛ de me, amaa ɔnate so mammi wɔ asaa pɛkyɛpɛkyɛ ne anu; pepɛ de me fi me pɔfoɛ mɔ sa nu, ɔne buma ne anu.

Edwein 69:16

Ao AWURADE,‘ tie me, ofikyɛ wɔ ɔdɔ bɔ onni ngasi ne, ɔte paa; gyina w’anwumvoinnwunɛ kandinga ne aso, ná pɛne wɔ nye baanea me.

Edwein 86:15

Nakoso, ao AWURADE, ɛte Nyameɛ bɔ ɛse anwumvoin ná ɛdo mmenia ɔ; w’ahone nhu ndɛ, na wɔ ɔdɔ bɔ onni ngasi ne wɔ nahorɛlilɛ ne, ɔsone.

Ɛksadɔso 34:6

AWURADE pɛle nu wɔ Mose nyunu, na AWURADE teane nu hane kyɛ, “AWURADE, AWURADE, Nyameɛ bɔ ɔse anwumvoin ná ɔdo mmenia ɔ, bɔ ye ahone nhu ndɛ, bɔ ye ɔdɔ bɔ onni ngasi ne nahorɛlilɛ sone ɔ,

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Yeremia 33:3

Sũ frɛ me, na ngobua wɔ, na ngɔla edwirɛ mbiri mbiri bɔ wafea wɔ bɔ ɛnze ɔ ali ngohyire wɔ.

Hesekiel 36:33

“AWURADE Nyameɛ nwa nyoo: Kyẽa bɔ ngɔte ɛmɔ nwo ngofi ɛmɔ amumuyɛɛ amukoraa nwo ne, ngɔmaa ɛmɔkɔtenatena nguro nemɔ aso, na ɛmɔkosa bɛkɔkyekye kurofoen nemɔ.

Hesekiel 36:37

“AWURADE Nyameɛ nwa nyoo: Asa koso, ngɔma Yisrael awuro ama bɛkɔsrɛ me maa ngɔyɔ ɛhe ngɔma bɛ: Ngɔmaa bɛkɔyɛ mmenia bɔ bata pee kyɛ mmoaen kure ɔ.

Daniel 9:9

O AWURADE yɛ Nyameɛ, yayɛ wɔ nwo lɔen, nakoso wɔ yeɛ ɛse anwumvoin ná ɛfa bɔne kyɛ ɔ.

Yoel 2:13

Ɛ́mɔsunzua ɛmɔ ahone nu, na nna ɛmɔ ndaadeɛ nu ɔ, ná ɛ́mɔsa bɛbra AWURADE ɛmɔ Nyameɛ berɛ. Ofikyɛ ɔdo mmenia na ɔse anwumvoin; ye ahone nhu ndɛ, ye ɔdɔ bɔ onni ngasi ne ɔsone, na ɔsesã ye adwene ɔtwe bɔne nwo asohwenɛ sa.

Yona 4:2

Na ɔbɔle mbaeɛ bisale AWURADE kyɛ, “Ao AWURADE, mesrɛ wɔ, mmerɛ bɔ né nwɔ me maen nu ne, aso nna edwirɛ he yeɛ ngane ɔ? Ye sɔ ti yeɛ nwatili kyɛ ahaa mekɔ Tasise ne, ofikyɛ mese kyɛ ɛte Nyameɛ bɔ ɛdo mmenia ná ɛse anwumvoin ɔ, w’ahone nhu ndɛ, wɔ ɔdɔ bɔ onni ngasi ne ɔte piri, na ɛsesã w’adwene wɔ musue bɔ ɛbaafa ba ɔ nwo.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Yohane 4:10

Na Yesu buale ye kyɛ, “Sɛ ɛse Nyameɛ akyɛdeɛ ne, ɔne bɔ ɔkã kyire wɔ kyɛ, ‘Ma me nzue ne bie ma nno’ a, ahaa asrɛ ye, ná wama wɔ ngoa nzue.”

Asomafoɛ 2:21

Na ɔkɔwa kyɛ ebiala bɔ ɔkɔbɔ Awurade dumaa ne, okonya ngoa.’

Ɛfesofoɛ 2:4

Nakoso Nyameɛ bɔ ye anwumvoinnwunɛ sone ne, ɔnate ye hurolɛ bɔ okuro yɛ dwirɛ pee ne aso