Edwein 86:11 - AHYERƐLƐ KRONGRON

¹¹ Ao AWURADE, kyire me w’atee ne, amaa ɔnate so mali wɔ nahorɛ dwirɛ ne aso. Maa nzi m’adwene pi mva nzuro wɔ dumaa.

Edwein 86:11 Iomraidhean Croise

YOB NWOMAA NE 34:32

bɔ mannwu ye bɔ mayɔ ne, kyirekyire me, sɛ mayɔ amumuyɛɛ a, mengɔyɔ sɔ ko’ a,

Edwein 119:30

Maneanea nu maye nahorɛlilɛ atee ne, na mafa wɔ nhyehyɛleɛ masie me nye so.

Edwein 119:33

Ao AWURADE, kyirekyire me w’ahyɛdeɛ atee ne, na ngoli so ngoodwu ye bo.

Edwein 119:73

Wɔ sa yeɛ ɛfa bɔle me ná esiesiele me ɔ; ma me ndeaseɛ maa mva nzua wɔ mmeraa dwirɛ ne.

Edwein 25:12

Nwa yeɛ ɔte sona bɔ osuro AWURADE ɔ? Ye yeɛ AWURADE kohyire ye atee bɔ odi kyɛ ɔfa so ɔ.

Edwein 26:3

Ofikyɛ daa biala mekaye wɔ ɔdɔ bɔ onni ngasi ne, na wɔ nahorɛlilɛ ne anu yeɛ menate ɔ.

Edwein 27:11

Ao AWURADE, kyire me w’atee ne, ná fa me fa atimbire frɛtɛɛ so, ɔnate me pɔfoɛ mɔ ati.

Edwein 5:8

Ao AWURADE, ɔnate me pɔfoɛ mɔ ati, fa wɔ tenenee ne kyire me atee; ma w’atee ne ɔla me nyunu turoloo.

Hosea 10:2

B’adwene ayɛ ndaa ndaa, afei odi kyɛ bɛsoa bɛ mvomsoɛ; AWURADE kobubu b’afɔleɛ mmokyea mɔ, na ɔkɔsɛkye b’amoen nemɔ.

Hosea 14:8

Ao Efraim, nzikyɛ yeɛ me ne mmosoen yɛle ye yɛyɔ bieku ɔ? Me yeɛ mema ye mmuayɛɛ, ná menea ye so ɔ; nde kyɛ ɛframmire monɛ bɔ ye nyaa mboro ɔ, na me so yeɛ enya wɔ mmakaammaa ɔ.

Sefania 1:5

yeɛ bɛ bɔ bɛsɔne anwuro abɔdeɛ mɔ wɔ sua ti afia; yeɛ bɛ bɔ bɛsɔne AWURADE bɛfa ye bɛta ndaen, nakoso bɛfa bosoen Milkom bɛta ndaen ɔ;

Malaki 2:6

Nahorɛ mmeraa ne yɛle ye noa dwirɛ, na amumuyɛɛ biala wamvite ye noa. Asomdwee ne pɛpɛɛpɛyɛlɛ nu yeɛ ɔne me natele ɔ, na ɔmane mmeni pee bɛyakyili amumuyɛɛyɔlɛ.

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

1 Korintofoɛ 10:21

Ɛmɔngɔhora bɛngɔno Awurade kulie noa, ná ɛmɔano sunzummɔne mɔ koso bɛ kulie noa. Ɛmɔngɔhora bengodidi Awurade poen so, ná ɛmɔasa badidi sunzummɔne mɔ bɛ poen so.

1 Korintofoɛ 6:17

Na sona bɔ ɔfa ye nwo bata Awurade ne, ɔne ye bɛyɛ ko sunzum nu.

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

Ɛfesofoɛ 4:21

Ɛmɔate ye nwo dwirɛ amba, yeɛ bayɛ ngyerɛkyerɛ bahyire ɛmɔ wɔ ye nu, kyɛbɔ Yesu nu nahorɛ ne ɔte ne.

Kolosefoɛ 3:17

Na nikyee biala bɔ ɛmɔyɔ wɔ edwudwolɛ anaa yɔleɛ nu ne, ɛmɔyɔ ye mukoraa wɔ Awurade Yesu dumaa nu, na ɛmɔfa asennaa bɛfa ye so bɛma Baba Nyameɛ.

2 Yohane 1:4

Ɔyɛle me fɛ paa, kyɛ nwuni kyɛ wɔ mma nemɔ bie nate nahorɛ ne anu kyɛbɔ Baba ne hyɛle yɛ ne ala.