Edwein 86:3 - AHYERƐLƐ KRONGRON

³ Ao AWURADE, nwu me anwumvoin, ofikyɛ wɔ yeɛ daa mesu mefrɛ wɔ ɔ.

Edwein 86:3 Iomraidhean Croise

Edwein 25:5

Di me nyunu maa nnate wɔ nahorɛ ne anu, ná kyirekyire me, ofikyɛ wɔ yeɛ ɛte me ngoadefoɛ Nyameɛ ɔ; wɔ yeɛ me nye la wɔ so daa biala ɔ.

Edwein 4:1

Ao, me Nyameɛ bɔ edi me dwirɛ ma me ɔ, mefrɛ wɔ a tie me e! Me nwo hyerele me ne, wɔ yeɛ ɛpepɛ lele me ɔ. Nwu me anwumvoin, ná tie me mbaeɛ.

Edwein 41:5

Me pɔfoɛ mɔ bele adwene tɛɛ bɛkekã me nwo dwirɛ kyɛ, “Kyinzu yeɛ okowu ma ye dumaa boso konunu ɔ?”

Edwein 55:17

Nɔsoa, ngyerɛmɔ ne eyia, mekã me yealɛ mesu, na okotie me mbaeɛ.

Edwein 56:1

Ao Nyameɛ, nwu me anwumvoin, ofikyɛ mmenia bɛpena me beku me. Mmerɛ biala me pɔfoɛ mɔ tane me nye,

Edwein 57:1

Nwu me anwumvoin, ao Nyameɛ, nwu me anwumvoin, ofikyɛ wɔ nu yeɛ me kra nwati bafea ɔ; wɔ ndaa ne abo fɔnwoo ne anu yeɛ menwati mebafea ɔ, kɔpem kyɛ asetena nu mvrama piri ne abo kɔpɛ nu kɔhɔ ɔ.

Edwein 88:10

Aso ɛyɔ anwanwadeɛ ma awufoɛ? Aso awufoɛ bɛkora bedwɔso bɛye wɔ ayɛ anaa? Sela

Edwein 88:2

Ma me mbaeɛ odwu wɔ nyunu, yɛ asoɛ tie me sufrɛ.

Edwein 88:9

Aworabɔlɛ ama me nye mmaa apakye. Ao AWURADE, daa mesu mefrɛ wɔ; metrɛ me sa nu mebɔ mbaeɛ mekyire wɔ.

Luka 18:7

Na bɛ bɔ Nyameɛ aneanea nu waye bɛ, bɔ besu bɛfrɛ ye eyia ne kɔngɔen ne, sɛ ɔto ye bo ase ɔkyɛ kãa wɔ bɛ nwo a, aso ongoli bɛ dwirɛ ngɔma bɛ anaa?

Luka 2:37

Né ɔte kunaniɛ bɔ wali afoɛ kɔyɛ aburawɔtwɛ ne nna; na daa biala né ɔwɔ asɔneyɛɛ sua nu berɛ, bɔ eyia ne kɔngɔen ole akɔngyere ne mbaeɛbɔlɛ ɔsɔne Nyameɛ ɔ.

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,