Edwein 85:9 - AHYERƐLƐ KRONGRON

⁹ Amba, ye ngoalelɛ pingye bɛ bɔ besuro ye ɔ, na ye animnyam ne kɔtena ye aseɛ ne aso.

Edwein 85:9 Iomraidhean Croise

Edwein 119:155

Bɔnefoɛ bɛ ne ngoalelɛ b’afia atee wale, ofikyɛ bɛmbena w’ahyɛdeɛ si atee.

Edwein 50:23

Sona bɔ ɔfa asennaa ɔbɔ afɔleɛ ma me ne, ɔhyɛ me animnyam; sona bɔ ye atee tengyɛ ne, ngɔmaa okonwu Nyameɛ ngoalelɛ ne.”

Yesaya 4:5

Na afei Sion bokaa ne, ye nekaa biala, ɔne mmenia bɔ beyia berɛ ne, AWURADE kɔyɛ munungum eyia, ɔne nwosina ne see gonn kɔngɔen komundu bɛ so. Ofikyɛ animnyam ne kɔyɛ ngatasoɛ kɔkata bɛ mukoraa bɛ so.

Yesaya 46:13

Mama me tenenee ne apingye, ɔnne dede koraa, me ngoalelɛ ne, ɔngɔhyɛ né wawa. Ngɔma ngoalelɛ kɔwa Sion, na ngɔma m’animnyam kɔwa Yisrael so.”

Yeremia 23:35

Yiti odi kyɛ ebiala obisa obiɛngo, ná ebiala obisa oliɛma kyɛ, ‘Nzikyɛ mmuayɛɛ yeɛ AWURADE ama ɔ?’ anaakyɛ ‘Nzikyɛ yeɛ AWURADE wahã ɔ?’

Yeremia 23:37

Yiti bisa ngɔmhyɛlɛniɛ ne kyɛ, ‘Nzikyɛ mmuayɛɛ yeɛ AWURADE ama wɔ ɔ?’ anaakyɛ ‘Nzikyɛ dwirɛ yeɛ AWURADE ahã ɔ?’

Yeremia 29:11

Ofikyɛ mese adwene horɛ bɔ medwene mefa ɛmɔ nwo ɔ, AWURADE noa dwirɛ ɛne; yeeyɛlɛ nwo adwene, nna bɔne adwene ɔ; kyɛ ngɔma ɛmɔkonya ayieleɛ paa ne anyelasoɛ.

Hesekiel 26:20

ye de, ngɔfa wɔ ngɔboka bɛ bɔ ofi tetetete bedwu ase bɛkɔ ɛborɔ kumaa nu ne aso, na ngofindi wɔ ngɔto ase. Ngɔmaa ɛkɔtena aseɛ bo dɔ, nekaa bɔ berɛ te aworabɔlɛ fi tetetete ne, ɛne bɛ bɔ bedwu ase bɛkɔ ɛborɔ kumaa nu ne, amaa ɔnate so ebiala wandena wɔ nu ko, na ngɔma animnyam kɔwa ateasefoɛ aseɛ so.

Hesekiel 3:10

Na osa sele me kyɛ, “Sona awa, me dwirɛ amukoraa bɔ mebaahã mekyire wɔ ne, fa wɔ so tie ná ma ɔhɔ wɔ ti anu.

Habakuku 2:1

Ngogyina m’apa bɔ megyina so mesra ne aso, ná magyina ndende wɔ abandenden ne aso. Ngɔwɛne ngɔnea bɔ ɔkɔhã kohyire me ɔ, ɔne mmuayɛɛ bɔ ɔkɔfa kɔma me wɔ m’adwobisa ne anwo ɔ.

Sakaria 2:5

Ofikyɛ me bɔbɔ, ngɔyɛ ye see fasue ngɔpɛ ye nwo ngɔbra ngoyia, AWURADE noa dwirɛ ɛne, na ngɔyɛ ye nu animnyam.’ ”

Sakaria 2:8

Ofikyɛ bɔ Asafo AWURADE kã hɔ ɛhe: Ye animnyam ne ati yeɛ ɔsomane me wɔ maen maen bɔ bɛfene ɛmɔ bɛfale nemɔ berɛ ɔ, ofikyɛ ebiala bɔ ɔkɔfa ye sa kɔhã ɛmɔ ne, né wafa ye sa wahã AWURADE nye kyiremvua.

Luka 2:32

kanea bɔ ɔkɔla wɔ ali kohyire Amaenmaensofoɛ ɔ bɔ ɔte wɔ maen Yisrael animnyam ne.”

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Asomafoɛ 13:16

Yiti Pɔɔlo dwɔso gyinane, ɔmane ye sa so hyirele kyɛ bɛyɛ dinn, na osele bɛ kyɛ, “Aliɛmaa mɔ Yisraelfoɛ ne Amaenmaensofoɛ mukoraa bɔ besuro Nyameɛ ɔ, ɛmɔyɛ asoɛ betie me!

1 Samuel 3:9

Yiti Eli sele Samuel kyɛ, “Kɔ ná kɔla, na sɛ ɔfrɛ wɔ a, ka kyɛ, ‘AWURADE, dwudwo, na wɔ somvoɛ ótie.’ ” Na Samuel hɔle ɔɔlale nekaa bɔ né ɔla ne.